KD102

បណ្ឌិត កៅ ថាច៖ ថ្លៃដេីមផលិតក្នុង១ឯកតា​ ជាកត្តាកំណត់នៃការចំណេញ-ខាត ដូច្នោះកសិករត្រូវយល់ដឹងឲ្យច្បាស់អំពីថ្លៃដេីមផលិត

ភ្នំពេញ៖ លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមន៍បណ្តាញកសិករតេជោ នៅថ្ងៃទី៣០ ខែវិច្ឆិកា ឆ្នាំ២០២៥ បានអញ្ជើញចុះជួបសំណេះសំណាលដោយផ្ទាល់និងយ៉ាងស្និទ្ធស្នាលជាមួយបងប្អូនប្រជាកសិករជាង ៥០០ នាក់នៅស្រុកទឹកផុស ខេត្តកំពង់ឆ្នាំង។ ក្នុងឱកាសសំណេះសំណាលនោះ បណ្ឌិត កៅ ថាច មានប្រសាសន៍ថា« ថ្លៃដេីមផលិតក្នុង១ឯកតា​ ជាកត្តាកំណត់នៃការចំណេញ-ខាត ដូច្នោះ កសិករត្រូវយល់ដឹងអោយច្បាស់អំពីថ្លៃដេីមផលិត ហើយគោលបំណងចម្បង និងសារៈសំខាន់បំផុតនៃការបង្កើតសមាគមន៍បណ្តាញកសិករតេជោ” ដែលដើរតួនាទីជាសសរស្តម្ភដ៏រឹងមាំក្នុងការលើកកម្ពស់ជីវភាព និងកិត្យានុភាពរបស់កសិករកម្ពុជា»។ លើសពីនេះ ចំពោះ តួនាទីស្នូលរបស់ “សមាគមន៍បណ្តាញកសិករតេជោ” បណ្ឌិត កៅ ថាច បានលើកឡើងថា សមាគមន៍នេះមានតួនាទីសំខាន់ ២យ៉ាងគឺទី១ ធ្វើជាស្ពានចម្លងដ៏រឹងមាំ៖ ក-សមាគមន៍នឹងធ្វើជាចំណុចតភ្ជាប់ដ៏សំខាន់សម្រាប់កសិករ ដើម្បីសម្រេចបាននូវការអភិវឌ្ឍន៍ប្រកបដោយចីរភាព និងភ្ជាប់ទៅប្រភពហិរញ្ញវត្ថុ (ឥណទាន)។ ធនាគារ ARDB បានត្រៀមរួចជាស្រេចនូវកញ្ចប់ឥណទានពិសេសៗ ដែលមាន អត្រាការប្រាក់ទាប និងលក្ខខណ្ឌអនុគ្រោះ បំផុតដើម្បីបង្កើនទុនបង្វិល និងលើកកម្ពស់សមត្ថភាពវិនិយោគរបស់បងប្អូនកសិករដោយផ្ទាល់។ ខ-ការភ្ជាប់ទៅបច្ចេកវិទ្យា និងអ្នកជំនាញ៖ ជួយកសិករឱ្យទទួលបាននូវ បច្ចេកវិទ្យាកសិកម្មទំនើបៗ ព័ត៌មានជាក់លាក់ និងការណែនាំពីអ្នកជំនាញ ដើម្បីបង្កើនទិន្នផល គុណភាព និងឈានទៅរកការកែច្នៃដែលផ្តល់នូវ ប្រាក់ចំណេញសមស្រប និងប្រសើរជាងមុន។ គ-ការភ្ជាប់ទៅទីផ្សារតម្លៃកសិផល ផ្តល់ព័ត៌មានទីផ្សារច្បាស់លាស់ និងជួយសម្របសម្រួលការលក់កសិផល ធានាឱ្យកសិករលក់បានក្នុង តម្លៃល្អប្រសើរ និងសមរម្យ ជៀសវាងការគាបសង្កត់តម្លៃ។ ដើរតួជាតំណាងដ៏ស្មោះត្រង់ ក្នុងការលើកយកនូវបញ្ហា កង្វល់ និងសំណូមពរនានា ជាពិសេសបញ្ហាទីផ្សារ ទៅដល់ថ្នាក់ដឹកនាំ និងអាជ្ញាធរពាក់ព័ន្ធដើម្បីស្វែងរកដំណោះស្រាយទាន់ពេលវេលា។ ឃ-តភ្ជាប់សម្លេងរបស់កសិករដេីម្បីអោយបានលឺខ្លាំង​ ជាងសម្លេងកសិករម្នាក់ៗ។  ទី២-ជាមួយគ្នានេះសមាគមនឹងធ្វេីជាខែល ឬ ជាឆ័ត្រការពារ ពោលគឺសមាគមនឹងដើរតួនាទីយ៉ាងសំខាន់ក្នុងការ ការពារផលប្រយោជន៍ស្របច្បាប់ របស់កសិករ ក្នុងករណីមានការរំលោភបំពាន ឬកាកេងចំណេញ​ ឬបង្ខិតបង្ខំលើកសិករពីសំណាក់ឈ្មួញកណ្តាល ឬភាគីពាក់ព័ន្ធមួយចំនួន។ ការលើកទឹកចិត្ត និងសារសំខាន់របស់កសិករជាចុងបញ្ចប់នៃកម្មវិធី លោកបណ្ឌិតប្រធានបានអំពាវនាវ និងលើកទឹកចិត្តដល់បងប្អូនកសិករទាំងអស់នៅស្រុកទឹកផុស សូមចូលរួមជាមួយ “សមាគមន៍បណ្តាញកសិករតេជោ” ដើម្បីទទួលបាននូវ ការគាំពារ ការការពារ និងព័ត៌មានគ្រប់ជ្រុងជ្រោយ អំពីទីផ្សារ ឥណទាន និងបច្ចេកទេស។ សម្រាប់បណ្ឌិត កៅ ថាច ប្រសាសន៍ទៀតថា«កសិករជាឆ្នាំងបាយរបស់ប្រទេសជាតិ និងរបស់ពិភពលោក ដែលមិនអាចខ្វះបានដែលឆ្លុះបញ្ចាំងពីតម្លៃដ៏មហិមារបស់កសិករ ដែលជាសសរស្ដម្ភនៃសន្តិសុខស្បៀងជាតិ និងសកលលោក ព្រមទាំងបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលចំពោះវិស័យកសិកម្ម»។ សមាគមបណ្តាញកសិករតេជោ ចង់ផ្លាស់ប្តូរទម្លាប់កសិករពីការធ្វើកសិកម្មតាមបែបប្រពៃណី ឱ្យក្លាយជា កសិកម្មតាមបែបទំនើបដើម្បីក្លាយជាកសិករសហគ្រិន។ សមាគមបណ្តាញកសិករតេជោ មានគោលបំណង ចូលរួមការអភិវឌ្ឍន៍វិស័យកសិកម្ម និងសេដ្ឋកិច្ចជនបទ តាមរយៈការលើក កម្ពស់ការបង្កើនផលិតភាព ការធ្វើពិពិធកម្មកសិកម្ម និងកសិពាណិជ្ជកម្ម ដោយផ្តល់នូវសេវាបច្ចេកទេសការផ្សព្វផ្សាយនិងការស្វែងរកទីផ្សារផលិតផល កសិកម្ម។ បន្ថែមពីនេះមានសកម្មភាព ក្នុងការប្រមូលផ្តុំកសិករតាមតំបន់ ដើម្បីទទួលបាននូវសេវាបច្ចេកទេសផ្នែក កសិកម្ម និងការយល់ដឹងផ្នែកហិរញ្ញវត្ថុផងដែរ ៕

