ភ្នំពេញ៖ ថ្លែងចំពោះមុខ សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា លោកបណ្ឌិត ថងលួន ស៊ីសូលីត ប្រធានាធិបតីឡាវ បានកោតសរសើរ ចំពោះការរីកចម្រើន នៃទំនាក់ទំនងរវាងប្រទេសទាំងពីរ។
ក្នុងជំនួបពិភាក្សាការងារជាមួយ សម្ដេចតេជោនាថ្ងៃទី១៣ ខែកុម្ភៈ ឆ្នាំ២០២៣ ប្រធានាធិបតីឡាវ បានថ្លែងបញ្ជាក់ថា « សូមសម្ដែងនូវការវាយតម្លៃខ្ពស់ និងកោតសរសើរ ចំពោះការរីកចម្រើន នៃទំនាក់ទំនងរវាងប្រទេសទាំងពីរ កម្ពុជា-ឡាវ»។
លើសពីនេះ លោកប្រធានាធិបតី ក៏បានវាយតម្លៃខ្ពស់ ចំពោះលទ្ធផលនៃកិច្ចពិភាក្សា រវាងប្រមុខរដ្ឋាភិបាល នៃប្រទេសទាំងពីរ ដែលឈានទៅចុះហត្ថលេខា លើឯកសារជាប្រវត្តិសាស្រ្ត សម្រាប់បម្រើឲ្យផលប្រយោជន៍ របស់ប្រទេស និងប្រជាជនទាំងពីរ កម្ពុជា-ឡាវ។
ក្នុងជំនួបនោះដែរ សម្តេចតេជោ ក៏បានសម្ដែងនូវការកោតសរសើរ ចំពោះការរីកចំរើនរបស់ប្រទេសឡាវ ក្រោមការដឹកនាំរបស់បក្ស និងប្រជាជនឡាវ៕
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
