DAP News
Posts By PH104
-
596ព័ត៌មានអន្តរជាតិបទវិភាគ ៖ ចិននិងអេហ្ស៊ីប ពួតដៃគ្នាបោះជំហានទៅមុខ ដើម្បីគ្រោងផែនការមេថ្មី សម្រាប់ការអភិវឌ្ឍ
“នេះគឺជាដំណើរទស្សនកិច្ចផ្លូវរដ្ឋមួយ លើកដែលមានលក្ខណៈជាប្រវត្តិសាស្ត្រ” ”ដំណើរទស្សនកិច្ចលើកនេះបានផ្តល់នូវអត្ថន័យជាយុគសម័យថ្មីដល់មិត្តភាពប្រពៃណីរវាងអេហ្ស៊ីបនិងចិន” ”ប្រទេសទាំងពីរកំពុងពួតដៃគ្នាបោះជំហានទៅមុខលើផ្លូវសហប្រតិបតិ្តការ ដែលមានភាពកាន់តែទូលំទូលាយ” ។ល។ សំដៅចំពោះដំណើរទស្សនកិច្ចផ្លូវរដ្ឋ របស់លោក Xi Jinping ប្រធានរដ្ឋចិននៅប្រទេសអេហ្ស៊ីបចាប់ពីថ្ងៃទី ១ ដល់ថ្ងៃទី ២ ខែកញ្ញា គ្រប់មជ្ឈដ្ឋាននៃប្រទេសអេហ្ស៊ីបបានវាយតម្លៃខ្ពស់ចំពោះរឿងនេះ ។ ក្នុងអំឡុងពេលដំណើរទស្សនកិច្ចលើកនេះ ប្រមុខរដ្ឋនៃប្រទេសទាំងពីរបានជួបពិភាក្សាការងារ ហើយបានឈានដល់គំនិតឯកភាពរួមយ៉ាងទូលំទូលាយ ។ ដំណើរទស្សនកិច្ចលើកនេះគឺជាដំណើរទស្សនកិច្ចផ្លូវរដ្ឋម្តងទៀតរបស់លោក Xi Jinping ប្រធានរដ្ឋចិននៅប្រទេសអេហ្ស៊ីបបន្ទាប់ពីរំលងអស់រយៈពេល ១០ ឆ្នាំ ដែលធ្វើឡើងក្នុងឱកាសខួបទី ៧០ នៃការបង្កើតទំនាក់ទំនងការទូតរវាងចិននិងអេហ្ស៊ីប វាគឺមានសារសំខាន់ពិសេសសម្រាប់ការបន្តវេនបុព្វហេតុជំនាន់មុននិងត្រួសត្រាយផ្លូវអភិវឌ្ឍន៍ថ្មីនៅពេលអនាគត ។ លោក Abdel Fattah El-Sisi ប្រធានាធិបតីអេហ្ស៊ីបបានហៅលោកប្រធានរដ្ឋចិន Xi Jinping ថាជា”មិត្តល្អ”ក្នុងពេលជួបពិភាក្សាការងារដែលបង្ហាញពីចំណងមិត្តភាពដ៏ជ្រាលជ្រៅរវាងប្រមុខរដ្ឋនៃប្រទេសទាំងពីរ ។ លោកប្រធានរដ្ឋចិន Xi Jinping និងលោកប្រធានាធិបតីអេហ្ស៊ីប Abdel Fattah El-Sisi បានរួមគ្នាគូសវាសផែនការមេសម្រាប់ការអភិវឌ្ឍទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយចិន-អេហ្ស៊ីប និងបានអញ្ជើញជាសក្ខីភាពក្នុងពិធីចុះហត្ថលេខាលើឯកសារសហប្រតិបត្តិការជាង ២០ ដែលពាក់ព័ន្ធនឹងវិស័យដូចជា រួមគ្នាកសាង”ខ្សែក្រវាត់និងផ្លូវ” បញ្ញាសិប្បនិម្មិត សេដ្ឋកិច្ចនិងពាណិជ្ជកម្ម