ថ្ងៃទី ២៨ ខែវិច្ឆិកា ឆ្នាំ២០២៥ ការិយាល័យនយោបាយ នៃគណៈកម្មាធិការមជ្ឈិមបក្សកុម្មុយនីស្តចិន បានបើកកិច្ចប្រជុំ ដើម្បីពិគ្រោះពិភាក្សាអំពី «របាយការណ៍ចម្រុះ ស្តីពីសភាពការណ៍ ចុះត្រួតពិនិត្យវិន័យតាមខេត្ត (ភូមភាគស្វយ័ត ក្រុងក្រោមឱវាទមជ្ឈិម) នៃគណៈកម្មាធិការមជ្ឈិម បក្សកុម្មុយនីស្តចិនអាណត្តិទី ២០ » ក្រោមអធិបតីភាពលោក Xi Jinping អគ្គលេខាធិការ នៃគណៈកមា្មធិការមជ្ឈិមបក្សកុម្មុយនីស្តចិន។
កិច្ចប្រជុំបានលើកឡើងថា មជ្ឈិមបក្សទើបបានបញ្ចប់ការចុះត្រួតពិនិត្យវិន័យជុំទី ៥ និងជុំទី ៦ នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី ២០ ដែលបានគ្របដណ្តប់ខេត្ត-ភូមិភាគស្វយ័ត-ក្រុងទាំងអស់។ ការងារគ្រប់ខេត្ត-ភូមិភាគស្វយ័ត-ក្រុង ទទួលបានសមទ្ធិផលថ្មី និងផ្លែផ្ការីកចម្រើនថ្មី ក៏ប៉ុន្តែ នៅមានបញ្ហាខ្លះ ចាំបាច់ត្រូវដោះស្រាយយ៉ាងម៉ឺងម៉ាត់។ យើងត្រូវធ្វើការត្រួតពិនិត្យនិងកែតម្រូវវិន័យ ដោយអាកប្បកិរិយាយកចិត្តទុកដាក់ខ្ពស់ ហ៊ានប្រឈមនឹងបញ្ហាលំបាក ដើម្បីធ្វើការងារអធិការកិច្ចឱ្យបានល្អ ,ត្រូវបង្កើនការត្រួតពិនិត្យជាប្រចាំ , ផ្អែកលើស្មារតីនៃសន្និសីទពេញអង្គលើកទី ៤ និងស្មារតីនៃផែនការអភិវឌ្ឍន៍សេដ្ឋកិច្ចនិងសង្គមនៃ ៥ ឆ្នាំទី ១៥ នៃគណៈកម្មាធិការមជ្ឈិមបក្សកុម្មុយនីស្តចិន អាណត្តិទី ២០ , គ្រប់គ្រងបក្សយ៉ាងតឹងរ៉ឹង ដោយគ្រប់ជ្រុងជ្រោយ ធ្វើឱ្យប្រសើរឡើង នូវអេកូឡូស៊ីនយោបាយ បង្កើនសមត្ថភាព អភិបាលកិច្ចរបស់ក្រុមអ្នកដឹកនាំ ដើម្បីឱ្យការកែតម្រូវ វិន័យទទួលបានប្រសិទ្ធភាព ជាក់លាក់ដែលអាចជំរុញដល់ ការអភិវឌ្ឍប្រកបដោយគុណភាពខ្ពស់ ។
កិច្ចប្រជុំបានគូសបញ្ជាក់ថា គណៈកម្មការ បក្សគ្រប់ជាន់ថ្នាក់ត្រូវក្តាប់ជាប់នូវយុទ្ធសាស្ត្រមជ្ឈិមសំដៅចំពោះតំបន់របស់ខ្លួន អនុវត្តជាក់ស្តែង នូវការសម្រេចចិត្ត និងការរៀបចំចាត់ចែង ដ៏សំខាន់នៃមជ្ឈិមបក្ស សិក្សាយ៉ាងស៊ីជម្រៅនិងដោះស្រាយបញ្ហា ដូចគ្នាដែលបានរកឃើញក្នុង អំឡុងពេលចុះត្រួតពិនិត្យវិន័យរបស់មជ្ឈិមបក្ស ដើម្បីរួមចំណែកក្នុងការ ធ្វើកំណែទម្រង់ឱ្យស៊ីជម្រៅ៕
