DAP News
-
137Featureបទវិភាគ”កាលានុវត្តភាពចិន២.0″៖”ការច្នៃប្រឌិតថ្មីក្នុងទ្រង់ទ្រាយធំ”ផ្តល់ជាចម្លើយថា ចិនកំពុងចែករំលែកកម្លាំងចលករនៃការច្នៃប្រឌិតថ្មីជាមួយពិភពលោក
នៅថ្ងៃទី ២៥ ខែមិថុនា កិច្ចប្រជុំប្រចាំឆ្នាំលើកទី ១៧ របស់បណ្តាអ្នកនាំមុខថ្មីនៃវេទិកាសេដ្ឋកិច្ចពិភពលោក(វេទិកាដាវ៉ូសរដូវក្តៅ)បានបិទបញ្ចប់នៅទីក្រុងដាលៀន ។ វេទិកាដាវ៉ូសរដូវក្តៅលើកនេះបានធ្វើឡើងក្រោមប្រធានបទ”ការច្នៃប្រឌិតថ្មីក្នុងទ្រង់ទ្រាយធំ”ដែលបានស្រូបទាញការចូលរួមពីតំណាងគ្រប់មជ្ឈដ្ឋាននៅទូទាំងពិភពលោកចំនួនជាង ១៨០០ រូប ។ ភ្ញៀវកិត្តិយសជាច្រើនបានតាមដានយ៉ាងដិតដល់ព្រមទាំងកោតសរសើរចំពោះសមិទ្ធផលនៃការអភិវឌ្ឍកម្លាំងផលិតកម្មគុណភាពថ្មីរបស់ចិន ហើយសម្គាល់ឃើញថា ការច្នៃប្រឌិតថ្មីនិងការបើកទូលាយរបស់ចិនបានក្លាយជាចំណុចគួរឱ្យកត់សម្គាល់សម្រាប់ពិភពលោកទាំងមូលក្នុងការឆ្លើយតបនឹងភាពមិនប្រាកដប្រជានៃសេដ្ឋកិច្ចសកល ហើយកាលានុវត្តភាពដ៏ធំធេងនៃការធ្វើទំនើបកម្មតាមបែបផែនចិននឹងជំរុញថែមមួយកម្រិតទៀតនូវការស្តារឡើងវិញនៃសេដ្ឋកិច្ចសកលនិងជំរុញកំណើនសកលប្រកបដោយបរិយាបន្ន ។ បច្ចុប្បន្ននេះ ស្ថានការណ៍ភូមិសាស្ត្រនយោបាយមានភាពស្មុគ្រស្មាញ ការជំរុញកំណើនសកលខ្វះកម្លាំងចលករថ្មី ហើយបច្ចេកវិទ្យាកំពុងផ្លាស់ប្តូរយ៉ាងឆាប់រហ័ស ។ លោក Li Qiang នាយករដ្ឋមន្ត្រីចិនបានលើកឡើងក្នុងពេលថ្លែងសុន្ទរកថានៅក្នុងពិធីបើកវេទិកាថា ការអភិវឌ្ឍដែលជំរុញដោយការច្នៃប្រឌិតថ្មីគឺជាលេខសម្ងាត់គន្លឹះនៃការដែលសេដ្ឋកិច្ចចិនមាននិន្នាការដ៏ល្អប្រសើរក្នុងរយៈពេលយូរនិងឆ្ពោះទៅមុខបានកាន់តែយូរនិងកាន់តែរឹងមាំ ហើយប្រទេសចិនបានផ្តល់នូវ”ភាគលាភនៃនវានុវត្តន៍”កាន់តែច្រើនសម្រាប់ពិភពលោកទាំងមូលតាមរយៈវឌ្ឍនភាពផ្នែកវិទ្យាសាស្ត្រនិងបច្ចេកវិទ្យានិងការធ្វើឱ្យល្អប្រសើរឡើងនៃឧស្សាហកម្ម ។ ឆ្លងតាមរយៈវេទិកាលើកនេះ វាបានបញ្ចេញសញ្ញាយ៉ាងច្បាស់ថា៖ចិនកំពុងចែករំលែក”កាលានុវត្តភាពចិន២.0″ដែលមានកម្លាំងចលករនៃការច្នៃប្រឌិតថ្មីកាន់តែខ្លាំងក្លាជាមួយពិភពលោក ។ លោក Mirek Dusek នាយកប្រតិបត្តិនៃវេទិកាសេដ្ឋកិច្ចពិភពលោកបានថ្លែងនាពេលថ្មីៗកន្លងទៅនេះថា ចិនបានក្លាយជាប្រទេសខ្លាំងក្លាខាងការច្នៃប្រឌិតថ្មីសកលដែលទទួលបានការវិវឌ្ឍដ៏លេចធ្លោក្នុងវិស័យ”ច្នៃប្រឌិតថ្មីក្នុងទ្រង់ទ្រាយធំ” ក៏ដូចជាបង្ហាញពីសមត្ថភាពជំរុញការអភិវឌ្ឍសេដ្ឋកិច្ចពិតនិងកំណែទម្រង់ឧស្សាហកម្មតាមរយៈការប្រើប្រាស់បច្ចេកវិទ្យាថ្មី ។ តើភាពច្នៃប្រឌិតថ្មីរបស់ប្រទេសចិនមកពីណា ? ពោលគឺ ប្រព័ន្ធឧស្សាហកម្មដ៏ពេញលេញ ទីផ្សារដ៏ធំធេងនិងប្រព័ន្ធអេកូឡូស៊ីនវានុវត្តន៍ដ៏រស់រវើកគឺជាទីបង្អែកនៃការជំរុញការច្នៃប្រឌិតថ្មីក្នុងទ្រង់ទ្រាយធំរបស់ចិន ។ យោងតាម«របាយការណ៍ស្តីពីសន្ទស្សន៍ច្នៃប្រឌិតថ្មីសកលឆ្នាំ២០២៥ »បង្ហាញឱ្យឃើញថា ចំណាត់ថ្នាក់ទាំងស្រុងរបស់ប្រទេសចិនបានឈរនៅលំដាប់លេខ ១០ ខាងមុខនៅលើពិភពលោកជាលើកដំបូង ហើយចំនួនក្រុមច្នៃប្រឌិតថ្មីផ្នែកវិទ្យាសាស្ត្រនិងបច្ចេកវិទ្យាកំពូល ១០០ លើទូទាំងពិភពលោកបានជាប់ចំណាត់ថ្នាក់ទីមួយនៅទូទាំងពិភពលោកក្នុងរយៈពេល ៣ ឆ្នាំជាប់ៗគ្នា ។ នៅឆ្នាំ ២០២៥ ចំនួនសហគ្រាសបញ្ញាសិប្បនិម្មិតរបស់ប្រទេសចិនមានចំនួនលើសពី ៦០០០ សហគ្រាស តាមការប៉ាន់ប្រមាណ ទំហំឧស្សាហកម្មស្នូលមានចំនួនលើសពីប្រមាណ១,២ទ្រីលានយាន់ប្រាក់ចិន ។ បើនិយាយចំពោះសហគ្រាសនៃប្រទេសនានា ”កាលានុវត្តភាពចិន២.0″ មានន័យថា ការផ្តល់កម្លាំងចលករតាមរយៈនវានុវត្តន៍ដោយគ្រប់ជ្រុងជ្រោយនិងឱកាសវិនិយោគដែលមានផលចំណេញខ្ពស់ ។ បើនិយាយចំពោះការអភិវឌ្ឍសកល ”កាលានុវត្តភាពចិន២.0″ មានន័យថា បច្ចេកទេសដ៏ជឿនលឿនដែលកាន់តែអាចក្តាប់ជាប់បាននិងការចែករំលែកសមិទ្ធផលជាមួយគ្នាដែលកាន់តែផ្តល់ផលប្រយោជន៍ជាទូទៅ ។ ប៉ុន្មានថ្ងៃមុន រដ្ឋាភិបាលចិនបានប្រកាស«ផែនការសកម្មភាពសម្រាប់ជំរុញការប្រើប្រាស់ទុនបរទេសប្រកបដោយស្ថិរភាពនិងធ្វើឱ្យប្រសើរឡើងនូវរចនាសម្ព័ន្ធទុនវិនិយោគពីបរទេស»ដែលបានបំពេញបន្ថែមនូវកម្លាំងចលករកាន់តែច្រើនសម្រាប់ការអភិវឌ្ឍរបស់ទុនវិនិយោគពីបរទេសនៅក្នុងប្រទេសចិន ។ ពីខែមករាដល់ខែឧសភា ឆ្នាំ ២០២៦ សហគ្រាសទុនវិនិយោគពីបរទេសជិត៤ពាន់សហគ្រាសបានបន្ថែមការវិនិយោគនៅប្រទេសចិនដែលបានបញ្ជាក់យ៉ាងពេញលេញនូវកម្លាំងទាក់ទាញនៃទីផ្សារចិននិងប្រព័ន្ធអេកូឡូស៊ីខាងនវានុវត្តន៍ ។
-
373Featureគ្រប់មជ្ឈដ្ឋានចិន និងកម្ពុជាវាយតម្លៃខ្ពស់ចំពោះដំណើរទស្សនកិច្ចមិត្តភាពផ្លូវការរបស់សម្តេចអគ្គមហាសេនាបតីតេជោ ហ៊ុន សែននៅប្រទេសចិនថាបានធ្វើឱ្យស៊ីជម្រៅនូវមិត្តភាពដែកថែបជាបន្តបន្ទាប់
កាលពីថ្ងៃទី ២៥ ខែមិថុនាឆ្នាំ ២០២៦ ម្សិលមិញនេះ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភានៃព្រះរាជាណាចក្រកម្ពុជាបានអញ្ជើញធ្វើដំណើរទៅដល់រដ្ឋធានីប៉េកាំងដើម្បីបំពេញទស្សនកិច្ចមិត្តភាពផ្លូវការនៅប្រទេសចិន។ កាលពីរសៀលថ្ងៃទី ២៥ ខែមិថុនា និងព្រឹកថ្ងៃទី ២៦ ខែមិថុនានេះ និង លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន និងជាប្រធានរដ្ឋចិន និងលោក Zhao Leji សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន និងជាប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានជួបពិភាក្សាការងារជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា នៅរដ្ឋធានីប៉េកាំង ហើយជំនួបនេះត្រូវបានធ្វើឡើងដាច់ដោយឡែកពីគ្នា។ ប្រមុខដឹកនាំចិន