និងកិច្ចសហប្រតិបតិ្តការផ្នែកខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់ជាដើម ។ ដោយឡែក ភាគីទាំងពីរក៏បានចេញផ្សាយ«សេចក្តីថ្លែងការណ៍រួមស្តីពីការធ្វើឱ្យស៊ីជម្រៅថែមមួយកម្រិតទៀតនូវទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយ»ផងដែរ ។ល។ ដំណើរទស្សនកិច្ចរបស់លោក Xi Jinping ប្រធានរដ្ឋចិនទទួលបាននូវសមិទ្ធផលផ្លែផ្កាដែលប្រកបដោយអត្ថន័យជានិមិត្តសញ្ញាសម្រាប់ការជំរុញការអភិវឌ្ឍទំនាក់ទំនងរវាងចិននិងអេហ្ស៊ីប ។ សូមបញ្ជាក់ថា អេហ្ស៊ីបគឺជាប្រទេសដែលបានបង្កើតទំនាក់ទំនងការទូតជាមួយសាធារណរដ្ឋប្រជាមានិតចិនដំបូងគេក្នុងចំណោមប្រទេសអារ៉ាប់និងអាហ្វ្រិក ជាប្រទេសអារ៉ាប់ដំបូងគេដែលបានដាក់បញ្ចូលគោលដៅនៃការកសាងសហគមន៍រួមជោគវាសនាសម្រាប់មនុស្សជាតិទៅក្នុងសេចក្តីថ្លែងការណ៍រួមស្តីពីទំនាក់ទំនងទ្វេភាគី ហើយក៏ជាប្រទេសកំពុងអភិវឌ្ឍន៍ដំបូងគេដែលបានបង្កើតទំនាក់ទំនងយុទ្ធសាស្ត្រជាមួយប្រទេសចិនផងដែរ ។ ក្នុងរយៈពេល ៧០ ឆ្នាំកន្លងមក មិនថាសភាពការណ៍អន្តរជាតិនិងក្នុងតំបន់មានការប្រែប្រួលយ៉ាងណាក្តី ក៏ទំនាក់ទំនងចិន-អេហ្ស៊ីបគឺជាគំរូនៃការរួមរស់នៅដោយសុខដុមរមនានិងការរួមសាមគ្គីនិងធ្វើកិច្ចសហប្រតិបតិ្តការរវាងប្រទេសកំពុងអភិវឌ្ឍន៍ជាប់រហូតមក ។ កិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មគឺជាកម្លាំងចលករដ៏ខ្លាំងក្លាសម្រាប់ជំរុញទំនាក់ទំនងរវាងប្រទេសទាំងពីរ ។ ប្រទេសចិនគឺជាប្រទេសដៃគូពាណិជ្ជកម្មធំទីមួយរបស់អេហ្ស៊ីបក្នុងរយៈពេល ១៤ ឆ្នាំជាប់ៗគ្នា នៅឆ្នាំ ២០២៥ ទំហំពាណិជ្ជកម្មទ្វេភាគីបានឡើងដល់ ២០,៧៩ ប៊ីលានដុល្លារអាមេរិក ។ លើសពីនេះទៅទៀត អេហ្ស៊ីបក៏ជាប្រទេសដំបូងគេមួយដែលចូលរួមកិច្ចសហប្រតិបត្តិការស្តីពីការរួមគ្នាកសាង”ខ្សែក្រវាត់និងផ្លូវ”ផងដែរ ។ ក្នុងរយៈពេលប្រាំពីរខែដើមឆ្នាំ ២០២៦ ការនាំចូលកសិផលអេហ្ស៊ីប របស់ប្រទេសចិនបានកើនឡើង ៨២,៦ ភាគរយបើប្រៀបធៀបនឹងរយៈពេលដូចគ្នានៃឆ្នាំ ២០២៥ ។ ក្នុងអំឡុងពេលដំណើរទស្សនកិច្ចលើកនេះ លោកប្រធានរដ្ឋចិន Xi Jinping បានលើកឡើងថា