គៀវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២២ ខែមេសា ឆ្នាំ២០២២ថា យុទ្ធជនអ៊ុយក្រែន កំពុងបន្តកាន់កាប់ ដែលជាការសង្ស័យ ចុងក្រោយរបស់ពួកគេ នៅក្នុងទីក្រុង Mariupol នៅថ្ងៃសុក្រនេះ បន្ទាប់ពីប្រធានាធិបតី រុស្ស៊ី លោក ប្លាឌីមៀ ពូទីន បានអះអាងពីជ័យជម្នះ ក្នុងសមរភូមិដ៏ធំបំផុត នៃសង្រ្គាម ដោយប្រកាសទីក្រុងកំពង់ផែ “រំដោះ” បន្ទាប់ពីប៉ុន្មានសប្តាហ៍ នៃការទម្លាក់គ្រាប់បែក ឥតឈប់ឈរ ។
ទោះជាយ៉ាងណាក៏ ដោយ សហរដ្ឋអាមេរិក បានជំទាស់នឹងការអះអាងរបស់លោក ពូទីន ហើយបានលើកឡើងថា ខ្លួនជឿថា កងកម្លាំងអ៊ុយក្រែន នៅតែកាន់កាប់ទីក្រុង ។ លោក ពូទីន បានបញ្ជាឲ្យកងទ័ពរបស់លោក រារាំងការដ្ឋានដែកដ៏ធំ ដែលប្រជាជនអ៊ុយក្រែនកំពុងរារាំង ដោយបានបដិសេធ ឱសានវាទក្នុងការចុះចាញ់ ឬស្លាប់ ។
អ៊ុយក្រែនបានលើកឡើងថា លោកពូទីន ចង់ជៀសវាងការប៉ះទង្គិចចុងក្រោយជាមួយកងកម្លាំង របស់ខ្លួននៅ Mariupol ដោយសារតែគាត់ខ្វះកងទ័ព ដើម្បីកម្ចាត់ពួកគេ ។ ប៉ុន្តែមន្ត្រីអ៊ុយក្រែន ក៏បានអំពាវនាវសុំជំនួយ ដើម្បីជម្លៀសជនស៊ីវិល និងទាហាន ដែលរងរបួស ។
នៅក្នុងកិច្ចប្រជុំតាមទូរទស្សន៍ នៅវិមានក្រឹមឡាំង លោកពូទីន បានអបអរសាទររដ្ឋមន្ត្រីការពារជាតិរបស់គាត់ និងកងទ័ពរុស្ស៊ីសម្រាប់ “កិច្ចខិតខំប្រឹងប្រែងប្រយុទ្ធដើម្បីរំដោះក្រុង Mariupol” ហើយបានលើកឡើងថា វាមិនចាំបាច់ក្នុងការវាយលុក តំបន់ឧស្សាហកម្មដែលមានរោងចក្រដែក Azovstal នោះទេ ៕
ប្រែសម្រួលដោយ៖ ម៉ៅ បុប្ផាមករា
