ដ្រូនអ៊ុយក្រែន បន្តវាយប្រហារថ្ងៃចុងក្រោយ នេះលើទីតាំងផ្សារទំនើបលក់រាយ ២កន្លែងរបស់រុស្សីបង្កមាន អ្នកស្លាប់និងរបួសច្រើននាក់
បរទេស៖ យោងតាមការចេញផ្សាយរបស់ RT យោងតាមអាជ្ញាធរក្នុងតំបន់បានឱ្យដឹងថា យន្តហោះគ្មានមនុស្សបើករបស់អ៊ុយក្រែន បានវាយប្រហារមជ្ឈមណ្ឌលដឹកជញ្ជូនចំនួន២កន្លែង ដែលដំណើរការដោយក្រុមហ៊ុនលក់ទំនិញអនឡាញ Wildberries របស់រុស្សី ហើយលើកនេះ នៅភាគខាងត្បូងនៃប្រទេសរុស្ស៊ី បណ្តាលឱ្យបុគ្គលិកម្នាក់ស្លាប់ និងជាច្រើននាក់ទៀតរងរបួស ។
ការវាយប្រហារដាច់ដោយឡែកមួយលើឃ្លាំងប្រេងមួយនៅ Armavir បានសម្លាប់កម្មករម្នាក់ទៀត ហើយបានបង្កឱ្យមានភ្លើងឆេះយ៉ាងខ្លាំង។
ផ្សារទំនើបលក់រាយWildberries ដែលជារឿយៗត្រូវបានគេហៅថាជាកំណែទំរង់រុស្ស៊ីដូចទៅនឹង Amazon គឺជាអ្នកលក់រាយតាមអ៊ីនធឺណិត ដ៏ពេញនិយមបំផុតមួយរបស់ប្រទេស។
ស្ថាបនិករបស់ខ្លួន Tatyana Kim បានបញ្ជាក់កាលពីថ្ងៃពុធថាគ្រឿងបរិក្ខាររបស់ក្រុមហ៊ុននៅ Krasnodar និង Nevinnomyssk ក្នុងតំបន់ Stavropol ត្រូវបានកំណត់គោលដៅពេញមួយយប់។ អគារទាំងពីរត្រូវបានជម្លៀសចេញ ហើយប្រតិបត្តិការរបស់ពួកគេត្រូវបានផ្អាក ខណៈដែលក្រុមសង្គ្រោះបន្ទាន់ធ្វើការនៅទីតាំងនោះ។
យោងតាមអភិបាលក្រុង Veniamin Kondratyev បានឱ្យដឹងថា បុគ្គលិក ១០ នាក់បានរងរបួសនៅឯឃ្លាំង Krasnodar ។ លោកបានបន្តថា ស្ត្រីវ័យក្មេងម្នាក់ដែលរងរបួសក្នុងការវាយប្រហារក្រោយមកបានស្លាប់ ដោយបន្ថែមថា ជនរងគ្រោះបីនាក់ផ្សេងទៀត កំពុងសម្រាកព្យាបាលនៅមន្ទីរពេទ្យ ខណៈភ្លើងឆេះឃ្លាំងត្រូវបានគេពន្លត់រួចរាល់ហើយ៕
