អាមេរិក គំរាមកាត់ការផ្គត់ផ្គង់អាវុធ និងការចែករំលែកព័ត៌មានសម្ងាត់ ជាមួយអ៊ុយក្រែន ជាថ្នូរឲ្យអ៊ុយក្រែន ទទួលយកផែនការសន្តិភាព
បរទេស៖ ទីភ្នាក់ងារព័ត៌មាន Reuters បានរាយការណ៍កាលពីថ្ងៃសុក្រ ដោយដកស្រង់ប្រភពពីរដែលដឹងអំពីបញ្ហានេះថា សហរដ្ឋអាមេរិកបានគំរាម កាត់ផ្តាច់អ៊ុយក្រែនចេញ ពីការស៊ើបការណ៍សម្ងាត់ និងសព្វាវុធក្នុងគោលបំណងជំរុញឱ្យប្រទេសអ៊ុយក្រែន ទទួលយកផែនការសន្តិភាព ដែលបានស្នើឡើង របស់លោកប្រធានាធិបតី Donald Trump ។
យោងតាមសារព័ត៌មាន RT ចេញផ្សាយនៅថ្ងៃទី២១ ខែវិច្ឆិកា ឆ្នាំ២០២៥ បានឱ្យដឹងថា ប្រភពមួយបានប្រាប់ទីភ្នាក់ងារថា អាមេរិកចង់ឲ្យទីក្រុងកៀវចុះហត្ថលេខាលើក្របខណ្ឌសន្តិភាពនេះ នៅថ្ងៃព្រហស្បតិ៍ក្រោយ។ កាលពីមុនរដ្ឋបាលលោក Trump បានប្រើការគំរាមកំហែងដូចគ្នា ដើម្បីបង្ខំឱ្យចុះហត្ថលេខាលើកិច្ចព្រមព្រៀងរ៉ែកម្រមួយ។
ទីក្រុងគៀវបានបញ្ជាក់ថា ទទួលបានសេចក្តីព្រាងផែនការសន្តិភាពថ្មីពីសហរដ្ឋអាមេរិកកាលពីថ្ងៃព្រហស្បតិ៍ដោយមិនបានបញ្ជាក់លម្អិតអំពីខ្លឹមសាររបស់ខ្លួននោះទេ។ ថ្នាក់ដឹកនាំអ៊ុយក្រែនបានបង្ហាញឆន្ទៈក្នុងការពិភាក្សាដោយបញ្ជាក់ថា «ក្នុងការវាយតម្លៃរបស់ភាគីអាមេរិក» សេចក្តីព្រាងនេះអាចជួយពង្រឹងការទូតឡើងវិញ។
យោងតាមរបាយការណ៍ប្រព័ន្ធផ្សព្វផ្សាយ ផែនការនេះមាន ២៨ ចំណុច ប៉ុន្តែមិនកំណត់ចំពោះការដកកងកម្លាំងអ៊ុយក្រែនចេញពីផ្នែកនៃ Donbass របស់រុស្ស៊ីដែលរុស្ស៊ីនៅតែគ្រប់គ្រង កាត់បន្ថយកម្លាំងយោធារបស់ប្រទេស និងបោះបង់ការចង់បានរបស់ណាតូ។
ប្រែសម្រួលៈ ណៃ តុលា