ភាគីទាំងពីរគួរបញ្ចេញសក្តានុពល នៃកិច្ចសហប្រតិបត្តិការក្នុងវិស័យប្រពៃណីដូចជា ការកសាងហេដ្ឋារចនាសម្ព័ន្ធ ថាមពលអគ្គិសនី កសិកម្ម និងបច្ចេកវិទ្យាទូរគមនាគមន៍ជាដើមនិងបង្កើតចំណុចលេចធ្លោថ្មីៗនៃកិច្ចសហប្រតិបត្តិការក្នុងវិស័យដូចជាថាមពលបៃតង រថយន្តអគ្គិសនី អាកាសចរណ៍ អវកាស សេដ្ឋកិច្ចឌីជីថលនិងបច្ចេកវិទ្យាកសិកម្មទំនើបជាដើម ។ វិស័យប្រពៃណី និងវិស័យងើបឡើងថ្មីបានធ្វើកិច្ចខិតខំប្រឹងប្រែងក្នុងពេលជាមួយគ្នាដែលនឹងពង្រីកថែមមួយកម្រិតទៀតនូវវិសាលភាពនៃកិច្ចសហប្រតិបត្តិការជាក់ស្តែងរវាងប្រទេសចិននិងអេហ្ស៊ីប ។ ការរួមសុខរួមទុក្ខជាមួយគ្នាបានអស់រយៈពេល ៧០ ឆ្នាំ ទំនាក់ទំនងចិន-អេហ្ស៊ីបមានការចាប់ផ្តើមថ្មី ។ សម្លឹងមើលទៅកាន់អនាគត ប្រទេសចិននិងអេហ្ស៊ីបនឹងធ្វើជាគំរូនៃការបន្តវេនចំណងមិត្តភាព ជាគំរូនៃការពួតដៃគ្នាអភិវឌ្ឍ ជាគំរូនៃការផ្លាស់ប្តូរនិងការរៀនសូត្រអរិយធម៌ពីគ្នា ជាអ្នកឈានមុខសម្រាប់ការរក្សាយុត្តិធម៌និងសច្ចភាព និងជាអ្នកដឹកនាំសម្រាប់ជំរុញកិច្ចសហប្រតិបត្តិការចិន-អារ៉ាប់និងចិន-អាហ្វ្រិកដើម្បីជំរុញការកសាងសហគមន៍ជោគវាសនារួមរវាងចិននិងអេហ្ស៊ីបជាបន្តបន្ទាប់ ក៏ដូចជាបំពេញបន្ថែមនូវថាមពលវិជ្ជមានសម្រាប់ពិភពលោកដែលកំពុងស្ថិតក្នុងដំណាក់កាលរង្គោះរង្គើ និងកំណែទម្រង់ ៕
-
597ព័ត៌មានអន្តរជាតិលោកXi Jinpingនិងលោកស្រីPeng Liyuan រួមជាមួយ លោកAbdelFattah El-Sisi និងភរិយាអញ្ជើញទស្សនាសារមន្ទីរ Grand Egyptian
រសៀលថ្ងៃទី២ ខែកញ្ញា លោកXi Jinpingប្រធានរដ្ឋចិននិងលោកស្រីPeng Liyuanជាភរិយាបានអញ្ជើញទស្សនាសារមន្ទីរGrand Egyptianដោយមានការទទួលស្វាគមន៍ពីលោក AbdelFattah El-Sisiប្រធានាធិបតីអេហ្ស៊ីបនិងលោកស្រី Entissar El-Sisiជាភរិយា។ លោកXi Jinpingបានលើកឡើងថា ប្រទេសចិននិងអេហ្ស៊ីបសុទ្ធតែជាប្រទេសមានអរិយធម៌បុរាណអរិយធម៌និងប្រទេសធំដែលមានបេតិកភណ្ឌពិភពលោកច្រើន អរិយធម៌ធំទាំងពីរបានដើរស្របជាមួយគ្នា