ភ្នំពេញ ៖ ក្រសួងសាធារណការ និងដឹកជញ្ជូន បានជូនដំណឹង ដល់ប្រជាពលរដ្ឋថា នាថ្ងៃទី១ ខែឧសភា ឆ្នាំ២០២០ ស្អែកនេះ មណ្ឌលផ្តល់បណ្ណបេីកបរ អ៉ីអន១ និងអ៉ីអន២ និងគ្រប់មជ្ឈមណ្ឌលត្រួតពិនិត្យ បច្ចេកទេសយានយន្ត (ឆៀក) ទាំងអស់ដំណេីរការធម្មតា ដេីម្បីសម្រួលនិងពន្លឿនការផ្តល់សេវាជូនប្រជាពលរដ្ឋ។
យោងតាមគេហទំព័រហ្វេសប៊ុករបស់ ក្រសួងសាធារណការ នៅថ្ងៃទី៣០ មេសា ថា “អាស្រ័យដូចបានជម្រាបជូនខាងលេីនេះបងប្អូនប្រជាពលរដ្ឋ អាចជ្រាបជាព័ត៌មាន និងអាចយករថយន្តរបស់ខ្លួន ទៅធ្វេីការត្រួតពិនិត្យបច្ចេកទេស យានយន្ត និងប្តូរបណ្ណបេីកបរតាមទីតាំងដែលបានរៀបរាប់ខាងលេីនេះបាន”។
សូមជម្រាបថា បច្ចុប្បន្ន មជ្ឈមណ្ឌល ឆៀក រថយន្ត មានចំនួន ៥ទីតាំងនៅក្នុងរាជធានីភ្នំពេញ (នៅផ្លូវ៥៩៨-ផ្លូវជាសុផារ៉ា, នៅបឹងបៃតងផ្លូវឧកញ៉ា ម៉ុង រិទ្ធី, នៅចំការដូង, នៅផ្លូវជាតិ៦អា និងនៅបឹងស្នោ) និង ៩ទីតាំទៀត នៅខេត្ត ព្រះវិហារ, រតនគីរី, ក្រចេះ, សៀមរាប, បាត់ដំបង, កំពង់ស្ពឺ, ព្រះសីហនុ, កំពង់ចាម និង កំពង់ឆ្នាំង និងរថយន្តឆៀកចល័ត ៣៕
