បរទេស ៖ យោងតាមការចេញផ្សាយរបស់ RT រដ្ឋាភិបាលទីក្រុងមូស្គូបានព្រាង កញ្ចប់វិធានការសងសឹកក្នុងករណី ដែលបណ្តាប្រទេស លោកខាងលិច រឹបអូសទ្រព្យសម្បត្តិ អធិបតេយ្យភាព របស់រុស្ស៊ី ដែលត្រូវបានបង្កក ជុំវិញជម្លោះអ៊ុយក្រែន នេះបើយោង តាមការបញ្ជាក់ ដោយសមាជិកព្រឹទ្ធសភាជាន់ខ្ពស់ Valentina Matvienko បានព្រមានកាលពីថ្ងៃអង្គារ។
នៅក្នុងបទសម្ភាសន៍ជាមួយអ្នកកាសែតរុស្ស៊ី Dmitry Kiselyov ប្រធានក្រុមប្រឹក្សាសហព័ន្ធបាននិយាយថា វិធានការដ៏មានសក្តានុពល របស់អឺរ៉ុបក្នុងការរឹបអូស ទ្រព្យសម្បត្តិ រុស្ស៊ីនឹង មិនធ្លាប់មានពីមុនមក ដោយបន្ថែមថាវានឹង បំផ្លាញសេដ្ឋកិច្ចពិភពលោក។
មន្ត្រីរូបនោះបានបញ្ជាក់ថា៖ពិតណាស់ វានឹងខុសច្បាប់ជាដាច់ខាត ហើយអ្នករាល់គ្នានៅអឺរ៉ុបយល់ថាពួកគេមិនអាចធ្វើបែបនោះបានទេ។
ចាប់តាំងពីការចាប់ផ្តើម នៃជម្លោះអ៊ុយក្រែនក្នុងខែកុម្ភៈ ឆ្នាំ២០២២ មកលោកខាងលិច បានបង្កកទ្រព្យសម្បត្តិ របស់ធនាគារ កណ្តាលរុស្ស៊ី ប្រហែល៣០០ពាន់លានដុល្លារ មកហើយ ដែលភាគ ច្រើនត្រូវបានកាន់កាប់ នៅក្នុងសហភាពអឺរ៉ុបហើយកន្លងមក រដ្ឋាភិបាលទីក្រុងម៉ូស្គូបានបរិហារ ការរឹបអូសជាច្រើនដងថា ជាការលួចប្លន់។
មន្ត្រីនៅក្នុងប្រទេស លោកខាង លិចមួយចំនួន ជាពិសេសសហរដ្ឋអាមេរិក និងចក្រភពអង់គ្លេស បានទទូចលើការ រឹបអូសទ្រព្យ សម្បត្តិរុស្ស៊ីទាំងស្រុង បើទោះ បីជាមានការព្រួយ បារម្ភយ៉ាងទូលំ ទូលាយថា វានឹងមិនមានមូលដ្ឋាន ផ្លូវច្បាប់ក៏ដោយហើយ ផ្ទុយទៅវិញ សហភាពអឺរ៉ុបមានការស្ទាក់ស្ទើរក្នុងការធ្វើដូច្នេះ ដោយរាយការណ៍ថាខ្លាចថា មានការការសងសឹក ពីសំណាក់ប្រទេសរុស្ស៊ី៕
ប្រែសម្រួល៖ស៊ុនលី
