ញូវយ៉ក៖ តម្លៃប្រេងបានធ្លាក់ចុះកាលពីថ្ងៃសុក្រ ដោយបានកក់ទុកការខាតបង់យ៉ាងខ្លាំង សម្រាប់សប្តាហ៍នេះ ដោយសារភាពចលាចលផ្នែកធនាគារ បានធ្វើឲ្យទីផ្សារផ្ទុះឡើង។
West Texas Intermediate (WTI) សម្រាប់ការចែកចាយខែមេសាបានធ្លាក់ចុះ ១,៦១ដុល្លារអាមេរិក ឬ ២,៣៦ភាគរយមកនៅ ៦៦,៧៤ដុល្លារក្នុងមួយបារ៉ែល នៅលើផ្សារហ៊ុន New York Mercantile Exchange។
ប្រេងឆៅប្រភេទ Brent សម្រាប់ចែកចាយនៅខែឧសភា បានធ្លាក់ចុះ ១។៧៣ដុល្លារ ឬ ២,៣២ ភាគរយ មកបិទនៅតម្លៃ ៧២,៩៧ដុល្លារក្នុងមួយបារ៉ែល នៅលើផ្សារហ៊ុន London ICE Futures Exchange។
តម្លៃប្រេងស្ថិតក្រោមសម្ពាធ ខណៈដែលពាណិជ្ជករកើនឡើងព្រួយបារម្ភថា ភាពចលាចលនៅក្នុងសហរដ្ឋអាមេរិក និងវិស័យធនាគារអឺរ៉ុប អាចធ្វើឱ្យចក្ខុវិស័យសេដ្ឋកិច្ចងងឹត និងប៉ះពាល់ដល់តម្រូវការថាមពល។
យោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ បានឲ្យដឹងថា សម្រាប់សប្តាហ៍នេះ WTI បានធ្លាក់ចុះ ១៣ ភាគរយខណៈពេលដែល Brent បានធ្លាក់ចុះ ១១,៩ ភាគរយដោយផ្អែកលើកិច្ចសន្យាមុនខែ៕ ប្រែសម្រួល ឈូក បូរ៉ា
