បរទេស៖ យោងតាមការចេញផ្សាយរបស់ RT កងកម្លាំងឆ្មាំបដិវត្តន៍អ៊ីរ៉ង់ហៅកាត់ថា IRGC បានព្រមានថា ការសងសឹករបស់ទីក្រុងតេហរ៉ង់ ជុំវិញការធ្វើឃាតមេដឹកនាំក្រុមហាម៉ាស់ Ismail Haniyeh អាចកើតឡើងបន្ទាប់ពីការរង់ចាំដ៏យូរ។
លោកHaniyeh ត្រូវបានសម្លាប់នៅក្នុងទីក្រុងតេហរ៉ង់ កាលពីនៅចុងខែកក្កដា ប៉ុន្មានម៉ោងបន្ទាប់ពីចូលរួមពិធីឡើង កាន់តំណែងរបស់ប្រធានាធិបតីអ៊ីរ៉ង់លោក Masoud Pezeshkian។
ក្រោយឧបទ្ទវហេតុនេះ អ៊ីរ៉ង់បានសន្យាថានឹងដាក់ទណ្ឌកម្ម យ៉ាងតឹងរ៉ឹងលើអ៊ីស្រាអែល ដែលមិនបានបដិសេធ ឬមិនទទួលស្គាល់តួនាទីណាមួយ ក្នុងការសម្លាប់នេះទេ។ មជ្ឈិមបូព៌ាក៏បាននឹងកំពុងព្យាយាមទប់ទល់ នឹងការសងសឹករបស់អ៊ីរ៉ង់ ដែលមិនទាន់សម្រេចនេះនៅឡើយផងដែរ។
លោក Alimohammad Naini អ្នកនាំពាក្យរបស់កងកម្លាំង IRGC ដែលជាឥស្សរជន និងមានឥទ្ធិពលនៃយោធាអ៊ីរ៉ង់ បាននិយាយកាលពីថ្ងៃអង្គារថា៖ ពេលវេលាគឺជាការពេញចិត្តរបស់យើង ហើយរយៈពេលរង់ចាំសម្រាប់ការ ឆ្លើយតបនេះអាចមានរយៈពេលយូរ បន្តិចរហូតដល់មានការ គណនាយ៉ាងត្រឹមត្រូវមួយ កើតឡើងសិនក្នុងការឆ្លើយតប។
ទោះបីជាយ៉ាងណាក្តី អាមេរិកក៏បានព្យាយាម និងស្នើដល់សម្ព័ន្ធមិត្តដែលមានទំនាក់ទំនង ជាមួយអ៊ីរ៉ង់ឱ្យបញ្ចុះបញ្ចូលឱ្យកាត់បន្ថយ ភាពតានតឹងនៅមជ្ឈិមបូព៌ាផងដែរ ក្នុងអំឡុងពេលនេះ៕
ប្រែសម្រួល៖ ស៊ុន លី
