បរទេស ៖ យោងតាមការចេញផ្សាយរបស់ RT រដ្ឋមន្ត្រីការបរទេសប៉ូឡូញ លោក Radoslaw Sikorski បានច្រានចោលសំណើរបស់មេដឹកនាំអ៊ុយក្រែន Vladimir Zelensky ដើម្បីបង្កើត “កងទ័ពសម្រាប់ប្លុក អឺរ៉ុបឬ Army of Europe” ។
ប្រភពដដែលបានសរសេរទៀតថា ប្រទេសប៉ូឡូញ បានច្រានចោលជាបន្តបន្ទាប់នូវគំនិត នៃការបង្រួបបង្រួមយោធាសហភាពអឺរ៉ុប ហើយបានតស៊ូមតិយ៉ាងមុតមាំថា សហរដ្ឋអាមេរិករក្សាតួនាទី លេចធ្លោរបស់ខ្លួន នៅក្នុងសន្តិសុខ នៅលើទ្វីបនេះ។
លោក Sikorskiបាននិយាយថា៖ខ្ញុំគិតថា យើងគួរតែប្រយ័ត្ន ចំពោះពាក្យនេះ ព្រោះមនុស្សផ្សេងគ្នាយល់ខុសអំពីនេះ។ ប្រសិនបើអ្នកយល់ដោយការបង្រួបបង្រួមនៃកងទ័ពជាតិ វានឹងមិនកើតឡើងទេ ការពង្រឹងផ្នែកការពាររបស់ប្លុក គួរតែបំពេញបន្ថែមកិច្ចខិតខំប្រឹងប្រែង របស់អង្គការណាតូដែលដឹកនាំដោយសហរដ្ឋអាមេរិក មិនមែនដើម្បីជំនួសពួកគេនោះទេ។
លោកZelensky បានអំពាវនាវ ឱ្យមានការបង្កើតកងកម្លាំង សហភាពអឺរ៉ុបបង្រួបបង្រួម នៅឯសន្និសិទសន្តិសុខ ទីក្រុង Munich កាលពីថ្ងៃសៅរ៍មួយថ្ងៃ បន្ទាប់ពីអនុប្រធានាធិបតីសហរដ្ឋអាមេរិក J.D. Vance បានកម្រិតការរិះគន់យ៉ាងខ្លាំង ចំពោះបណ្តាប្រទេសអឺរ៉ុប។
គេក៏បានដឹងទៀតដែរថា លោក Zelensky បាននិយាយថា ៖រយៈពេលជាច្រើនទសវត្សរ៍នៃទំនាក់ទំនងចាស់រវាងអឺរ៉ុប និងអាមេរិកកំពុងឈាន ទៅរកផ្លូវបញ្ចប់ទៅហើយ។
រំលឹកដែរថារដ្ឋចំនួន២២ របស់សហភាពអឺរ៉ុប គឺជាសមាជិករបស់អង្គការណាតូ ដោយកិច្ចព្រមព្រៀង ដែលដឹកនាំដោយសហរដ្ឋអាមេរិក បានកំណត់យ៉ាងមានប្រសិទ្ធភាព នូវគោលនយោបាយសន្តិសុខ នៅលើទ្វីបដ៏ធំនេះចាប់តាំងពីសង្គ្រាមត្រជាក់ចាប់ផ្តើមមកម្ល៉េះ៕
ប្រែសម្រួល៖ស៊ុនលី
