ប្រទេសឥណ្ឌា គ្រោងនឹងផលិតយន្ត ហោះគ្មានមនុស្ស បើកវាយប្រហារ រយៈចម្ងាយឆ្ងាយ
បរទេស ៖ សារព័ត៌មាន Economic Times បានរាយការណ៍កាលពីថ្ងៃចន្ទថា ប្រទេសឥណ្ឌាគ្រោង នឹងអភិវឌ្ឍយន្តហោះគ្មានមនុស្ស បើកវាយប្រហាររយៈចម្ងាយឆ្ងាយ ដែលដំណើរការដោយម៉ាស៊ីន ផលិតក្នុងស្រុកនៅ ក្នុងភាពជាដៃគូសាធារណៈ និងឯកជន។
យោងតាមសារព័ត៌មាន RT ចេញផ្សាយនៅថ្ងៃទី១ ខែធ្នូ ឆ្នាំ២០២៥ បានឱ្យដឹងដោយយោងតាមរបាយការណ៍ថា មន្ទីរពិសោធន៍អវកាសជាតិ គ្រប់គ្រង ដោយរដ្ឋ (NAL) បានចុះហត្ថលេខាលើកិច្ចព្រមព្រៀង ជាមួយក្រុមហ៊ុនឯកជន មួយដើម្បីប្រើប្រាស់ម៉ាស៊ីន Wankel ដែលផលិត ដោយឥណ្ឌានៅក្នុងយានអវកាស គ្មានមនុស្សបើកថ្មី (UAVs) ។
រហូតមកដល់ពេលនេះ ប្រទេសឥណ្ឌាបាននឹង កំពុងពឹងផ្អែកលើក្រុមហ៊ុនបរទេសដើម្បីផ្គត់ផ្គង់ឲ្យជាមួយនឹងម៉ាស៊ីន ដើម្បីផ្តល់ថាមពលស្ទើរតែគ្រប់កំណែនៃប្រព័ន្ធ គ្មានមនុស្សបើករបស់ខ្លួន។
មន្ទីរពិសោធន៍អវកាសជាតិគ្រប់គ្រងដោយរដ្ឋ នឹងផ្ទេរបច្ចេកវិទ្យាដំបូងសម្រាប់ម៉ាស៊ីន Wankel កម្លាំង ៣០ សេះ ទៅកាន់យន្តហោះគ្មានមនុស្សបើក ដែលត្រូវបានរចនាឡើង ដើម្បីហោះហើរ បានរហូតដល់ ៩ ម៉ោង។ យន្ដហោះគ្មានមនុស្សបើក (UAVs) ត្រូវបានគេរំពឹងថា នឹងវាយប្រហារគោលដៅ ដែលមានចម្ងាយជាង ៥៦០ ម៉ាយ។
ម៉ាស៊ីន ៣០សេះ របស់ NAL បានទទួលវិញ្ញាបនប័ត្រដ៏សំខាន់មួយរួច ហើយសម្រាប់ការធ្វើតេស្តហោះហើរ នេះបើយោងតាមរបាយការណ៍៕
ប្រែសម្រួលៈ ណៃ តុលា
