បរទេស៖ យោងតាមការចេញផ្សាយរបស់ RT លោក Vladimir Zelensky បាននិយាយថា ពាក្យដែលប្រធានាធិបតីរុស្ស៊ីលោក Vladimir Putin បានលើកឡើងសម្រាប់ការបញ្ចប់ជម្លោះ គឺជាឱសានវាទចំពោះអ៊ុយក្រែន ហើយជារឿងមិនអាចទទួលយកបាននោះទេ។
ថ្លែងនៅក្នុងកិច្ចប្រជុំជាមួយមន្ត្រីជាន់ខ្ពស់ក្រសួងការបរទេសរុស្ស៊ីកាលពីថ្ងៃសុក្រ លោក Putin បាននិយាយថា ក្រុងគៀវ នឹងត្រូវប្រគល់ទឹកដីទាំងអស់នៃតំបន់ចំនួនបួន ដែលបានជ្រើសរើសចូលរួមជាមួយរុស្ស៊ី ហើយធានាថា ខ្លួននឹងមិនចូលរួមជាមួយណាតូ មុនពេលកិច្ចចរចាសន្តិភាពអាចចាប់ផ្តើម។
ជាការឆ្លើយតបលោកZelensky បានប្រាប់បណ្តាញទូរទស្សន៍ Sky TG24 នៅពេលចូលរួមក្នុងកិច្ចប្រជុំ G7 នៅភាគខាងត្បូងនៃប្រទេសអ៊ីតាលីថា៖តើខ្ញុំអាចនិយាយអ្វីបាន? សារទាំងនេះគឺជាសារឱសានវាទ វាមិនខុសពីឱសានវាទផ្សេងទៀតដែលគាត់បានធ្វើពីមុននោះទេ។
ការកំណត់លក្ខណៈរបស់ Zelensky ចំពោះការផ្តល់ជូនរបស់លោកPutinជាឱសានវាទត្រូវបានច្រានចោលថាជា ការយល់ដឹងខុសច្បាស់រួចទៅហើយ នេះបើយោងតាមអ្នកនាំពាក្យវិមានក្រឹមឡាំងលោក Dmitry Peskov កាលពីថ្ងៃសុក្រ។
លោក Putin បាននិយាយថា៖ការប្រើប្រាស់ប្រតិបត្តិការយោធាប្រឆាំងនឹងរដ្ឋាភិបាលនៅទីក្រុងគៀវ ក្នុងខែកុម្ភៈ ឆ្នាំ ២០២២ ទីក្រុងមូស្គូមានគោលបំណងសម្រេចបាននូវ ការគ្មានយោធា និងការបំផ្លិចបំផ្លាញរបស់អ៊ុយក្រែន និងការធានាប្រកបដោយសុវត្ថិភាពថា ក្រុងគៀវ នឹងមិនចូលរួមជាមួយណាតូ ឬប្លុកយោធាប្រឆាំងរុស្ស៊ីផ្សេងទៀតឡើយ៕ ប្រែសម្រួល៖ស៊ុនលី
