រ៉ូម៖ សភាជាតិមានតួនាទីសំខាន់ក្នុងការរៀបចំតារាងវគ្គសិក្សា សម្រាប់បញ្ញាសិប្បនិមិត្ត (AI) និងការធានាសុវត្ថិភាពអ៊ីនធឺណិតឆ្ពោះទៅមុខ នេះបើយោងតាមសេចក្តីថ្លែងការណ៍ ដែលបានព្រមព្រៀងកាលពីថ្ងៃសៅរ៍ដោយតំណាងមកពីក្រុមប្រទេសសេដ្ឋកិច្ចទាំង៧ (G7) និងប្រទេសនានានៅពេលបិទកិច្ចប្រជុំកំពូលនៅប្រទេសអ៊ីតាលី។
កិច្ចប្រជុំរបស់ប្រធាន G7 រយៈពេលបីថ្ងៃនៅទីក្រុង Verona ភាគខាងជើងនៃប្រទេសអ៊ីតាលី រួមមានការដឹកនាំពីសភាក្នុងប្រទេសសមាជិក G7 ដែលរួមមានកាណាដា សហរដ្ឋអាមេរិក ចក្រភពអង់គ្លេស បារាំង អាល្លឺម៉ង់ អ៊ីតាលី និងជប៉ុន ក្នុងប្រធានសភាអឺរ៉ុប ក៏ត្រូវបានអញ្ជើញផងដែរ។
សេចក្តីថ្លែងការណ៍បានបញ្ជាក់ថា សភានៃប្រទេសនីមួយៗត្រូវតែរួមចំណែកដល់ការតាក់តែងច្បាប់អភិបាលកិច្ច ដែលនឹងធានាឱ្យមានការប្រើប្រាស់បញ្ញាសិប្បនិមិត្ត AI ប្រកបដោយប្រសិទ្ធភាពក្នុងក្របខ័ណ្ឌនៃគោលការណ៍ និងសិទ្ធិ ដែលយើងទាំងអស់គ្នា ក៏ដូចជាការផ្សព្វផ្សាយជាសាធារណៈ ការយល់ដឹងអំពីបញ្ហានេះ និងគាំទ្រការពិភាក្សាបន្ថែមលើទីផ្សារការងារ ដែលពាក់ព័ន្ធ។
ក្នុងអំឡុងពេលធ្វើជាប្រធាន G7 ឆ្នាំនេះ ប្រទេសអ៊ីតាលីបានសង្កត់ធ្ងន់លើតម្រូវការក្នុងការអភិវឌ្ឍន៍ស្តង់ដារអន្តរជាតិសម្រាប់បញ្ញាសិប្បនិមិត្ត AI ក៏ដូចជាសន្តិសុខភូមិសាស្ត្រនយោបាយ និងការអភិវឌ្ឍន៍ ក៏ត្រូវបានពិភាក្សាក្នុងកិច្ចប្រជុំនោះដែរ៕
ប្រែសម្រួល ឈូក បូរ៉ា