និងចារទំព័រមិត្តភាពគ្រប់ជំនាន់។ភាគីទាំងពីរគួរតែផ្សព្វផ្សាយទស្សនៈអរិយធម៌ដែលប្រកបដោយសមភាពការរៀនសូត្រពីគ្នាទៅវិញទៅមក ការសន្ទនានិងបរិយាប័ន្ន និងអនុវត្តគំនិតផ្តួចផ្តើមអរិយធម៌សកល ដើម្បីរួមគ្នាជំរុញភាពបរិយាប័ន្ននៃអរិយធម៌ទីទៃគ្នា ផ្លាស់ប្តូរនិងរៀនសូត្រពីគ្នាទៅវិញទៅមក ព្រមទាំងប្រមូលផ្តុំកម្លាំងអរិយធម៌កាន់តែច្រើនសម្រាប់ការកសាងសហគមន៍ជោគវាសនារួមសម្រាប់មនុស្សជាតិ។ លោក AbdelFattah El-Sisiបានថ្លែងអំណរគុណដល់លោកXi Jinpingដែលបានផ្ញើលិខិតអបអរសាទរក្នុងឱកាសបើកសារមន្ទីរGrand Egyptianកាលពីឆ្នាំមុន ហើយលើកឡើងថា អរិយធម៌អេហ្ស៊ីបបុរាណនិងចិនបុរាណសុទ្ធតែមានលក្ខណៈ “បរិយាប័ន្នចម្រុះនិងការរួមរស់ជាមួយ” ដែលស្របគ្នាជាមួយនឹងគំនិតផ្តួចផ្តើមអរិយធម៌សកល ដែលលើកឡើងដោយលោក Xi Jinping។ប្រទេសអេហ្ស៊ីបមានឆន្ទៈក្នុងការធ្វើឱ្យការផ្លាស់ប្តូររវាងប្រជាជននិងប្រជាជនជាមួយប្រទេសចិនឱ្យកាន់តែជិតស្និទ្ធ ជំរុញការរៀនសូត្រពីគ្នាទៅវិញទៅមករវាងអរិយធម៌ និងធ្វើឱ្យពិភពលោកកាន់តែមានភាពសុខដុមរមនានិងបរិយាប័ន្ន៕
-
548ព័ត៌មានអន្តរជាតិគំនិតផ្តួចផ្តើមអភិវឌ្ឍន៍សកល ៖ ដំណោះស្រាយ តាមបែបវេជ្ជសាស្ត្របុរាណចិនសម្រាប់ ព្យាបាលជាប្រព័ន្ធ ចំពោះជំងឺរ៉ាំរ៉ៃសកល
«របាយការណ៍ពិនិត្យសុខភាព»ស្តីពីការអភិវឌ្ឍសកលដ៏គួរឱ្យព្រួយបារម្ភ ៖ ក្នុងចំណោមសូចនាករអភិវឌ្ឍន៍ប្រកបដោយចីរភាពចំនួន ១៣៩ របស់អង្គការសហប្រជាជាតិ ទើបសម្រេចបាន តែ ៣៦% ប៉ុណ្ណោះ។ មនុស្ស ២៣០០ លាននាក់លើពិភពលោកនៅតែរស់ក្នុងភាពអត់ឃ្លាន។ ហើយអត្រាកំណើនផលិតផលក្នុងស្រុកសរុបគិតជាមធ្យមក្នុងមនុស្សម្នាក់ៗនៃអង្គភាពសេដ្ឋកិច្ចដែលងាយរងគ្រោះបំផុតចំនួន ៧៥ គឺយឺតជាងប្រទេសអ្នកមាន។ ប្រការនេះមានន័យថា គម្លាតចំណូល រវាងប្រទេសអ្នកមាន និងប្រទេសក្រកំពុងត្រូវពង្រីក រហូតឈានដល់កម្រិតធ្ងន់ធ្ងរបំផុតក្នុងសតវត្សរ៍នេះ។ ពិភពលោកពិតជាឈឺហើយ! ប្រឈមមុខនឹងជំងឺនេះ លោកXi Jinping បានចេញ”វេជ្ជបញ្ជា “មួយនៅឯមហាសន្និបាតអង្គការសហប្រជាជាតិឆ្នាំ ២០២១ គឺគំនិតផ្តួចផ្តើមអភិវឌ្ឍន៍សកល។ “វេជ្ជបញ្ជា ”...
