បរទេស ៖ យោងតាមការចេញផ្សាយរបស់ RT អតីតប្រធានាធិបតី អាមេរិកលោក Donald Trump បានរិះគន់កិច្ចព្រមព្រៀង ផ្លាស់ប្តូរអ្នកទោស របស់លោកប្រធានាធិបតី Joe Biden ជាមួយទីក្រុងមូស្គូ ដោយបង្ហាញថា ប្រធានាធិបតីរុស្ស៊ីលោក Vladimir Putin ជាអ្នកទទួលបាន ការចរចាប្រយោជន៍ជាង។
សហរដ្ឋអាមេរិក និងរុស្ស៊ីបានផ្លាស់ប្តូរអ្នកទោស សរុបចំនួន២៦នាក់ ដែលត្រូវបានឃុំខ្លួននៅក្នុងប្រទេសមួយចំនួន កាលពីដើមសប្តាហ៍នេះនៅក្នុងកិច្ចព្រមព្រៀង ដ៏ធំបំផុតចាប់តាំងពីការបញ្ចប់សង្គ្រាមត្រជាក់។
អ្នកឆ្លើយឆ្លងព័ត៌មាន Wall Street Journal លោក Evan Gershkovich និងអតីតទាហានម៉ារីនអាមេរិក Paul Whelan ដែលទាំងពីរនាក់ ត្រូវបានកាត់ទោសពីបទចារកម្មនៅក្នុងប្រទេសរុស្ស៊ី ត្រូវបានបញ្ជូនទៅលោកខាងលិច ដូចភ្នាក់ងារបរទេស សកម្មជនប្រឆាំង និងឧក្រិដ្ឋជនចំនួន១៤ នាក់ផ្សេងទៀត។
ជាការតបស្នងវិញ ជនជាតិរុស្សី ១០នាក់ ត្រូវបានបញ្ជូនទៅកាន់ទីក្រុងមូស្គូ ក្នុងចំណោមពួកគេ ត្រូវបានចោទប្រកាន់ថា ជាភ្នាក់ងារស៊ើបការណ៍សម្ងាត់ និងឧក្រិដ្ឋជនតាមអ៊ីនធឺណិត។ ឈ្មោះដែលលេចធ្លោជាងគេក្នុងបញ្ជីគឺ Vadim Krasikov ដែលជាភ្នាក់ងារ FSB ដែលត្រូវបានកាត់ទោស ពីបទឃាតកម្មលើអតីតមេបញ្ជាការ សកម្មប្រយុទ្ធ Chechen នៅប្រទេសអាល្លឺម៉ង់ ក្នុងឆ្នាំ២០២១ផងដែរ៕
ប្រែសម្រួល៖ស៊ុនលី