Soaring tariff revenue fails to cover US spending

The latest monthly report from the U.S. Treasury Department shows that, despite the government shutdown throughout October, record-breaking tariff revenue significantly boosted...

Metfone ចាប់ដៃគូយុទ្ធសាស្ត្រជាមួយ Cisco – ជាជំហានដ៏សំខាន់មួយក្នុងដំណើររបស់ខ្លួន ក្នុងការកសាងប្រព័ន្ធអេកូឡូស៊ីដំណោះស្រាយ ICT នៅកម្ពុជា

Metfone និង Cisco បានបង្កើតកិច្ចសហប្រតិបត្តិការយុទ្ធសាស្ត្រជាផ្លូវការ ដើម្បីនាំយកដំណោះស្រាយ បច្ចេកវិទ្យាទំនើបមកកាន់ទីផ្សារកម្ពុជា។ នេះគឺជាព្រឹត្តិការណ៍ដ៏សំខាន់មួយ ដែលជាសញ្ញានៃការផ្លាស់ប្តូររបស់ Metfone ពីតួនាទីប្រពៃណីរបស់ខ្លួនជា ប្រតិបត្តិករបណ្តាញទូរគមនាគមន៍ ទៅជាអ្នកផ្តល់ដំណោះស្រាយបច្ចេកវិទ្យា ដ៏ទូលំទូលាយសម្រាប់អាជីវកម្ម អង្គការ និងភ្នាក់ងាររដ្ឋាភិបាលទូទាំងប្រទេស។ កិច្ចសហប្រតិបត្តិការនេះត្រូវបានបង្កើតឡើង នៅលើសសរស្តម្ភសំខាន់ៗចំនួនបី៖ ទី១. Metfone នឹងចូលរួមក្នុងការចែកចាយ និងផ្តល់ផលប័ត្រផលិតផល និងដំណោះស្រាយរបស់...

