ព័ត៌មានអន្តរជាតិ
ពាណិជ្ជកម្ម រវាងរុស្ស៊ីនិងឥណ្ឌា មើលមានកំណើន ដល់កំណត់ត្រា
បរទេស៖ យោងតាមការចេញផ្សាយរបស់ RIA Novosti កាលពីថ្ងៃម្សិលមិញនេះបានឲ្យដឹងថា ប្រទេសរុស្សីបានក្លាយទៅជាដៃគូ ពាណិជ្ជកម្មធំបំផុតទី៥ របស់ប្រទេសឥណ្ឌាក្នុងរយៈពេល ត្រឹមតែមួយឆ្នាំកន្លងមកនេះប៉ុណ្ណោះ។ ទិន្នន័យដែលបានមកពីក្រសួងពាណិជ្ជគម្ម របស់ប្រទេសឥណ្ឌាបានបង្ហាញថា ការនាំចេញរបស់រុស្សីមកកាន់ទីផ្សារឥណ្ឌា មានប្រមាណដល់ទៅ ៤១,៦ពាន់លានដុល្លារ ជាលើកដំបូងគិតចាប់ពីខែមេសា ឆ្នាំ២០២២ ដល់ខែមិនា ឆ្នាំ២០២៣ ដែលតួលេខនេះមានទំហំដល់ទៅ ៤ដងច្រើនជាងទំហំដែលធ្វើបាន កាលពីឆ្នាំសារពើពន្ធឆ្នាំទៅ។ ដោយឡែកទំហំពាណិជ្ជកម្មទៅវិញទៅមក...
