លោក Merz របស់ប្រទេសអាល្លឺម៉ង់ បានប្រឆាំងនឹង «សន្តិភាពដែលកំណត់» លើប្រទេសអ៊ុយក្រែន
ប៊ែរឡាំង៖ អធិការបតីអាល្លឺម៉ង់ លោក Friedrich Merz បានឧ្យដឹងថា ប្រទេសអាល្លឺម៉ង់ ប្រឆាំងនឹង «សន្តិភាពដែលកំណត់» ណាមួយលើប្រទេសអ៊ុយក្រែន។
លោក Merz បានធ្វើការកត់សម្គាល់នេះ ក្នុងអំឡុងពេលសន្និសីទ សារព័ត៌មានរួមគ្នា ជាមួយនាយករដ្ឋមន្ត្រីប៉ូឡូញ លោក Donald Tusk ដែលកំពុងទស្សនកិច្ច នៅទីក្រុងប៊ែរឡាំង។
លោកបានឧ្យដឹងក្នុងអំឡុង ពេលសន្និសីទសារព័ត៌មានថា «គ្មានការសម្រេចចិត្តអំពីអ៊ុយក្រែន និងអឺរ៉ុប ដោយគ្មានជនជាតិ អ៊ុយក្រែន និងគ្មានជនជាតិអឺរ៉ុបនោះទេ» ដោយបន្ថែមថា ប្រទេសអាល្លឺម៉ង់ និងសម្ព័ន្ធមិត្តរបស់ខ្លួន មានគោលបំណងបន្តគាំទ្រអ៊ុយក្រែន និងនាំទីក្រុងមូស្គូ មកកាន់តុចរចា។
លោក Merz បានកត់សម្គាល់ថា ការពិភាក្សាថ្មីៗនេះ នៅទីក្រុងហ្សឺណែវ បាននាំឱ្យមានវឌ្ឍនភាពដំបូង ឆ្ពោះទៅរកផែនការសន្តិភាព ដោយបន្ថែមថា ប្រទេសអាល្លឺម៉ង់ កំពុងទាក់ទង ជាប្រចាំជាមួយអ៊ុយក្រែន និងសហរដ្ឋអាមេរិក ក្នុងកម្រិតទីប្រឹក្សា។
លោក Tusk ក៏បានសម្តែងការគាំទ្រ ចំពោះអ៊ុយក្រែនផងដែរ ដោយកត់សម្គាល់ពីកិច្ចខិតខំប្រឹង ប្រែងរបស់ប្រទេសប៉ូឡូញ និងអាល្លឺម៉ង់ក្នុងការពង្រឹងសន្តិសុខ របស់អឺរ៉ុបរួមគ្នា៕
ប្រែសម្រួល ឈូក បូរ៉ា
