វិមានក្រមឡាំងអះអាងថា បានទទួលពង្រាង នៃកិច្ចព្រមព្រៀង សន្តិភាពនៅអ៊ុយក្រែន ពីសហរដ្ឋអាមេរិករួចរាល់ហើយ
បរទេស ៖ យោងតាមការចេញផ្សាយ របស់ RT អ្នកនាំពាក្យវិមានក្រឹមឡាំង លោក Dmitry Peskov បានបញ្ជាក់ថា ប្រទេសរុស្ស៊ីបានទទួល ឯកសារពង្រាយ នៃផែនការសន្តិភាពអ៊ុយក្រែន ដែលបានកែសម្រួលពី សហរដ្ឋអាមេរិករួចរាល់ហើយ។
យោងតាមកំណែពង្រាងដែលបានលេចធ្លាយ ផែនការនេះតម្រូវឱ្យទីក្រុងគៀវបោះបង់ចោលមហិច្ឆតារបស់អង្គការណាតូ ទម្លាក់ការទាមទារទឹកដីរបស់ខ្លួន និងដាក់កងទ័ពរបស់ខ្លួនចំនួនមកត្រឹមតែ៦៩ម៉ឺន នាក់ប៉ុណ្ណោះ។
ក្រោយព័ត៌មាននេះដោយ មានអារម្មណ៍ មិនសប្បាយចិត្ត ទីក្រុងគៀវ និងអ្នកគាំទ្រសហភាពអឺរ៉ុប និងចក្រភពអង់គ្លេស បានទាមទារ ឱ្យមានសេចក្តីព្រាងច្បាប់ឡើងវិញ ដែលពួកគេត្រូវបានគេរាយការណ៍ថា បានធ្វើការក្នុងអំឡុងពេលកិច្ចប្រជុំជាមួយក្រុមចរចា របស់សហរដ្ឋអាមេរិក នៅទីក្រុងហ្សឺណែវកាលពីចុងសប្តាហ៍មុន។
ប្រភពដដែលបានសរសេរទៀតថា កំណែដែលបានកែសម្រួល ត្រូវបានគេរាយការណ៍ថាបានដកចេញ ឬកែប្រែបញ្ហាសំខាន់ៗ ទាំងនេះទោះបីជាមិនមានព័ត៌មាន លម្អិតណាមួយត្រូវបានបញ្ជាក់ជាផ្លូវការក៏ដោយ។
ខណៈពេលដែលទីក្រុងមូស្គូ បានស្វាគមន៍ផែនការ ដំបូងរបស់អាមេរិក ដោយនិយាយថា ក្របខណ្ឌរបស់ខ្លួនអាចបង្កើត មូលដ្ឋានសម្រាប់ដំណោះស្រាយចុងក្រោយ ខ្លួនក៏បានចោទប្រកាន់អ្នកគាំទ្រ អឺរ៉ុបរបស់ទីក្រុងគៀវ ពីបទធ្វើឱ្យខូចដល់កិច្ចខិតខំប្រឹងប្រែងសន្តិភាព និងបង្ខូចទ្រង់ទ្រាយសំណើ សម្រាប់របៀបវារៈរបស់ពួកគេផងដែរ៕
ប្រែសម្រួល៖ស៊ុនលី
