អ្នកទេសចរសឹង្ហបុរី២៣នាក់ ត្រូវបានគេបង្ខាំងក្នុងហាង ក្រោយពីបដិសេធមិនទិញ ទំនិញក្នុងហាង ពេលទេសចរណ៍នៅចិន
បរទេស: Shawn Tok ដែលជាអ្នកឈ្នះការប្រកួត Campus SuperStar ឆ្នាំ ២០០៧ ថ្មីៗនេះបានបង្ហាញនៅក្នុង Instagram Stories ជាបន្តបន្ទាប់ថា គាត់បានធ្វើដំណើរជាមួយក្រុមទេសចរណ៍ចំនួន ២៣ នាក់ផ្សេងទៀត ក្នុងដំណើរកម្សាន្តរយៈពេល៩ថ្ងៃក្នុងខែវិច្ឆិកា នេះបើយោង តាមការចុះផ្សាយរបស់ Asia One។
យោងតាមសារព័ត៌មាន VN Express ចេញផ្សាយនៅថ្ងៃទី២ ខែធ្នូ ឆ្នាំ២០២៥ បានឲ្យដឹងថា ពួកគេត្រូវបានគេបង្ខំឱ្យទិញត្បូងថ្ម គ្រឿងប្រាក់ ក្រាស់សិតសក់ និងឱសថបុរាណ ហើយគេបានបដិសេធមិនឱ្យក្រុមនេះ ចាកចេញពីហាង រហូតដល់ចំនួនលក់របស់គាត់ត្រូវបានបំពេញ នេះបើយោងតាមការចុះផ្សាយ របស់កាសែតក្នុងស្រុក 8Days។
អ្នកធ្វើដំណើរនិយាយថា ពួកគេបានចំណាយប្រហែល ១០៥.០០០ យ័ន ឬប្រហែល ១៤.៨៥០ ដុល្លារអាមេរិក ក្នុងអំឡុងពេលដំណើរកម្សាន្ត ប៉ុន្តែមគ្គុទ្ទេសក៍បានទទូចថាវាមិនគ្រប់គ្រាន់ទេ។
គាត់ត្រូវបានចោទប្រកាន់ថា បានបញ្ឈប់មនុស្សមិនឱ្យដេកលើឡានក្រុង បង្ខំពួកគេឱ្យស្តាប់ការបង្ហាញផលិតផល និងគំរាមលុបចោលដំណើរកម្សាន្ត នៅពេលដែលពួកគេ បដិសេធមិនទិញទំនិញ។
បន្ទាប់ពីអាជ្ញាធរចិនបានធ្វើអន្តរាគមន៍ ភ្នាក់ងារទេសចរណ៍ត្រូវបានគេរាយការណ៍ថាបានសងប្រាក់វិញពេញលេញដល់អ្នកធ្វើដំណើរ។
ហេតុការណ៍នេះបានបង្កឱ្យមានការជជែកវែកញែកយ៉ាងក្តៅគគុក នៅលើប្រព័ន្ធផ្សព្វផ្សាយសង្គម ដោយអ្នកប្រើប្រាស់ជាច្រើនបានព្រមានអំពី “ដំណើរកម្សាន្តដែលមានតម្លៃថោក” និងប្រតិបត្តិករគួរឱ្យសង្ស័យ នៅលើវេទិកាសង្គម៕
ប្រែសម្រួល: ណៃ តុលា
