ចក្រភពអង់គ្លេស ប្រកាសផ្តល់ជំនួយបន្ថែមចំនួន ១០ពាន់លានផោន សម្រាប់អ៊ុយក្រែន
ឡុងដ៌៖ លោក John Healey រដ្ឋមន្ត្រីក្រសួងហិរញ្ញវត្ថុរបស់ចក្រភពអង់គ្លេស បានឧ្យដឹងថា ចក្រភពអង់គ្លេសនឹងផ្តល់ជំនួយសេដ្ឋកិច្ច និងយោធាបន្ថែមចំនួន ១០ ពាន់លានផោន (ស្មើនឹង ១៣ ពាន់លានដុល្លារអាមេរិក) ដល់ប្រទេសអ៊ុយក្រែន។
នៅក្នុងសុន្ទរកថាស្តីពីថវិកាឆ្នាំ ២០២៦ នៅចំពោះមុខសភាជាន់ទាប លោក Healey បានបញ្ជាក់ថា ជំនួយសេដ្ឋកិច្ច និងយោធាបន្ថែមចំនួន ១០ ពាន់លានផោននេះ គឺ «ផ្អែកលើប្រាក់កម្ចី ការធានាហិរញ្ញវត្ថុ សម្រាប់ការនាំចេញ និងថវិកាយោធាបន្ទាន់ចំនួនកន្លះពាន់លានផោន សម្រាប់រដូវរងានេះ»។
លោកបានឱ្យដឹងថា លោក និងនាយករដ្ឋមន្ត្រីអង់គ្លេស លោក Andy Burnham បានទាក់ទងទៅកាន់ប្រធានាធិបតីអ៊ុយក្រែន លោក វូឡូឌីមៀហ្សេឡិនស្គី កាលពីថ្ងៃពុធ ដើម្បីជម្រាបជូនលោកអំពីការប្តេជ្ញាចិត្តទាំងនេះ។
លោក Burnham បានលើកឡើងថា «នេះគឺជាកញ្ចប់ថវិកាដ៏ធំបំផុតមិនធ្លាប់មាន ដែលចក្រភពអង់គ្លេស បានផ្តល់ជូនដល់ប្រទេសអ៊ុយក្រែន»។
យោងតាមរដ្ឋាភិបាលអង់គ្លេស ជាមួយនឹងការប្រកាសថា ចក្រភពអង់គ្លេស បានប្តេជ្ញាផ្តល់ថវិកាសរុបចំនួន ៣៥ ពាន់លានផោន (ស្មើនឹង ៤៧ ពាន់លានដុល្លារ) ដល់ប្រទេសអ៊ុយក្រែន ដែលក្នុងនោះរួមមានជំនួយយោធាចំនួន ១៦ ពាន់លានផោន (ស្មើនឹង ២១ ពាន់លានដុល្លារ)៕
ប្រែសម្រួល ឈូក បូរ៉ា