និងកម្ពុជា បានទទួលស្គាល់ជាឯកច្ឆ័ន្ទនូវសមិទ្ធផលក្នុងការកសាងសហគមន៍ជោគវាសនារួមគ្រប់រដូវកាលក្នុងយុគសម័យថ្មី ហើយបានបញ្ជាក់ជាថ្មីនូវការប្តេជ្ញាចិត្ត ក្នុងការពង្រឹងមិត្តភាពដ៏រឹងមាំ។ ភាគីទាំងពីរក៏បានព្រមព្រៀងគ្នាក្នុងការពង្រឹងការផ្លាស់ប្តូររវាងគណបក្ស រៀនសូត្រពីបទពិសោធន៍អភិបាលកិច្ចរវាងគ្នាទៅវិញទៅមក ជំរុញការកសាងច្រករបៀងសំខាន់ៗទាំងពីរ និងបញ្ចេញភាគលាភនៃកិច្ចព្រមព្រៀងពាណិជ្ជកម្មសេរី។...
-
125ព័ត៌មានជាតិកម្ពុជា-ចិនចុះហត្ថលេខាលើអនុស្សរណៈយោគយល់គ្នាស្ដីពីកិច្ចសហប្រតិបត្តិការរវាងយុវជនគណបក្សប្រជាជនកម្ពុជាថ្នាក់កណ្តាល និងសម្ព័ន្ធយុវជនកុម្មុយនីស្តចិន សម្រាប់ឆ្នាំ២០២៦-២០២៩
រដ្ឋធានីប៉េកាំង៖ នៅរសៀលថ្ងៃទី២៦ ខែមិថុនា ឆ្នាំ២០២៦ លោកបណ្ឌិត ជ្រុន ថេរ៉ាវ៉ាត សមាជិកគណៈកម្មាធិការកណ្តាល អនុប្រធានយុវជនគណបក្សប្រជាជនកម្ពុជាថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល បានដឹកនាំគណៈប្រតិភូយុវជនគណបក្សថ្នាក់កណ្តាលជួបពិភាក្សាទ្វេភាគី រវាងយុវជនគណបក្សប្រជាជនកម្ពុជាថ្នាក់កណ្តាល និងមជ្ឈិមសម្ព័ន្ធយុវជនកុម្មុយនីស្តចិន ដឹកនាំដោយឯកឧត្តម អា ដុង លេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិន និងចុះហត្ថលេខាលើ «អនុស្សរណៈយោគយល់គ្នាស្ដីពីកិច្ចសហប្រតិបត្តិការរវាងយុវជនគណបក្សប្រជាជនកម្ពុជាថ្នាក់កណ្តាល និងសម្ព័ន្ធយុវជនកុម្មុយនីស្តចិន សម្រាប់ឆ្នាំ២០២៦-២០២៩»...
-
383Feature
ដំណើរទស្សនកិច្ចរបស់សម្តេចតេជោ ហ៊ុន សែន នៅប្រទេសចិនគឺ កម្លាំងជំរុញថ្មីសម្រាប់ការអភិវឌ្ឍទំនាក់ទំនងកម្ពុជា-ចិន និងការបន្តវេនចំណងមិត្តភាពជាប្រវត្តិសាស្ត្រ
ជាការរំពឹងទុក ដំណើរទស្សនកិច្ចផ្លូវការរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជា ប្រធានគណបក្សប្រជាជនកម្ពុជា នៅប្រទេសចិន ពីថ្ងៃទី២៥ ដល់ថ្ងៃទី២៧ ខែមិថុនា ឆ្នាំ២០២៦ គឺជាព្រឹត្តិការណ៍នយោបាយ និងការទូតដ៏សំខាន់បំផុតមួយដែលឆ្លុះបញ្ចាំងពីភាពរឹងមាំ និងភាពស៊ីជម្រៅនៃទំនាក់ទំនងដែកថែបរវាងកម្ពុជានិងចិន។ ដំណើរទស្សនកិច្ចនេះមិនត្រឹមតែបង្ហាញពីការយកចិត្តទុកដាក់របស់ថ្នាក់ដឹកនាំកំពូល នៃប្រទេសទាំងពីរចំពោះការពង្រឹងកិច្ចសហប្រតិបត្តិការទ្វេភាគីប៉ុណ្ណោះទេ ប៉ុន្តែថែមទាំងជាសារនយោបាយដ៏មុតស្រួចនិងមានសារៈសំខាន់សម្រាប់ការបន្តអភិវឌ្ឍសហគមន៍ជោគវាសនារួមកម្ពុជា-ចិនគ្រប់រដូវកាលក្នុងយុគសម័យថ្មីទៀតផង។ ជាសច្ចភាពប្រវត្តិសាស្រ្តរយៈពេលជិតប្រាំពីរទសវត្សរ៍មកនេះ ទំនាក់ទំនងកម្ពុជា-ចិនបានឆ្លងកាត់ការប្រែប្រួលនៃស្ថានការណ៍តំបន់ និងពិភពលោកជាច្រើន ប៉ុន្តែចំណងមិត្តភាពរវាងប្រទេសទាំងពីរនៅតែត្រូវបានថែរក្សា...