បណ្ឌិត កៅ ថាច ដឹកនាំកិច្ចប្រជុំ ត្រួតពិនិត្យមើលការប្រើប្រាស់មូលនិធិពិសេសរបស់រាជរដ្ឋាភិបាល  និងដាក់ចេញ វិធានការដោះស្រាយបញ្ហាស្រូវចាល់ស្តុក និងការប្រកួតប្រជែងទីផ្សារ

ភ្នំពេញ៖ នាថ្ងៃទី២៧ ខែវិច្ឆិកា ឆ្នាំ២០២៥ លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំកិច្ចប្រជុំនៅ សាខាធនាគារអភិវឌ្ឍន៍ជនបទ និងកសិកម្ម សាខាបាត់ដំបង។ កិច្ចប្រជុំនេះមានការចូលរួមពី ឧកញ៉ា ឡាយ ឈុនហួ ប្រធានសហពន្ធស្រូវអង្ករកម្ពុជា (CRF) ព្រមទាំងតំណាងរោងម៉ាស៊ីនកិនស្រូវធំៗនៅតាមបណ្តាខេត្តគោលដៅដូចជា ពោធិ៍សាត់...

ឧត្តមសេនីយ៍ត្រី ម៉េង ស្រ៊ុន ដាក់បទបញ្ជាឲ្យកម្លាំងអាវុធហត្ថខេត្តកំពង់ស្ពឺ បន្តចុះផ្សព្វផ្សាយអប់រំពីផលប៉ះពាល់នៃគ្រឿងញៀនដើម្បីលើកកម្ពស់សហគមន៍គ្មានគ្រឿងញៀន បារីអេឡិចត្រូនិច និងក្មេងទំនើង​​

កំពង់ស្ពឺ​៖ ដោយអនុវត្តតាមបទបញ្ជា​យ៉ាងម៉ឺងម៉ាត់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ​​ នាថ្ងៃទី២៧ ខែវិច្ឆិកា ឆ្នាំ២០២៥ លោកវរសេនីយ៍ទោ ណុល ដារា​ ប្រធានមន្ទីរស្រាវជ្រាវ និងបង្ក្រាបបទល្មើស​​ បានដឹកនាំកម្លាំងកងរាជអាវុធហត្ថខេត្តកំពង់ស្ពឺ ព្រមទាំង​ការចូលរួម​ពីក្រុមការងារសហភាព​សហព័ន្ធ​យុវជន​កម្ពុជា​ខេត្ត​កំពង់ស្ពឺ​ និងរួមសហការជាមួយគណគ្រប់គ្រងសាលាផ្សព្វផ្សាយអប់រំអំពីផលប៉ះពាល់ នៃគ្រឿងញៀន ដើម្បីលើកកម្ពស់សហគមន៍គ្មានគ្រឿងញៀន (បារីអេឡិចត្រូនិច)និងក្មេងទំនើង​​ ព្រមទាំងលេខទូរស័ព្ទអន្តរាគមន៏សង្គ្រោះបន្ទាន់​​ Hot​Line1292 របស់បញ្ជាការកងរាជអាវុធហត្ថខេត្តកំពង់ស្ពឺ​​ ក្នុង​បរិវេណ​វិទ្យាល័យ​ អី ជិ យី គិ វាលពង់​ ស្ថិតនៅក្នុងភូមិសាស្ត្រសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ​​ ដោយមានការចូលពីលោកគ្រូអ្នកគ្រូចំនួន៦០នាក់និងសិស្សានុសិស្សចូលរួម ស្ដាប់ការអប់រំផ្សព្វផ្សាយចំនួន១៣៦៦នាក់ (សិស្សស្រីចំនួន៧១៦នាក់)ផងដែរ។

នៅសល់តែ ៣ថ្ងៃទៀតតែប៉ុណ្ណោះ ទិញឡាន ឈ្នះបាន TOYOTA RAIZE!!

