ករណីរំដោះអ្នកទោសនៅស្វាយរៀង ! សមត្ថកិច្ច កំពុងប្រតិបត្តិការ តាមចាប់ខ្លួនជនជាប់ឃុំ ៥នាក់ទៀត រួមទាំងបក្សពួកផ្សេងទៀត ដែលមករំដោះ
ភ្នំពេញ ៖ ករណីរំដោះអ្នកទោស នៅស្វាយរៀង បច្ចុប្បន្ន សមត្ថកិច្ចចម្រុះកំពុងប្រតិបត្តិការតាមចាប់ខ្លួន ជនជាប់ឃុំចំនួន ០៥នាក់ទៀត រួមទាំងបក្សពួកផ្សេងទៀត ដែលមករំដោះ។
យោងតាមសេចក្តីជូនព័ត៌មានបឋម របស់អគ្គនាយកដ្ឋានពន្ធនាគារ បានជម្រាបជូនព័ត៌មានបឋម ស្តីពី ជនជាប់ឃុំជនជាតិវៀតណាម ដែលត្រូវបានរំដោះចេញ ពីក្នុងបរិវេណសាលាដំបូង ខេត្តស្វាយរៀង នាព្រឹកថ្ងៃទី១៨ ខែតុលា ឆ្នាំ២០២៥ វេលាម៉ោងប្រមាណ ៨:៥៣នាទីព្រឹក ត្រូវបានចាប់ខ្លួនបានមកវិញ ០១នាក់ ឈ្មោះ ឡេ ទាំងវិនហ្លួង ភេទប្រុស និងរថយន្តមួយគ្រឿង ដែលជាមធ្យោបាយ នៅវេលាម៉ោងប្រមាណ ១០:៣៦នាទី ព្រឹកថ្ងៃទី១៨ ខែតុលា ឆ្នាំ២០២៤ ។ បច្ចុប្បន្ន សមត្ថកិច្ចចម្រុះកំពុងប្រតិបត្តិការ តាមចាប់ខ្លួន ជនជាប់ឃុំចំនួន ០៥នាក់ទៀត រួមទាំងបក្សពួកផ្សេងទៀត ដែលមករំដោះ។
សូមបញ្ជាក់ថា ករណីរំដោះឧក្រិដ្ឋជន ជនជាតិវៀតណាម ចេញពីសាលាដំបូងខេត្តស្វាយរៀង នៅព្រឹកថ្ងៃទី១៨ ខែវិច្ឆិកា ឆ្នាំ២០២៥ រហូតមានការផ្ទុះបាញ់ដាក់គ្នា រវាងកម្លាំងសមត្ថកិច្ច ជាមួយក្រុមឧក្រិដ្ឋជន ដែលបានបង្កឲ្យមានការភ្ញាក់ផ្អើល យ៉ាងខ្លាំងនោះ នៅពេលនេះកម្លាំង សមត្ថកិច្ចតាមចាប់ខ្លួនអ្នកទោសដែលជាមេក្លោងបានម្នាក់ត្រឡប់មកវិញហើយ ខណៈបក្ខពួកផ្សេងទៀតដែលជាអ្នកទោស និងអ្នកមករំដោះបន្ដរត់គេចខ្លួននៅឡើយ ៕