-
129Featureយុវជន និងអ្នកពាក់ព័ន្ធស្នើឱ្យរាជរដ្ឋាភិបាលទប់ស្កាត់ការផ្សាយពាណិជ្ជកម្មគ្រឿងស្រវឹង
ភ្នំពេញ៖ ក្នុងកិច្ចប្រជុំផ្តាច់ព្រ័ត្រនៃការប្រកួតវោហារស័ព្ទជាក្រុម ស្តីពី «ឥទ្ធិពលនៃគ្រឿងស្រវឹង» ដែលរៀបចំឡើងដោយរាជបណ្ឌិត្យសភាកម្ពុជា សហការជាមួយអង្គការចលនាដើម្បីសុខភាពកម្ពុជា កាលពីថ្ងៃទី២៦ ខែមិថុនា ឆ្នាំ២០២៦ យុវវ័យ និងអ្នកពាក់ព័ន្ធរួមទាំងបេក្ខជនឆ្នើមជ័យលាភីបានអំពាវនាវឱ្យរាជរដ្ឋាភិបាលចាត់វិធានការតឹងរ៉ឹងលើការផ្សាយពាណិជ្ជកម្មគ្រឿងស្រវឹង ដើម្បីការពារសុខភាព និងអនាគតរបស់យុវជនជំនាន់ក្រោយ។ ក្នុងចំណោមយុវជនជាង ៧០០នាក់ដែលបានចូលរួមប្រកួត បេក្ខជនជ័យលាភីទាំងបីបានបង្ហាញក្តីព្រួយបារម្ភចំពោះការផ្សាយពាណិជ្ជកម្មដែល «លេបត្របាក់» សំឡេងអប់រំ។ គ្រឿងស្រវឹងមិនត្រឹមតែបំផ្លាញសុខភាព កោសិកាខួរក្បាល និងសមត្ថភាពសិក្សារបស់យុវជនប៉ុណ្ណោះទេ ប៉ុន្តែថែមទាំងប្រែក្លាយធនធានមនុស្សពី...
-
138ព័ត៌មានអន្តរជាតិពីទូកតូចមួយ ដល់បក្សធំមួយចាប់ពីឆ្នាំ ១៩២១ ដល់ឆ្នាំ ២០២៦ បក្សកុម្មុយនីស្តចិនបានឆ្លងកាត់ដំណើរដ៏រុងរឿងរយៈពេល ១០៥ ឆ្នាំ
ទូកក្រហមតូចនោះ មានសារៈសំខាន់ខ្លាំងណាស់ ដោយសាបព្រោះគ្រាប់ពូជនៃបដិវត្តន៍ចិននិងចាប់ផ្តើមដំណើរឆ្លងកាត់សតវត្សរ៍របស់បក្សកុម្មុយនិស្តចិន ។ អស់រយៈពេលជាងមួយសតវត្សរ៍មកហើយ ពួកកុម្មុយនិស្តជំនាន់ៗបានតស៊ូយ៉ាងស្វិតស្វាញ បានធ្វើពលិកម្ម និងចូលរួមចំណែក ព្រមទាំងរួបរួមគ្នា និងដឹកនាំប្រជាជនចិនឱ្យឈានទៅមុខក្នុងការលោតផ្លោះដ៏អស្ចារ្យរបស់ប្រជាជាតិចិន ពីការក្រោកឈរឡើង ក្លាយជាវិបុលភាព ទៅជារឹងមាំជាមួយនឹងទំនុកចិត្តពេញលេញ ។ ពីទូកក្រហមតូចមួយដល់កប៉ាល់ដ៏អស្ចារ្យ គណបក្សកាន់អំណាចធំជាងគេបំផុតរបស់ពិភពលោកដែលមានសមាជិកជាង ១០០ លាននាក់បានដឹកនាំប្រទេសនៅភាគខាងកើតដ៏អស្ចារ្យមួយដែលមានប្រជាជនជាង ១.៤ ពាន់លាននាក់យ៉ាងមានឥទ្ធិពល បក្សកុម្មុយនីស្សចិនកំពុងបោះជំហានទៅមុខដោយស្មារតីខ្ពស់ និងជំហានដ៏អស្ចារ្យឆ្ពោះទៅរកគោលដៅដ៏អស្ចារ្យ នៃការកសាងប្រទេសជាតិឱ្យរឹងមាំ និងសម្រេចបាននូវការរស់ឡើងវិញនៃជាតិ ៕
-
112Featureការស្ទង់មតិរបស់បណ្តាញCGTN ៖ភាពងាយស្រួលប្រើ ជាស្តង់ដារដ៏មធ្យ័តសម្រាប់វាយតម្លៃពីគុណភាពនៃការច្នៃប្រឌិតផ្នែកបច្ចេកវិទ្យា
