បរទេស៖ ប្រធានាធិបតីជាប់ឆ្នោត អាមេរិក លោក Trump បានប្រកាស “ប្រឆាំងយ៉ាងខ្លាំង” ចំពោះអ៊ុយក្រែន ដែលប្រើមីស៊ីល ដែលផ្តល់ដោយសហរដ្ឋអាមេរិក ដើម្បីវាយប្រហារគោលដៅ ជ្រៅនៅក្នុងទឹកដីរុស្ស៊ី។
យោងតាមសារព័ត៌មាន VN EXPRESS ចេញផ្សាយ នៅថ្ងៃទី១៣ ខែធ្នូ ឆ្នាំ២០២៤ បានឱ្យដឹងថា ប្រធានាធិបតីជាប់ ឆ្នោតលោក Donald Trump បាននិយាយនៅក្នុងបទសម្ភាសន៍ មួយចេញផ្សាយដោយកាសែត អង់គ្លេស The Times កាលពីថ្ងៃទី១២ ខែធ្នូថា “ខ្ញុំប្រឆាំងយ៉ាងខ្លាំងចំពោះការបាញ់ មីស៊ីល ដែលមានចម្ងាយ រាប់រយគីឡូម៉ែត្រចូល ទៅក្នុងប្រទេសរុស្ស៊ី។ ហេតុអ្វីបានជាយើងធ្វើដូច្នេះ? ខ្ញុំគិតថា វាជាការសម្រេចចិត្តដ៏ឆោតល្ងង់” ។
ការសម្ភាសន៍នេះត្រូវបានធ្វើឡើងនៅចុងខែវិច្ឆិកា មុនពេលលោក Trump ជួបជាមួយប្រធានាធិបតីអ៊ុយក្រែនលោក Volodymyr Zelensky ក្នុងរដ្ឋធានីប៉ារីស ប្រទេសបារាំង។
លោកបាននិយាយថា “យើងគ្រាន់តែបង្កើនសង្គ្រាម ហើយធ្វើឲ្យវាកាន់តែអាក្រក់” ប៉ុន្តែបាននិយាយថា លោកនឹងប្រើជំនួយរបស់សហរដ្ឋអាមេរិកសម្រាប់អ៊ុយក្រែន ជាឥទ្ធិពលដើម្បីបញ្ចប់សង្គ្រាម។ «ខ្ញុំចង់ធ្វើកិច្ចព្រមព្រៀងមួយ ហើយវិធីតែមួយគត់ក្នុងការធ្វើវាគឺ មិនត្រូវបោះបង់ពួកគេ»។
អ្នកនាំពាក្យក្រុមប្រឹក្សាសន្តិសុខជាតិលោក John Kirby បាននិយាយថា នឹងមិនមាន “ថយក្រោយ ឬ ទៅមុខ” ជាមួយរដ្ឋបាល ដែលចូលមកជុំវិញការអត្ថាធិប្បាយរបស់លោក Trump ។ គាត់បាននិយាយថា “អ្វីដែលខ្ញុំអាចធ្វើបាន គឺរំលឹកឡើងវិញនូវគោលនយោបាយ និងទិសដៅរបស់ប្រធានាធិបតី Biden ពោលគឺធ្វើអ្វីគ្រប់យ៉ាងដែលយើងអាចធ្វើបាន ដើម្បីដាក់ប្រធានាធិបតី Zelensky ឱ្យស្ថិតក្នុងទីតាំងល្អបំផុត ដើម្បីចាប់ផ្តើមការចរចា” ៕
ប្រែសម្រួលៈ ណៃ តុលា
Recommended for you
