បរទេស៖យោងតាមការចេញផ្សាយរបស់ RT ទីក្រុងគៀវ កំពុងបង្ខំចិត្តស្វែង រកជម្រើសថ្មីៗក្នុងការផ្គត់ផ្គង់ និងជួនកាលប្រភពអាវុធខុសច្បាប់ ដើម្បីបង្កើតការផ្គត់ផ្គង់ មិនគ្រប់គ្រាន់របស់បស្ចិមប្រទេស ។
ការលើកឡើងដែលបានធ្វើឡើងដោយស្ថាបនិក នៃក្រុមហ៊ុនទីភ្នាក់ងារលទ្ធកម្មការពារជាតិ អ៊ុយក្រែននិងជានាយករងលោកនៃអង្គភាពផងគឺលោក Vladimir Pikuzo បានបង្ហាញក្នុងបទសម្ភាសន៍ជាមួយសារព័ត៌មានអង់គ្លេស The Times ដែលបានចុះផ្សាយកាលពីថ្ងៃអាទិត្យ។
អ្វីដែលនាំឱ្យអ៊ុយក្រែនចាប់ផ្តើមសម្លឹងមើលទៅប្រភពថ្មីសម្រាប់សព្វាវុធគឺការពិតដែលថាក្នុងរយៈពេលប៉ុន្មានខែដំបូងនៃជម្លោះមានតែអាវុធប្រមាណ ៦០ភាគរយ នៃអាវុធដែលប្រើប្រាស់ដោយកងកម្លាំងប្រដាប់អាវុធរបស់ប្រទេសនេះត្រូវបានផ្គត់ផ្គង់ដោយលោកខាងលិច ចំណែកឯក្រុងគៀវត្រូវទិញតាមរយៈប្រទេសផ្សេងបន្ថែមទៅវិញ។
ទីភ្នាក់ងារដែលលោក Pikuzo បានបង្កើត ឡើងក្នុងខែកក្កដា ឆ្នាំ២០២២ ដែលទាញយកមូលនិធិពី ថវិកាការពារជាតិរបស់អ៊ុយក្រែន មានគោលបំណងធានានូវអាវុធបន្ថែមទៀតសម្រាប់យោធាហើយអង្គការនេះស្វែងរកតែសព្វាវុធដែលមិនបានស្តុកទុក ឬផលិតក្នុងប្រទេសណាតូ ឡើយដែលក្នុងនោះរួមទាំងសព្វាវុធសម័យសូវៀតជាដើម៕
ប្រែសម្រួល៖ស៊ុនលី
