លោក ដូណាល់ ត្រាំ ដាក់កាលកំណត់កិច្ចព្រមព្រៀង សម្រប់អ៊ីរ៉ង់ ខណៈដែលអាមេរិកបង្កើនសម្ពាធយោធា
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានលើកឡើងថា សេតវិមានបានជូនដំណឹងជាឯកជនអំពីថ្ងៃផុតកំណត់ទៅកាន់អ៊ីរ៉ង់ ដើម្បីឈានដល់កិច្ចព្រមព្រៀងមួយ ខណៈពេលដែលបដិសេធមិនបង្ហាញពេលវេលាជាសាធារណៈ។
នៅពេលសួរដោយអ្នកយកព័ត៌មាននៅសេតវិមានថាតើអ៊ីរ៉ង់ ត្រូវបានផ្តល់ថ្ងៃផុតកំណត់ឬអត់ លោក ត្រាំ បានឆ្លើយតបថា “មានតែពួកគេទេ ដែលដឹងច្បាស់”។
នៅពេលសួរអំពីថាតើមន្ទីរបញ្ចកោណមានពេលវេលាកំណត់ ដើម្បីកាត់បន្ថយវត្តមានយោធា អាមេរិកនៅក្នុងតំបន់មជ្ឈិមបូព៌ាដែរឬទេ លោក ត្រាំ បានឧ្យដឹងថា “យើងនឹងរង់ចាំមើលថា តើវាដំណើរការយ៉ាងដូចម្តេច។ ពួកគេត្រូវតែបង្ហាញខ្លួននៅកន្លែងណាមួយ ដូច្នេះពួកគេអាចបណ្ដែត ខ្លួននៅជិតអ៊ីរ៉ង់បាន”។
ការកត់សម្គាល់ចុងក្រោយរបស់លោក ត្រាំ បានកើតឡើងនៅពេលដែលទីក្រុងវ៉ាស៊ីនតោន បង្កើនសម្ពាធយោធាលើប្រទេសនៅមជ្ឈិមបូព៌ា ជាកន្លែងដែលភាពចលាចលទូទាំងប្រទេសបានផ្ទុះឡើងចាប់តាំងពីចុងខែធ្នូ ឆ្នាំ២០២៥។
លោក ត្រាំ បានឧ្យដឹងកាលពីថ្ងៃពុធថា «កងនាវាដ៏ធំមួយ» ដែលដឹកនាំដោយនាវាផ្ទុកយន្តហោះ Abraham Lincoln កំពុងធ្វើដំណើរឆ្ពោះទៅកាន់ប្រទេសអ៊ីរ៉ង់ ហើយបានព្រមានថា «ពេលវេលាជិតអស់ហើយ» សម្រាប់ទីក្រុងតេអេរ៉ង់ ដើម្បីធ្វើកិច្ចព្រមព្រៀងជាមួយសហរដ្ឋអាមេរិក៕
ប្រែសម្រួល ឈូក បូរ៉ា
