Update: មេដឹកនាំកូរ៉េទាំងពីរ ផ្លាស់ប្តូរសារ ជាមិត្តភាព ទោះបីមានភាពតានតឹង កើនឡើងក៏ដោយ។ (AFP)
ប្រព័ន្ធផ្សព្វផ្សាយរដ្ឋ KCNA រាយការណ៍ថា មេដឹកនាំកូរ៉េខាងជើងលោក Kim Jong-un បានផ្លាស់ប្តូរលិខិតឆ្លើយឆ្លង ជាមួយប្រធានាធិបតីកូរ៉េខាងត្បូង លោក Moon Jae-in ដែលផុតអាណត្តិ ហើយបានថ្លែងអំណរគុណ ចំពោះលោកដែលបានព្យាយាម ធ្វើឱ្យប្រសើរឡើងនូវទំនាក់ទំនង។
ប្រព័ន្ធផ្សព្វផ្សាយរដ្ឋ KCNA រាយការណ៍ចំពេលមានភាពតានតឹង ជុំវិញការសាកល្បង អាវុធរបស់ទីក្រុងព្យុងយ៉ាង។
របាយការណ៍ KCNA បានបន្ថែមថា លោក Kim ក៏បាននិយាយផងដែរថា កិច្ចប្រជុំកំពូលជាប្រវត្តិសាស្ត្ររបស់គាត់ ជាមួយ Moon បានផ្តល់ឱ្យប្រជាជននូវ “ក្តីសង្ឃឹមសម្រាប់អនាគត” ។
របាយការណ៍ បាននិយាយថា លោក Kim “បានកោតសរសើរចំពោះការឈឺចាប់ និងការខិតខំប្រឹងប្រែងដែលធ្វើឡើងដោយ Moon Jae In សម្រាប់បុព្វហេតុដ៏ធំធេង របស់ប្រទេសជាតិ រហូតដល់ថ្ងៃចុងក្រោយនៃអាណត្តិរបស់គាត់” ដោយបន្ថែមថា ការផ្លាស់ប្តូរសំបុត្ររបស់អ្នកទាំងពីរ គឺជាការបង្ហាញពីការជឿជាក់ យ៉ាងជ្រាលជ្រៅរបស់ពួកគេ។
វិមានប្រធានាធិបតីទីក្រុងសេអ៊ូល បានបញ្ជាក់ថា លោក មូន និងលោក គីម បានផ្លាស់ប្តូរសំបុត្រមិត្តភាព ប៉ុន្តែព័ត៌មានលម្អិត មិនទាន់អាចដឹងបានភ្លាមៗទេ។
ប្រែសម្រួលដោយ៖ សយ សុភា
