បរទេស៖ សេវាសន្តិសុខរបស់ប្រទេសអ៊ុយក្រែន SBU បានចាប់ខ្លួន លោក Alexander Mamai កាលពីថ្ងៃ ព្រហស្បតិ៍ ដោយនិយាយថា អភិបាលក្រុង Poltava បានបង្ហាញព័ត៌មានអំពីការដាក់ពង្រាយយោធា។ អ្នកនយោបាយបក្ស ប្រឆាំងឥឡូវនេះ គឺប្រឈមមុខនឹងការជាប់ពន្ធនាគារដល់ទៅ ១២ ឆ្នាំ។
យោងតាមសារព័ត៌មាន RT ចេញផ្សាយនៅថ្ងៃទី២៩ ខែធ្នូ ឆ្នាំ២០២២ បានឱ្យដឹងថា ប្រព័ន្ធផ្សព្វផ្សាយក្នុងស្រុកបាន រាយការណ៍ថាភ្នាក់ងារ SBU បានឡោមព័ទ្ធលោក Mamai បន្ទាប់ពីព្រឹត្តិការណ៍មួយ ហើយបាននាំលោកទៅកាន់ ការិយាល័យរបស់គាត់ ។ សេវាកម្មសន្តិសុខបានបង្ហោះរូបថតនៃការចាប់ខ្លួននៅលើប៉ុស្តិ៍ Telegram របស់ពួកគេ ជាមួយនឹងមុខរបស់មនុស្សដែលពាក់ព័ន្ធមានភាពព្រិលៗ ដើម្បីបំពេញតម្រូវការឯកជនភាព។
លោក Mamai ត្រូវបានជូនដំណឹងថា លោកស្ថិតនៅក្រោមការសង្ស័យនៃ “ការផ្សព្វផ្សាយដោយគ្មានការអនុញ្ញាត នៃព័ត៌មានអំពីការដាក់ពង្រាយអង្គភាពនៃកងកម្លាំងប្រដាប់អាវុធនៃប្រទេសអ៊ុយក្រែនដែលបានប្រព្រឹត្តនៅក្រោមច្បាប់អាជ្ញាសឹក” នេះបើយោងតាម SBU ។
ព័ត៌មានដែលលោកបានលាតត្រដាង គឺមិនត្រូវបានបង្ហាញជាសាធារណៈដោយអគ្គសេនាធិការ ក្រសួងការពារជាតិ ឬ “ស្ថាប័នរដ្ឋដែលមានការអនុញ្ញាតផ្សេងទៀតនោះទេ” ៕
ប្រែសម្រួលៈ ណៃ តុលា
