ភ្នំពេញ ៖ លោកស្រីអនុរដ្ឋមន្រ្តី ក្រសួងការបរទេស សហរដ្ឋអាមេរិក Wendy Sherman បានមកដល់ភ្នំពេញ ហើយត្រូវបានទទួល ដោយលោកឯកអគ្គរដ្ឋទូត W. Patrick Murphy ។
យោងតាមគេហទំព័រហ្វេសប៊ុក របស់ស្ថានទូតអាមេរិក ប្រចាំកម្ពុជា បានឲ្យដឹងថា “លោកស្រីអនុរដ្ឋមន្រ្តី មកទស្សនកិច្ច នៅកម្ពុជា ថ្ងៃនេះ គឺដើម្បីជួបជាមួយថ្នាក់ដឹកនាំ ជាន់ខ្ពស់កម្ពុជា និងភាគីពាក់ព័ន្ធដទៃទៀត ដើម្បីពិភាក្សា ពីបញ្ហាតំបន់ និងបញ្ហាទ្វេភាគីសំខាន់ៗ” ។
សូមបញ្ជាក់ថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងទទួលជួបជាមួយ អនុរដ្ឋមន្ត្រីក្រសួង ការបរទេស សហរដ្ឋអាមេរិក លោកស្រី Wendy Ruth Sherman ដែលមកបំពេញទស្សនកិច្ច នៅកម្ពុជា រយៈពេល១ថ្ងៃ នៅថ្ងៃទី១ ខែមិថុនា ឆ្នាំ២០២១ ៕
