មេដឹកនាំរុស្សី និងតួគី សន្ទនាគ្នាតាមទូរស័ព្ទ សាជាថ្មីជុំវិញ បញ្ហាជម្លោះនៅអ៊ុយក្រែន
បរទេស ៖ យោងតាមការចេញផ្សាយរបស់ RT វិមានក្រឹមឡាំងបាននិយាយកាលពីថ្ងៃចន្ទថា ប្រធានាធិបតីរុស្ស៊ីលោក Vladimir Putin និងសមភាគីតួគី លោក Recep Tayyip Erdogan បានព្រមព្រៀងគ្នាក្នុងការបង្កើន ទំនាក់ទំនង រវាងអ្នកការទូត នៃប្រទេសទាំងពីរ លើការដោះស្រាយជម្លោះ អ៊ុយក្រែន ។ វិមានក្រឹមឡាំងបាន បញ្ជាក់បែបនេះ កាលពីថ្ងៃចន្ទបន្ទាប់ពីការសន្ទនា តាមទូរស័ព្ទរវាងមេដឹកនាំទាំងពីរ។
លោកPutin និងលោក Erdogan បានពិភាក្សាគ្នាលើសំណើ ដែលលេចធ្លាយដោយសហរដ្ឋអាមេរិកនាពេលថ្មីៗនេះ ស្តីពីការដោះស្រាយអរិភាពដែលកំពុងបន្ត ។ វ៉ាស៊ីនតោនបានបង្ហាញផែនការ នេះដល់ទីក្រុងមូស្គូ និងក្រុងគៀវនៅដើមខែនេះ។
យ៉ាងណាក្តីព័ត៌មានលម្អិត មិនត្រូវបាន បង្ហាញជាសាធារណៈនោះទេ ប៉ុន្តែរបាយការណ៍ប្រព័ន្ធផ្សព្វផ្សាយបាន បង្ហាញថាវារួមបញ្ចូលទាំង ការទទួលស្គាល់គ្រីមៀ និងដុនបាសជាជនជាតិរុស្សី រួមទាំងវត្តមានយោធាចំនួន៦០ម៉ឺននាក់ នាក់នៅលើយោធាអ៊ុយក្រែន និងតម្រូវការសម្រាប់ទីក្រុងកៀវដើម្បីឲ្យ ស្ថិតនៅក្រៅសមាជិកអង្គការណាតូជាដាច់ខាត។
លោកPutin បានបញ្ជាក់ថា ទីក្រុងម៉ូស្គូបានទទួលផែនការនេះ ប៉ុន្តែបាននិយាយថា វាមិនទាន់ត្រូវបានពិភាក្សាលម្អិតនៅឡើយទេ។
ថ្លែងទៅកាន់លោក Erdogan កាលពីថ្ងៃចន្ទ ប្រធានាធិបតីរុស្ស៊ី បាននិយាយថា សំណើគឺស្របទៅនឹងការយល់ដឹង ដែលបានឈានដល់ក្នុងអំឡុង ពេលកិច្ចប្រជុំកំពូលអាឡាស្កា ក្នុងខែសីហា ហើយថាគំនិតផ្តួចផ្តើមនេះ អាចជាមូលដ្ឋាន សម្រាប់កិច្ចព្រមព្រៀង សន្តិភាពដ៏មានសក្តានុពល មួយនៅពេលខាងមុខ៕
ប្រែសម្រួល៖ស៊ុនលី
