ឯកឧត្តម ឃួង ស្រេង និងឯកឧត្តម ប៉ា សុជាតិវង្ស ក្រាបបង្គំទូលថ្វាយ សព្ទសាធុការពរជ័យ សម្តេចព្រះមហាក្សត្រី ក្នុងឱកាសព្រះរាជពិធីបុណ្យ​ចម្រើនព្រះជន្ម គម្រប់ ៨៥ព្រះវស្សា យាងចូល ៨៦ព្រះវស្សា

ទូលបង្គំជាខ្ញុំ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ, ទូលបង្គំជាខ្ញុំ ឯកឧត្តម ប៉ា សុជាតិវស្ស​ ប្រធានក្រុមប្រឹក្សារាជធានីភ្នំពេញ និងលោកជំទាវ សូមបួងសួង ព្រះបារមី ព្រះមហាស្វេតច្ឆត្រ និងវត្ថុស័ក្កិសិទ្ធិក្នុងលោក ប្រោសព្រះរាជទានពរជ័យ សិរីមង្គល ថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសិរីភាពសេចក្តីថ្លៃថ្នូរ និងសុភមង្គល ក្នុង​ឱកាសព្រះរាជពិធីបុណ្យចម្រើនព្រះជន្ម គម្រប់ ៨៥ព្រះវស្សា យាងចូល ៨៦ព្រះវស្សា ។

សូមព្រះរាជានុញ្ញាតិ ថ្វាយនូវព្រះសព្ទសាធុការពរ ក្នុង​ឱកាសព្រះរាជពិធីបុណ្យចម្រើនព្រះជន្ម គម្រប់ ៨៥ព្រះវស្សា យាងចូល ៨៦ព្រះវស្សា ត្រូវនឹងថ្ងៃទី១៨ មិថុនា ឆ្នាំ២០២១នេះ សូមព្រះមហាក្សត្រី មានព្រះពលានុភាពខ្លាំង ព្រះកាយពលមាំមួន ព្រះបញ្ញាញាណភ្លឺថ្លា និងព្រះជន្មាយុយឺនយូរ ជាងព្រះវស្សា ដើម្បីគង់ប្រថាប់ជាម្លប់ ដ៏ត្រជាក់ជុំ សុខដុមរមនា​ របស់ប្រជារាស្ត្រខ្មែរ ជាកូនចៅ ចៅតួត នានិច្ចនិរន្តរ៍តរៀងទៅ៕

Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999