តើធ្វើយ៉ាងម៉េច ទើបអាចធ្វើឱ្យសមិទ្ធផលនៃការច្នៃប្រឌិតផ្នែកបច្ចេកវិទ្យា បម្រះខ្លួនចេញពីភាពពេញនិយមតែមួយរយៈពេលខ្លី និងក្លាយទៅជាកម្លាំងផលិតកម្មរយៈពេលយូរ ? វេទិកាដាវ៉ូសរដូវក្តៅដែលកំពុងបើកធ្វើនៅក្រុងដាលៀន ប្រទេសចិនបានផ្តល់ចម្លើយសម្រាប់សំណួរនេះ ពោលគឺ ការច្នៃប្រឌិតថ្មីក្នុងទ្រង់ទ្រាយធំ ។ បណ្តាញទូរទស្សន៍ CGTN របស់អគ្គស្ថានីយវិទ្យុនិងទូរទស្សន៍មជ្ឈិមចិនបានធ្វើការស្ទង់មតិចំពោះអ្នកប្រើប្រាស់បណ្តាញអ៊ីនធឺណិតនៅទូទាំងពិភពលោក ដែលបង្ហាញថា អ្នកផ្តល់បទសម្ភាសន៍ចំនួន៩៣,៤ភាគរយសម្គាល់ឃើញថា ប្រទេសចិនមានទីផ្សារទ្រង់ទ្រាយធំ និងទិដ្ឋភាពប្រើប្រាស់ច្រើនបែបយ៉ាង ប្រការនេះបានផ្តល់ជាវេទិកាពិសោធន៍ដ៏ធំទូលាយសម្រាប់ការអនុវត្តជាក់ស្តែងនៃការច្នៃប្រឌិតផ្នែកបច្ចេកវិទ្យា ។ ក្នុងការស្ទង់មតិ អ្នកផ្តល់បទសម្ភាសន៍ចំនួន៨៨ភាគរយសម្គាល់ឃើញថា មានតែការអនុវត្តក្នុងទិដ្ឋភាពឧស្សាហកម្មពិតប្រាកដ...
-
105Featureការពង្រឹងមិត្តភាពដែកថែបកម្ពុជា-ចិន ដើម្បីរួមគ្នាត្រួសត្រាយអនាគតដ៏ល្អប្រសើរ
ទំនាក់ទំនងរវាងប្រទេសកម្ពុជា និង ចិន គឺជាទំនាក់ទំនងមិត្តភាពប្រវត្តិសាស្ត្រដែលមានការវិវត្តយ៉ាងស៊ីជម្រៅ និងទូលំទូលាយ។ ក្នុងរយៈពេលប៉ុន្មានទសវត្សរ៍ចុងាក្រោយនេះ ប្រទេសទាំងពីរបានពង្រឹងកិច្ចសហប្រតិបត្តិការលើវិស័យជាច្រើន រួមមាន នយោបាយ សេដ្ឋកិច្ច ពាណិជ្ជកម្ម វិនិយោគ ហេដ្ឋារចនាសម្ព័ន្ធ ការពារជាតិ អប់រំ និងវប្បធម៌។ ទំនាក់ទំនងនេះត្រូវបានចាត់ទុកថាជា “ភាពជាដៃគូយុទ្ធសាស្ត្រគ្រប់ជ្រុងជ្រោយ” ដែលបានរួមចំណែកយ៉ាងសំខាន់ដល់ការអភិវឌ្ឍសង្គម–សេដ្ឋកិច្ចរបស់កម្ពុជា។ នៅព្រឹកថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦នេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា អញ្ជើញបំពេញទស្សនកិច្ចមិត្តភាពផ្លូវការនៅប្រទេសចិន ដែលជាទស្សនកិច្ចមិត្តភាពផ្លូវការបញ្ជាក់អំពីការប្តេជ្ញាចិត្តឥតងាករេរបស់ប្រទេសទាំងពីរ ក្នុងការបន្តរឹតចំណង និង លើកកម្ពស់មិត្តភាពដែកថែប ព្រមទាំងជំរុញកិច្ចសហប្រតិបត្តិការនៃភាពជាដៃគូយុទ្ធសាស្ត្រគ្រប់ជ្រុងជ្រោយ សំដៅកសាងសហគមន៍វាសនារួមកម្ពុជា-ចិនគ្រប់រដូវកាលក្នុងយុគសម័យថ្មីលើវិស័យជាច្រើន។ ចំពោះវិស័យនយោបាយ ប្រទេសទាំងពីរបានរក្សាទំនាក់ទំនងជិតស្និទ្ធ និងមានការគាំទ្រគ្នាទៅវិញទៅមកនៅលើវេទិកាតំបន់ និងអន្តរជាតិ។ ថ្នាក់ដឹកនាំនៃប្រទេសទាំងពីរតែងតែមានទស្សនកិច្ចផ្លូវការជាបន្តបន្ទាប់ ដែលជួយពង្រឹងការជឿទុកចិត្ត និងការយោគយល់គ្នាកាន់តែប្រសើរ។ រីឯវិស័យសេដ្ឋកិច្ច