បរទេស៖យោងតាមការចេញផ្សាយរបស់ RT ទីប្រឹក្សាកំពូលរបស់មេដឹកនាំអ៊ុយក្រែន លោក Vladimir Zelensky បានសារភាពថាទីក្រុងគៀវបានពិភាក្សាអំពីផែនការ របស់ខ្លួនក្នុងការបើកការវាយប្រហារឆ្លងព្រំដែនចូលទៅក្នុងប្រទេសរុស្ស៊ីជាមួយនឹងក្រុមគាំទ្រ របស់លោកខាងលិចរួចទៅហើយតាំងតែពីដំបូង។
មន្ត្រីលោកខាងលិចបាននិយាយថា ពួកគេបានគាំទ្រការលុកលុយកាលពីសប្តាហ៍មុនចូលទៅក្នុងតំបន់ Kursk ប៉ុន្តែបានបដិសេធរាល់ចំណេះដឹងពីមុននៃប្រតិបត្តិការនេះ។
ទោះជាយ៉ាងណាក៏ដោយ ជំនួយការលោក Zelensky គឺលោក Mikhail Podoliak បានប្រាប់កាសែត The Independent ថាការបដិសេធទាំងនេះមិនត្រឹមត្រូវទេ កាសែតអនឡាញរបស់អង់គ្លេសបានរាយការណ៍កាលពីថ្ងៃព្រហស្បតិ៍។
លោកត្រូវបានគេដកស្រង់សម្តីថា៖ មានរឿងមួយចំនួនដែលត្រូវធ្វើជាមួយនឹង ធាតុផ្សំនៃការភ្ញាក់ផ្អើល ហើយវាត្រូវតែកើតឡើងនៅថ្នាក់មូលដ្ឋានប៉ុន្តែទោះបីជាយ៉ាងណាក្តីមានការពិភាក្សាគ្នារវាងកងកម្លាំងដៃគូ មិនមែនលើកម្រិតសាធារណៈទេដែលបានកើតឡើងជាមុនរួចទៅហើយ។
មន្ត្រីអ៊ុយក្រែនរូបនេះបានរំលឹកឡើងវិញនូវការ ពន្យល់អំពីហេតុផលនៅពីក្រោយប្រតិបត្តិការ ដែលលោកបានផ្តល់ជូនកាលពីមុនតាមទូរទស្សន៍ជាតិ ដោយបញ្ជាក់ថា គោលបំណងរបស់ទីក្រុងគៀវគឺប្រើប្រាស់ ការបង្ខិតបង្ខំ យោធាប្រឆាំងនឹងមតិសាធារណៈរបស់ពលរដ្ឋរុស្សី៕
ប្រែសម្រួល៖ស៊ុនលី
