យោធាវេណេស៊ុយអេឡា បញ្ជាក់ជាថ្មី អំពីការគាំទ្រ ចំពោះការផ្សះផ្សាជាតិ
ការ៉ាកាស៖ កងកម្លាំងប្រដាប់អាវុធជាតិបូលីវ៉ារៀ (FANB) របស់ប្រទេសវេណេស៊ុយអេឡា បានសម្តែងការគាំទ្រ ចំពោះកិច្ចខិតខំប្រឹងប្រែង របស់ប្រធានាធិបតីស្តីទី លោកស្រី Delcy Rodriguez ឆ្ពោះទៅរកការផ្សះផ្សាជាតិ និង ឯកភាពជាតិ នេះបើយោងតាមសេចក្តីថ្លែងការណ៍ របស់រដ្ឋមន្ត្រីក្រសួងការពារជាតិ លោក Vladimir Padrino Lopez ។
សេចក្តីថ្លែងការណ៍នេះ ដែលបានបង្ហោះ នៅលើបណ្ដាញ Telegram បានកើតឡើងមួយខែយ៉ាងពិតប្រាកដ បន្ទាប់ពីសហរដ្ឋអាមេរិក បានវាយឆ្មក់ដោយកម្លាំង ប្រធានាធិបតីវេណេស៊ុយអេឡាលោក នីកូឡាស ម៉ាឌូរ៉ូ និងភរិយារបស់លោក Cilia Flores ក្នុងការវាយឆ្មក់យោធា។
លោក Padrino បានឧ្យដឹងថា ទោះបីជាមាន “របួសបើកចំហ” ក៏ដោយ FANB គាំទ្រកិច្ចខិតខំប្រឹងប្រែងរបស់លោកស្រី Rodriguez ក្នុងការពង្រឹងប្រព័ន្ធប្រជាធិបតេយ្យ និងចាត់វិធានការចាំបាច់ ដើម្បីសម្រួលដល់ការវិលត្រឡប់របស់លោក ម៉ាឌូរ៉ូ និងលោកស្រី Flores។
លោក Padrino បានឧ្យដឹងថា “កាលពីមួយខែមុន ប្រទេសវេណេស៊ុយអេឡា ត្រូវបានវាយប្រហារ ដោយប្រទេសមហាអំណាចនុយក្លេអ៊ែរធំ ជាងគេបំផុតរបស់ពិភពលោក តាមរយៈប្រតិបត្តិការយោធា ដែលមិនធ្លាប់មាន ពីមុនមក និងមិនសមាមាត្រ” ដោយសរសើរកងទ័ពវេណេស៊ុយអេឡា ដែលបានឆ្លើយតបដោយមធ្យោបាយ និងកម្លាំងដែលមាន ៕
ប្រែសម្រួល ឈូក បូរ៉ា
