ភ្នំពេញ៖ ក្នុងឱកាសអញ្ជើញចុះជួបសួរសុខទុក្ខ និងចែកអំណោយជូនប្រជាពលរដ្ឋ១ម៉ឺនគ្រួសារ ដែលរងគ្រោះដោយសារទឹកជំនន់ នៅខេត្តបន្ទាយមានជ័យ នៅព្រឹកថ្ងៃទី២១ ខែតុលា ឆ្នាំ២០២០នេះសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសចូលរួមមរណទុក្ខ ចំពោះអ្នកស្លាប់ដោយជំនន់ទឹកភ្លៀង ខណៈរហូតមកដល់ពេលនេះ មានអ្នកស្លាប់ដោយសារជំនន់ទឹកភ្លៀង ៣៤នាក់នាក់ហើយ ក្នុងនោះខេត្តបន្ទាយមានជ័យ មានចំនួន១៨នាក់ច្រើនជាងគេ៕
