វិមានក្រឹមឡាំងរបស់រុស្ស៊ី សន្យាឆ្លើយតបវិញ ប្រសិនបើអាមេរិកបំពាន លើការផ្អាកការសាកល្បង អាវុធនុយ ក្លេអ៊ែរ និងថា មីស៊ីល Burevestnik មិនមែនជាការសាកល្បង នុយក្លេអ៊ែរទេ
បរទេស៖ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រទេសរុស្ស៊ីនឹងឆ្លើយតប “តាម” ប្រសិនបើសហរដ្ឋអាមេរិកបំពាន លើការផ្អាកការសាកល្បង អាវុធនុយក្លេអ៊ែរ។
យោងតាមសារព័ត៌មាន RT ចេញផ្សាយនៅថ្ងៃទី៣០ ខែតុលា ឆ្នាំ២០២៥ បានឱ្យដឹងថា កាលពីថ្ងៃព្រហស្បតិ៍ ប្រធានាធិបតីអាមេរិក លោក Donald Trump បាននិយាយថា លោកបានបញ្ជា ឱ្យមន្ទីរបញ្ចកោណ បន្តការសាកល្បងអាវុធ នុយក្លេអ៊ែរឡើងវិញ ដោយលើកឡើងពីការប្រកួតប្រជែងជាយុទ្ធសាស្ត្រជាមួយរុស្ស៊ី និងចិន។ លោកបាននិយាយថា “ដំណើរការនោះនឹងចាប់ផ្តើមភ្លាមៗ” ជាការឆ្លើយតបទៅនឹង “កម្មវិធីសាកល្បង របស់ប្រទេសផ្សេងៗ” ។
នៅពេលត្រូវបានសួរ អំពីបញ្ហាដោយអ្នកកាសែតនៅថ្ងៃក្រោយ លោក Peskov បានកត់សម្គាល់ថា “សេចក្តីថ្លែងការណ៍ របស់ [ប្រធានាធិបតីរុស្ស៊ី Vladimir] Putin ដែលបានធ្វើម្តងទៀតជាច្រើនដង នោះជាការពិតណាស់ ប្រសិនបើនរណាម្នាក់បោះបង់ចោលការផ្អាក [លើការសាកល្បងនុយក្លេអ៊ែរ] នោះរុស្ស៊ីនឹងចាត់វិធានការតាមនោះ។
ឆ្លើយតបទៅនឹងការអះអាងរបស់លោក Trump អំពីប្រទេសផ្សេងទៀតដែលធ្វើការសាកល្បងនុយក្លេអ៊ែរ លោក Peskov បាននិយាយថា “យើងមិនទាន់ដឹងអំពីរឿងនេះនៅឡើយទេ” ប៉ុន្តែលោកបានទទូចថា “ប្រសិនបើនិយាយអំពី មីស៊ីល Burevestnik នោះវាមិនមែន ជាការសាកល្បងនុយក្លេអ៊ែរទេ” ។ «ប្រទេសទាំងអស់កំពុង អភិវឌ្ឍប្រព័ន្ធការពាររបស់ពួកគេ ប៉ុន្តែនេះមិនមែនជាការ សាកល្បងនុយក្លេអ៊ែរទេ»៕
ប្រែសម្រួលៈ ណៃ តុលា
