ភ្នំពេញ ៖ គណៈកម្មាធិការជាតិរៀបចំការបោះឆ្នោត(គ.ជ.ប) នៅថ្ងៃ៦ មិថុនានេះ បានចេញសេចក្តីប្រកាសព័ត៌មានមួយ ដោយអំពាវនាវបញ្ឈប់ជាបន្ទាន់ នូវសកម្មភាព ដែលផ្ទុយពីខ្លឹមសារ នៃច្បាប់បោះឆ្នោត មិនឲ្យប្រជាពលរដ្ឋទៅបោះឆ្នោត ក្រោយគ្មានវត្តមានគណបក្សភ្លើងទៀន ។
គ.ជ.ប បញ្ជាក់យ៉ាងច្បាស់ ទៅមនុស្សមួយចំនួនដែលចេញយុទ្ធនាការ តាមរយៈខិតបណ្ណ រូបភាព ឬស្ប៉តឃោសនានានា តាមបណ្តាញសង្គមហ្វេសប៊ុក ឲ្យពលរដ្ឋគូសសន្លឹកឆ្នោតចោល និងមិនឲ្យ ទៅបោះឆ្នោតនោះ គឺថា គ.ជ.ប បដិសេធចំពោះគណបក្សភ្លើងទៀនដោយអនុវត្តទៅតាមច្បាប់ប៉ុណ្ណោះ ។
គ.ជ.បបញ្ជាក់ទៀតថា ឃោសនា ដូចខាងលើនេះ គឺរំលោភបំពានលើមាត្រា១៤២ នៃច្បាប់ស្តីពី បោះឆ្នោតដែលត្រូវផាកពិន័យ ៥លានរៀលទៅ២០លានរៀល ។
ការអំពាវនាវរបស់គ.ជ.បដែលជាស្ថាប័នជាតិ រៀបចំការបោះឆ្នោតនេះ ក្រោយឃើញបណ្តាញហ្វេស ប៊ុករបស់ក្រុមប្រឆាំងដែលមានបុគ្គលឆាំ ឆានី បានបំផុសគៀងគរ ពលរដ្ឋខ្មែរ នៅក្រៅប្រទេសនានា ឲ្យចេញមកឃោសនាមានខ្លឹមសារដូចគ្នា គឺមិនឲ្យពលរដ្ឋទៅបោះឆ្នោតថ្នាក់ជាតិនាថ្ងៃ២៣ កក្កដា ៕
