នាយករដ្ឋមន្រ្តីអ៊ីស្រាអែល បង្ហាញផែនការផ្តួល រំលំរដ្ឋាភិបាលអ៊ីរ៉ង់
យេរូសាឡឹម៖ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានឧ្យដឹងថា ការផ្តួលរំលំរដ្ឋាភិបាលអ៊ីរ៉ង់ ឥឡូវនេះគឺជាគោលបំណងកណ្តាល របស់អ៊ីស្រាអែល និង «ស្ថិតនៅក្នុងដៃ» ខណៈដែលភាពតានតឹង ក្នុងតំបន់បន្ដកើនឡើង។
លោក ណេតាន់យ៉ាហ៊ូ បានប្រាប់បុគ្គលិកយោធាអ៊ីស្រាអែល នៅក្នុងព្រឹត្តិការណ៍ឆ្នាំថ្មី របស់ជនជាតិយូដានៅទីក្រុង Tel Aviv ថា លោកជឿជាក់លើសមត្ថភាពរបស់អ៊ីស្រាអែល ក្នុងការលុបបំបាត់ការគំរាមកំហែងនេះម្តង និងសម្រាប់ទាំងអស់គ្នា។
នោះមានន័យថា ការផ្តួលរំលំរបបដឹកនាំរបស់អ៊ីរ៉ង់ គឺជាបេសកកម្មស្នូល ដែលនៅខាងមុខអ៊ីស្រាអែល ខិតកាន់តែជិតដល់ហើយ ដោយលោក បានលេីកឡេីងថា “វាមិនមែនមិនអាចទៅរួចទេ វាស្ថិតនៅក្នុងដៃរបស់យេីងហេីយ។
លោកបានបន្ដថា ភាពជាអ្នកដឹកនាំរបស់អ៊ីរ៉ង់ «ខ្សោយជាងពេលណាៗទាំងអស់» និងកំពុងតស៊ូ ដើម្បីជីវិតរបស់ខ្លួន» ដោយព្រមានប្រទេសសត្រូវរបស់អ៊ីស្រាអែលមួយនេះថា «កុំរញ៉េរញ៉ៃជាមួយអ៊ីស្រាអែល»។
នៅថ្ងៃទី២៨ ខែកុម្ភៈ អ៊ីស្រាអែល និងសហរដ្ឋអាមេរិក បានបើកការវាយប្រហាររួមគ្នាលើទីក្រុងតេអេរ៉ង់ និងទីក្រុងអ៊ីរ៉ង់ផ្សេងទៀត។ អ៊ីរ៉ង់ បានឆ្លើយតបដោយរលកនៃការវាយប្រហារដោយមីស៊ីល និងយន្តហោះគ្មានមនុស្សបើក ដែលកំណត់គោលដៅមូលដ្ឋានទ័ព និងទ្រព្យសម្បត្តិរបស់អ៊ីស្រាអែល និងសហរដ្ឋអាមេរិកនៅក្នុងតំបន់ ហើយបានរឹតបន្តឹងការគ្រប់គ្រងរបស់ខ្លួនលើច្រកសមុទ្រហ័រមូស។
ក្នុងរយៈពេលប៉ុន្មានសប្តាហ៍ថ្មីៗនេះ សហរដ្ឋអាមេរិក បានបង្កើនសម្ពាធសេដ្ឋកិច្ចលើអ៊ីរ៉ង់ ដោយរដ្ឋមន្ត្រីក្រសួងរតនាគារលោក Scott Bessent បានប្រកាស “ទិវាសេដ្ឋកិច្ច D-Day” ប្រឆាំងនឹងអ៊ីរ៉ង់ ដោយបង្ហាញទណ្ឌកម្មថ្មីៗ ដែលមានគោលបំណងធ្វើឱ្យសេដ្ឋកិច្ចអ៊ីរ៉ង់ កាន់តែឯកោបន្ថែមទៀត៕
ប្រែសម្រួល ឈូក បូរ៉ា