និងពាណិជ្ជកម្មវិញ ចិនបានក្លាយជាដៃគូពាណិជ្ជកម្ម និងជាប្រភពវិនិយោគដ៏សំខាន់មួយរបស់កម្ពុជា។ ការវិនិយោគរបស់ចិនបានចូលរួមក្នុងការអភិវឌ្ឍតំបន់សេដ្ឋកិច្ចពិសេស រោងចក្រ ឧស្សាហកម្ម កសិកម្ម និងវិស័យសេវាកម្ម។ ជាពិសេស គម្រោងហេដ្ឋារចនាសម្ព័ន្ធធំៗ ដូចជា ផ្លូវថ្នល់ ស្ពាន ព្រលានយន្តហោះ និងប្រព័ន្ធដឹកជញ្ជូនផ្សេងៗ បានរួមចំណែកជំរុញកំណើនសេដ្ឋកិច្ច និងការតភ្ជាប់ក្នុងប្រទេស។ វិស័យសេដ្ឋកិច្ចគឺជាចំណុចលេចធ្លោបំផុតមួយនៃទំនាក់ទំនងកម្ពុជា–ចិន។ ក្នុងរយៈពេលប៉ុន្មានឆ្នាំចុងក្រោយនេះ ចិនបានក្លាយជាដៃគូពាណិជ្ជកម្មធំបំផុត និងជាប្រភពវិនិយោគបរទេសដ៏សំខាន់របស់កម្ពុជា។ ការវិនិយោគរបស់ចិនបានហូរចូលក្នុងវិស័យជាច្រើនដូចជា ឧស្សាហកម្មផលិតកម្ម កសិកម្ម អចលនទ្រព្យ ថាមពល ទេសចរណ៍ និងសេវាកម្ម។ គម្រោងហេដ្ឋារចនាសម្ព័ន្ធធំៗជាច្រើនដែលមានការគាំទ្រពីចិន បានជួយកែលម្អប្រព័ន្ធដឹកជញ្ជូន និងការតភ្ជាប់សេដ្ឋកិច្ចនៅកម្ពុជា។ ផ្លូវជាតិ ស្ពាន ព្រលានយន្តហោះ កំពង់ផែ និងតំបន់សេដ្ឋកិច្ចពិសេស បានរួមចំណែកក្នុងការទាក់ទាញវិនិយោគបន្ថែម និងបង្កើនការប្រកួតប្រជែងសេដ្ឋកិច្ចរបស់កម្ពុជា។ លើសពីនេះ កិច្ចព្រមព្រៀងពាណិជ្ជកម្មសេរីកម្ពុជា–ចិន បានបង្កើតឱកាសថ្មីសម្រាប់ការនាំចេញផលិតផលកម្ពុជា ដូចជា អង្ករ ចេក ស្វាយ ម្រេច និងផលិតផលកសិកម្មផ្សេងៗ ទៅកាន់ទីផ្សារចិនដ៏ធំ។ ចំពោះវិស័យសង្គម និងវប្បធម៌ ភាគីទាំងពីរបានពង្រីកការផ្លាស់ប្តូរនិស្សិត អាហារូបករណ៍ ការបណ្តុះបណ្តាលធនធានមនុស្ស និងសកម្មភាពវប្បធម៌ជាច្រើន។ កិច្ចសហប្រតិបត្តិការទាំងនេះបានជួយបង្កើនការយល់ដឹង និងមិត្តភាពរវាងប្រជាជននៃប្រទេសទាំងពីរ។ ក្នុងវិស័យសង្គម ប្រទេសទាំងពីរបានបង្កើនកិច្ចសហប្រតិបត្តិការលើការអប់រំ សុខាភិបាល ការអភិវឌ្ឍធនធានមនុស្ស និងការកាត់បន្ថយភាពក្រីក្រ។ ក្នុងអំឡុងពេលជំងឺរាតត្បាត COVID-19 ចិនបានផ្តល់ជំនួយវេជ្ជសាស្ត្រ វ៉ាក់សាំង និងសម្ភារៈសុខាភិបាលជាច្រើនដល់កម្ពុជា ដែលបានរួមចំណែកយ៉ាងសំខាន់ក្នុងការទប់ស្កាត់ការរាតត្បាត និងការស្តារសេដ្ឋកិច្ចសង្គមឡើងវិញ។ កិច្ចសហប្រតិបត្តិការសង្គមទាំងនេះបានជួយលើកកម្ពស់គុណភាពជីវិតរបស់ប្រជាពលរដ្ឋ និងបង្កើនការយល់ដឹងរវាងសង្គមនៃប្រទេសទាំងពីរ។ វិស័យវប្បធម៌គឺជាស្ពានភ្ជាប់ដ៏សំខាន់ក្នុងការពង្រឹងមិត្តភាពរវាងប្រជាជនកម្ពុជា និងចិន។ ប្រទេសទាំងពីរបានរៀបចំសកម្មភាពផ្លាស់ប្តូរវប្បធម៌ជាបន្តបន្ទាប់ ដូចជា ការតាំងពិព័រណ៍សិល្បៈ ការសម្តែងសិល្បៈប្រពៃណី ការបង្រៀនភាសា និងការផ្លាស់ប្តូរបទពិសោធន៍ផ្នែកវប្បធម៌។ ការសិក្សាភាសាចិននៅកម្ពុជាមានការកើនឡើងគួរឱ្យកត់សម្គាល់ ខណៈដែលប្រជាជនចិនក៏មានការចាប់អារម្មណ៍កាន់តែខ្លាំងលើវប្បធម៌ ប្រវត្តិសាស្ត្រ និងបេតិកភណ្ឌរបស់កម្ពុជា ជាពិសេស Angkor Wat ដែលជាបេតិកភណ្ឌពិភពលោកដ៏ល្បីល្បាញ។ ការផ្លាស់ប្តូរវប្បធម៌ទាំងនេះបានជួយពង្រឹងការគោរពគ្នាទៅវិញទៅមក និងបង្កើនការយល់ដឹងអំពីអត្តសញ្ញាណជាតិ និងតម្លៃវប្បធម៌របស់ប្រទេសទាំងពីរ។ រីឯទំនាក់ទំនងរវាងប្រជាជន និងប្រជាជន (People-to-People Exchange) គឺជាមូលដ្ឋានគ្រឹះដ៏សំខាន់សម្រាប់ការពង្រឹងទំនាក់ទំនងយូរអង្វែងរវាងកម្ពុជា និងចិន។ នាពេលអនាគត ទំនាក់ទំនងកម្ពុជា–ចិនត្រូវបានរំពឹងថានឹងបន្តពង្រីកពីវិស័យប្រពៃណីទៅកាន់វិស័យថ្មីៗ ដូចជា សេដ្ឋកិច្ចឌីជីថល បច្ចេកវិទ្យាបញ្ញាសិប្បនិម្មិត ថាមពលបៃតង ការអប់រំទំនើប និងការច្នៃប្រឌិត។ ទន្ទឹមនឹងនេះ ការផ្លាស់ប្តូរវប្បធម៌ និងទំនាក់ទំនងរវាងប្រជាជននឹងកាន់តែមានសារៈសំខាន់ក្នុងការពង្រឹងមូលដ្ឋានសង្គមសម្រាប់ទំនាក់ទំនងទ្វេភាគី។ ទំនាក់ទំនងកម្ពុជា–ចិនត្រូវបានរំពឹងថានឹងបន្តរីកចម្រើនកាន់តែខ្លាំងឡើង។ កិច្ចសហប្រតិបត្តិការក្នុងវិស័យឌីជីថល បច្ចេកវិទ្យា ថាមពលស្អាត កសិកម្មទំនើប និងការអភិវឌ្ឍធនធានមនុស្ស នឹងក្លាយជាវិស័យអាទិភាពថ្មីៗ។ ជាមួយគ្នានេះ ការអនុវត្តកិច្ចព្រមព្រៀងពាណិជ្ជកម្មសេរីរវាងកម្ពុជា និងចិន នឹងជួយបង្កើនការនាំចេញទំនិញកម្ពុជា និងបង្កើតឱកាសថ្មីសម្រាប់វិស័យឯកជន។ សរុបមក ការអភិវឌ្ឍទំនាក់ទំនងកម្ពុជា–ចិនក្នុងវិស័យសេដ្ឋកិច្ច សង្គម វប្បធម៌ និងប្រជាជន បានផ្តល់ផលប្រយោជន៍ជាក់ស្តែងដល់ប្រទេសទាំងពីរ។ ភាគីទាំងពីរបន្តពង្រឹងកិច្ចសហប្រតិបត្តិការដោយផ្អែកលើការគោរព ផលប្រយោជន៍ទៅវិញទៅមក និងការអភិវឌ្ឍប្រកបដោយនិរន្តរភាព ទំនាក់ទំនងកម្ពុជា–ចិននឹងបន្តរីកចម្រើន និងរឹងមាំថែមទៀតក្នុងអនាគត។ ទោះបីជាមានបញ្ហាប្រឈមមួយចំនួនក៏ដោយ ក៏ទំនាក់ទំនងនេះនៅតែមានសក្តានុពលខ្ពស់សម្រាប់ការពង្រីកកិច្ចសហប្រតិបត្តិការនាពេលអនាគត ៕ ដោយ ៖ បណ្ឌិត គី សេរីវឌ្ឍន៍|ប្រធានវិទ្យាស្ថានសិក្សាចិន នៃរាជបណ្ឌិត្យសភាកម្ពុជា
-
111Featureពង្រឹងមិត្តភាពកម្ពុជា-ចិនតាមរយៈការច្នៃប្រឌិតវីដេអូខ្លីនិងការសន្ទនារវាងអរិយធម៌