ទិញឡាន ឈ្នះឡាន ត្រឹមតែ ៣០០គ្រឿងដំបូងតែប៉ុណ្ណោះ! ការកក់មានសន្ទុះកើនឡើងជារៀងរាល់ថ្ងៃ ដូច្នេះហើយសូមប្រញាប់ឡើងកុំអោយ ឱកាសដ៏អស្ចារ្យមួយនេះរំលងផុតទៅអោយសោះ ចាប់ពីថ្ងៃទី១៥ រហូតដល់ថ្ងៃទី៣០ ខែវិច្ឆិកា ឆ្នាំ២០២ ឬសម្រាប់តែអតិថិជន ៣០០ គ្រឿងដំបូងតែប៉ុណ្ណោះ។ រៀងរាល់ការជាវរថយន្តគ្រប់ម៉ូឌែលណាមួយរបស់ Toyota Cambodia អតិថិជនទាំងអស់នឹងមានសិទ្ធ ងការចាប់ឆ្នោតផ្សងសំណាង មានឱកាសឈ្នះបានរថយន្ត TOYOTA RAIZE...

រដ្ឋមន្ត្រីការបរទេសនូវែលសេឡង់ នឹងអញ្ជើញមកបំពេញទស្សនកិច្ចផ្លូវការ នៅកម្ពុជា ២ថ្ងៃ

សភាយុវពាណិជ្ជករអន្តរជាតិ កម្ពុជា សាខាសៀមរាប រៀបចំមហាសន្និបាតប្រចាំឆ្នាំ ដើម្បីបោះឆ្នោតជ្រើសរើសក្រុមប្រឹក្សាភិបាលសម្រាប់អាណត្តិទី៦ ឆ្នាំ២០២៥–២០២៦

សៀមរាប៖ កាលពីថ្ងៃទី២២ ខែវិច្ឆិកា ឆ្នាំ២០២៥ សភាយុវពាណិជ្ជករអន្តរជាតិ កម្ពុជា, សាខាសៀមរាប បានរៀបចំ មហាសន្និបាតប្រចាំឆ្នាំ របស់ខ្លួន នៅសណ្ឋាគារ ដឺ សែនជូរី ខេត្តសៀមរាប។ គោលបំណងស្នូលនៃកិច្ចប្រជុំដ៏ឧត្តុង្គឧត្តមនេះ គឺការបោះឆ្នោតជ្រើសរើសក្រុមប្រឹក្សាភិបាលសម្រាប់អាណត្តិថ្មី ឆ្នាំ២០២៥–២០២៦ ដែលជា អាណត្តិទី៦ នៃការដឹកនាំ នៅក្នុង ចេ...

ប្រមុខការទូតកម្ពុជា នឹងអញ្ជើញទៅបំពេញទស្សនកិច្ចផ្លូវការ នៅឡាវ និងធ្វើជាសហប្រធាន កិច្ចប្រជុំលើកទី១៥ នៃគណៈកម្មការចម្រុះសម្រាប់កិច្ចសហប្រតិបត្តិការទ្វេភាគី កម្ពុជា-ឡាវ

ភ្នំពេញ៖ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា នឹងអញ្ជើញទៅបំពេញទស្សនកិច្ចផ្លូវការ នៅសាធារណរដ្ឋប្រជាធិបតេយ្យប្រជាមានិតឡាវ និងធ្វើជាសហប្រធាន នៃកិច្ចប្រជុំលើកទី១៥ នៃគណៈកម្មការចម្រុះសម្រាប់កិច្ចសហប្រតិបត្តិការទ្វេភាគីរវាង កម្ពុជា និងឡាវ ចាប់ពីថ្ងៃទី២៦ ដល់ថ្ងៃទី២៨ ខែវិច្ឆិកា ឆ្នាំ២០២៥ នៅទីក្រុងវៀងចន្ទន៍។ យោងតាមសេចក្ដីប្រកាសព័ត៌មានរបស់ ក្រសួងការបរទេស នាថ្ងៃទី២៤ វិច្ឆិកា...

លោកឧកញ៉ា ស្រី ចាន់ថន ទីប្រឹក្សាសម្ដេចអគ្គមហាសេនាបតីតេជោហ៊ុនសែន និងតំណាងឲ្យក្រុមហ៊ុន 9NG Group Co.Ltd បានគល់ថវិកាឧបត្ថម្ភសាងសង់ផ្ទះ ដល់សមាគមអតីតយុទ្ធជន និងនិវត្តជនកម្ពុជាចំនួន ២៥០ ខ្នងរយៈពេល៥ ឆ្នាំ

នៅថ្ងៃទី២០ ខែវិច្ឆិកា ឆ្នាំ២០២៥ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជន និងនិវត្តជនកម្ពុជា បានអញ្ជើញទទួលថវិកាឧបត្ថម្ភពី លោកឧកញ៉ា ស្រី ចាន់ថន...