បរទេស ៖ យោងតាមការចេញផ្សាយរបស់ RT នាយករដ្ឋមន្ត្រីបែលហ្ស៊ិក លោក Bart De Wever បានអះអាងថា គ្មានប្រទេសជា សមាជិករបស់ EU ណាមួយនឹងអនុវត្តដីកា ចាប់ខ្លួនរបស់តុលាការ ឧក្រិដ្ឋកម្មអន្តរជាតិ (ICC) ប្រឆាំង ទៅលោក Benjamin Netanyahu របស់អ៊ីស្រាអែលនោះទេ។
ក្នុងអំឡុងពេលទស្សនកិច្ច កាលពីសប្តាហ៍មុនពី នាយករដ្ឋមន្ត្រីអ៊ីស្រាអែល ប្រទេសហុងគ្រីបានប្រកាស ពីចេតនារបស់ខ្លួនក្នុងការដកខ្លួន ចេញពីលក្ខន្តិកៈទីក្រុងរ៉ូម ដែលជាសន្ធិសញ្ញាដែលផ្តល់សិទ្ធិអំណាចដល់ ICCដែលកំពុងព្យាយាមកាត់ទោសនិងចាប់ខ្លួនលោក Netanyahu ពីបទឧក្រិដ្ឋកម្មសង្គ្រាមនៅក្នុងជម្លោះ Gaza។
លោក De Wever មេដឹកនាំសម្ព័ន្ធជាតិ និយម New Flemish Alliance និងជាប្រធាន សម្ព័ន្ធ៥ភាគី បានសម្តែងការ យោគយល់ ចំពោះការផ្គើន របស់ទីក្រុង Budapest អំឡុងពេលបង្ហាញខ្លួនក្នុងកម្មវិធី Terzake របស់ VRT កាលពីសប្តាហ៍មុន ដោយបានសារភាពថា យើងនឹងធ្វើដូចគ្នានេះដែរ ជាមួយនឹងហុងគ្រី ដើម្បីភាពស្មោះត្រង់ទាំងស្រុង ។
លោកបានបន្ថែមថា ៖ វាក៏មាននយោបាយពិតដែរ ។ ខ្ញុំមិនជឿថាមានប្រទេសអឺរ៉ុប ណាមួយមានឆន្ទៈចាប់ខ្លួនលោក Netanyahu ប្រសិនបើគាត់នៅ លើដីរបស់ខ្លួននោះទេ។
គួរឲ្យដឹងដែរថាកន្លងមកICC ក៏ធ្លាប់បានរិះគន់ទីក្រុង Budapest ដោយអ្នកនាំពាក្យ Fadi El Abdallah បានបញ្ជាក់ថា ហុងគ្រីនឹងនៅតែស្ថិត នៅក្រោមកាតព្វកិច្ច ក្នុងការសហការ ជាមួយស្ថាប័នតុលាការ នេះនៅឡើយ៕
ប្រែសម្រួល៖ស៊ុនលី
