បរទេស ៖ យោងតាមទស្សនាវដ្ដី Foreign Affairs បានឱ្យដឹងថា យោធាអ៊ុយក្រែន បានបាត់បង់សមាមាត្រដ៏ច្រើន នៃរថក្រោះប្រយុទ្ធ Leopard 2 របស់ខ្លួន ដែលត្រូវបានបរិច្ចាគ ដោយរដ្ឋបរទេស ដោយជាងមួយភាគបួន គឺត្រូវបានបំផ្លាញ ដោយកងទ័ពរុស្ស៊ី ហើយរថក្រោះដែលនៅសល់ត្រូវ បានខូចខាតហួសពីសមត្ថភាព របស់ទីក្រុងគៀវក្នុងការជួសជុល ។
យោងតាមសារព័ត៌មាន RT ចេញផ្សាយនៅថ្ងៃទី៣០ ខែមករា ឆ្នាំ២០២៤ បានឱ្យដឹងថា ខណៈដែលប្រព័ន្ធផ្សព្វផ្សាយ លោកខាងលិចបានហៅរថក្រោះ ដែលផលិតដោយ អាល្លឺម៉ង់ថា ជាអ្នកផ្លាស់ប្តូរហ្គេម បន្ទាប់ពីទីក្រុងប៊ែកឡាំងបានអនុញ្ញាត ការផ្ទេររថក្រោះកាលពីឆ្នាំមុននោះ ទីក្រុងគៀវបានរកឃើញ តាំងពីពេលនោះមកថា ពួកគេគឺជា “អាវុធទំនើបដែលងាយរងគ្រោះ” ។
Foreign Affairs បានសរសេរថា “ក្នុងចំណោមរថក្រោះ Leopard 2s តិចជាង ១០០គ្រឿង នៅក្នុងសេវាកម្មអ៊ុយក្រែន គឺមានយ៉ាងហោចណាស់ ២៦គ្រឿងខូច។ កិច្ចការផ្សេងទៀតមិនអាចប្រើប្រាស់បាន ដោយសារបញ្ហាជួសជុល និងថែទាំ” Foreign Affairs បន្ថែមថា អ៊ុយក្រែនខ្វះ “ហេដ្ឋារចនាសម្ព័ន្ធគាំទ្រយ៉ាងទូលំទូលាយ” ដែលត្រូវការដើម្បីថែរក្សាកងរថក្រោះរបស់ខ្លួន។
Foreign Affairs ក៏បានចង្អុលទៅ “ការហ្វឹកហ្វឺនយ៉ាងប្រញាប់ប្រញាល់” សម្រាប់ក្រុមរថក្រោះអ៊ុយក្រែនដោយទីប្រឹក្សាលោកខាងលិច ដោយនិយាយថា ពួកគេបានបរាជ័យក្នុង ការប្រើប្រាស់ “ការសម្របសម្រួលអាវុធរួម បញ្ចូលគ្នាយ៉ាងតឹងរឹង” ដើម្បីការពាររថពាសដែក ដែលស្ថិតនៅក្រោមការ បាញ់ប្រហារនៅសមរភូមិ ។ កងពលតូចរថក្រោះ ត្រូវបានផ្តល់ការណែនាំត្រឹមតែ ប្រាំសប្តាហ៍ប៉ុណ្ណោះ ហើយភាគច្រើនត្រូវបានបង្កើតឡើងដោយ “ទម្រង់គ្មានបទពិសោធន៍” ជាមួយនឹងបទពិសោធន៍ប្រយុទ្ធតិចតួច ឬគ្មានបទពិសោធន៍៕
ប្រែសម្រួលៈ ណៃ តុលា