ណាននីង៖ ព្រឹកថ្ងៃទី២៥ខែមិថុនាឆ្នាំ២០២៦ ក្នុងពិធីប្រគល់ពានរង្វាន់ឆ្នើមលើកទី៥ ដល់សិស្ស-និស្សិតអាស៊ាន-ចិន លើស្នាដៃវីដេអូខ្លីក្រោមប្រធានបទ «មិត្តភាព និងកិច្ចសហប្រតិបត្តិការរវាងអាស៊ាន និងចិន» ដែលរៀបចំឡើងដោយមជ្ឈមណ្ឌលបោះពុម្ពអន្តរជាតិរបស់ប្រទេសចិន នៅភូមិភាគស្វយ័តក្វាងស៊ី លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានអំពាវនាវដល់យុវជនចិនឱ្យប្រើប្រាស់ភាពច្នៃប្រឌិត និងបច្ចេកវិទ្យាឌីជីថលក្នុងការផលិតវីដេអូខ្លី ដើម្បីផ្សព្វផ្សាយពីវប្បធម៌ ប្រវត្តិសាស្ត្រ និងសក្តានុពលទេសចរណ៍ដ៏សម្បូរបែបរបស់កម្ពុជា។ លោកបណ្ឌិតបានលើកទឹកចិត្តដល់យុវជនចិនបន្តជ្រើសរើសកម្ពុជាដែលជាគោលដៅសម្រាប់ការផលិតមាតិកាវីដេអូខ្លី ដោយផ្តោតលើបេតិកភណ្ឌវប្បធម៌ ទេសភាពធម្មជាតិ...
-
123Featureធ្វើអាជីវកម្មយ៉ាងស៊ីជម្រៅនៅប្រទេសចិន៖ តភ្ជាប់ទំនុកចិត្តតាមរយៈខ្សែសង្វាក់ផ្គត់ផ្គង់ តើឧត្តមភាពនៃបរិយាកាសអាជីវកម្មរបស់ចិនស្ថិតនៅត្រង់ណា?
កាលពីថ្ងៃទី ២២ ខែមិថុនា ពិព័រណ៍ខ្សែសង្វាក់ផ្គត់ផ្គង់ចិនអន្តរជាតិលើកទី ៤ បានបើកធ្វើនៅក្រុងប៉េកាំង ។ នៅថ្ងៃដដែល ”ផែនការសកម្មភាពស្តីពីការប្រើប្រាស់ទុនវិនិយោគបរទេសដើម្បីរក្សាស្ថិរភាពនិងជំរុញគុណភាព” ត្រូវបានចេញផ្សាយជាផ្លូវការ ។ ”ប្រការដែលចិនគាំទ្រការវិនិយោគពីបរទេសគឺមិនមែននិយាយបានតែមាត់នោះទេ តែគឺអនុវត្តជាក់ស្តែង” ”ផែនការនេះបានពង្រឹងទំនុកចិត្តរបស់យើងក្នុងការវិនិយោគនៅប្រទេសចិន”…នៅក្នុងពិព័រណ៍ខ្សែសង្វាក់ផ្គត់ផ្គង់លើកនេះ នាយកប្រតិបត្តិជាន់ខ្ពស់នៃសហគ្រាសពហុជាតិនិងប្រធានសភាពាណិជ្ជកម្មអន្តរជាតិជិត២០រូបបានកោតសរសើរពីបរិយាកាសអាជីវកម្មរបស់ចិនខណៈពេលថ្លែងអំពីឧត្តមភាពនៃខ្សែសង្វាក់ឧស្សាហកម្មរបស់ចិន ។ ពីការដាក់ចេញផែនការសកម្មភាពសម្រាប់លំនឹងវិនិយោគទុនបរទេសនៅឆ្នាំ២០២៥ ដល់ការដាក់ចេញបញ្ជីឈ្មោះថ្មីដើម្បីលើកទឹកចិត្តដល់ពាណិជ្ជករបរទេស រហូតដល់ការដាក់ចេញគោលនយោបាយប្រតិបត្តិការគយពិសេសនៅកំពង់ផែពាណិជ្ជកម្មសេរីខេត្ត Hainan ទាំងមូល ទុនបរទេសមានឱកាសទីផ្សារកាន់តែច្រើន ការវិនិយោគមានប្រភេទកាន់តែសម្បូរបែប ហើយការធ្វើអាជីវកម្មក៏កាន់តែមានភាពងាយស្រួលផងដែរ ។ តាមស្ថិតិមិនដំបូងឱ្យដឹងថា នៅឆ្នាំ២០២៥ សហគ្រាសទុនវិនិយោគពីបរទេសជាង៨ពាន់សហគ្រាសបានបន្ថែមការវិនិយោគនៅប្រទេសចិន ដែលកើនឡើងលើសពី១០ភាគរយបើប្រៀបធៀបនឹងរយៈពេលដូចគ្នានៃឆ្នាំ២០២៤ ៕