អាល្លឺម៉ង់ ស្វែងរកការលើកលែង ពីទណ្ឌកម្មពីអាមេរិក ទាក់ទងនឹងក្រុមហ៊ុនបុត្រសម្ព័ន្ធអាល្លឺម៉ង់ នៃក្រុមហ៊ុនប្រេងរដ្ឋ Rosneft របស់រុស្ស៊ី
បរទេស៖ អធិការបតីអាល្លឺម៉ង់លោក Friedrich Merz បាននិយាយថា លោកសន្មត់ថា សហរដ្ឋអាមេរិកនឹងផ្តល់ការ លើកលែងសម្រាប់ក្រុមហ៊ុនបុត្រ សម្ព័ន្ធអាល្លឺម៉ង់នៃក្រុមហ៊ុនប្រេងរដ្ឋ Rosneft ដែលជាកម្មសិទ្ធិរបស់រុស្ស៊ី ពីការដាក់ទណ្ឌកម្មថ្មីៗ។
យោងតាមសារព័ត៌មាន RT ចេញផ្សាយនៅថ្ងៃទី២៤ ខែតុលា ឆ្នាំ២០២៥ បានឱ្យដឹងថា ថ្លែងទៅកាន់អ្នកសារព័ត៌មាន នៅឯកិច្ចប្រជុំកំពូលរបស់សហភាពអឺរ៉ុប នៅទីក្រុងប្រ៊ុចសែល កាលពីថ្ងៃព្រហស្បតិ៍ លោកស្រី Merz បាននិយាយថា បញ្ហានេះត្រូវបានពិភាក្សារួចហើយ គឺ “យ៉ាងខ្លី” ជាមួយទីក្រុងវ៉ាស៊ីនតោន ។
ក្រុមហ៊ុន Rosneft រក្សាភាគហ៊ុននៅក្នុងរោងចក្រចម្រាញ់ប្រេងចំនួន ៣ នៅក្នុងប្រទេសអាឡឺម៉ង់ ដែលត្រូវបានដាក់ឱ្យស្ថិតនៅក្រោមការគ្រប់គ្រងរដ្ឋក្នុងឆ្នាំ ២០២២ បន្ទាប់ពីការកើនឡើង នៃជម្លោះអ៊ុយក្រែន និងការបន្តដាក់ទណ្ឌកម្ម។ ប្រតិបត្តិការរបស់អាល្លឺម៉ង់របស់ក្រុមហ៊ុននេះមានប្រហែល 12% នៃសមត្ថភាពកែច្នៃប្រេងសរុបរបស់ប្រទេស , នេះបើយោងតាម Bloomberg ។
កាលពីដើមសប្តាហ៍នេះ ប្រធានាធិបតីអាមេរិកលោក Donald Trump បានប្រកាសអំពីការដាក់ទណ្ឌកម្មថ្មីប្រឆាំងនឹងវិស័យថាមពលរបស់ប្រទេសរុស្ស៊ី ដោយផ្តោតលើក្រុមហ៊ុន Rosneft និងក្រុមហ៊ុនប្រេងដ៏សំខាន់មួយទៀតគឺ Lukoil ។ វិធានការនេះរារាំងក្រុមហ៊ុន និងស្ថាប័នហិរញ្ញវត្ថុអាមេរិកពីការដោះស្រាយជាមួយក្រុមហ៊ុនប្រេង៕