-
598ព័ត៌មានអន្តរជាតិលោក Xi Jinping ប្រធានរដ្ឋចិនជួបពិភាក្សា ការងារជាមួយ លោក Abdel Fattah El-Sisi ប្រធានាធិបតីអេហ្ស៊ីប
នាព្រឹកថ្ងៃទី២ ខែកញ្ញា លោក Abdel Fattah El-Sisi ប្រធានាធិបតីអេហ្ស៊ីបបានជួបពិភាក្សាការងារជាមួយលោក Xi Jinping ប្រធានរដ្ឋចិនដែលអញ្ជើញបំពេញទស្សនកិច្ចផ្លូវរដ្ឋ នៅទីក្រុងគែរ រដ្ឋធានីអេហ្ស៊ីប ។ លោក Xi Jinping បានលើកឡើងថា កាលពីឆ្នាំ១៩៥៦ អេហ្ស៊ីបគឺជាប្រទេសដំបូងគេនៅ ក្នុងចំណោមប្រទេសអារ៉ាប់និងអាហ្វ្រិក ដែលបានបង្កើតទំនាក់ទំនងការទូតជាមួយប្រទេសចិនថ្មី។ អស់រយៈពេល៧០ឆ្នាំមក ទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងចិននិងអេហ្ស៊ីបបានឈានដល់ការអភិវឌ្ឍយ៉ាងលេចធ្លោ។ ប្រឈមមុខនឹងសភាពការណ៍អន្តរជាតិនិងតំបន់ដ៏ស្មុគស្មាញនិងច្របូកច្របល់ ប្រទេសទាំងពីរគួរគាំទ្រគ្នា ពង្រឹងកិច្ចសហប្រតិបត្តិការឱ្យកាន់តែស៊ីជម្រៅ ដើម្បីជំរុញការកសាងសហគមន៍ជោគវាសនារួមរវាងចិននិងអេហ្ស៊ីបជាបន្តបន្ទាប់ ត្រូវបង្កើនការសម្របសម្រួលពហុភាគីលើឆាកអន្តរជាតិ ដើម្បីជំរុញការកសាងប្រព័ន្ធអភិបាលកិច្ចសកលប្រកបដោយភាពយុត្តិធម៌និងសមហេតុផល។ ជាការឆ្លើយតប លោក Sisi បានថ្លែងថា ភាគីអេហ្ស៊ីបប្រកាន់ខ្ជាប់យ៉ាងម៉ឺងម៉ាត់នូវគោលការណ៍ចិនមួយ ខិតខំជំរុញឱ្យទំនាក់ទំនងទេ្វភាគីរីកចម្រើនឈានទៅមុខបន្ថែមទៀត ហើយមានឆន្ទៈធ្វើការជាមួយចិន ដើម្បីបង្កើនការសម្របសម្រួលនិងសហការគ្នានៅលើវេទិកាពហុភាគី ដើម្បីពួតដៃគ្នារក្សាយុត្តិធម៌អន្តរជាតិ ។ ប្រមុខរដ្ឋនៃប្រទេសទាំងពីរបានធ្វើការផ្លាស់ប្តូរយោបល់គ្នាយ៉ាងស៊ីជម្រៅអំពីសភាពការណ៍នៅតំបន់មជ្ឈឹមបូព៌ា ។ លោក Xi Jinping បានលើកឡើងថា ភាគីចិនគាំទ្រប្រទេសក្នុងតំបន់ឱ្យអភិវឌ្ឍទំនាក់ទំនងមេត្រីភាពជាមួយប្រទេសជិតខាង ផ្អែកលើទស្សនៈសន្តិភាពដែលមានភាពរួម ចម្រុះ កិច្ចសហប្រតិបត្តិការ និងជានិរន្តរភាព ដើម្បីកសាងរចនាសម្ព័ន្ធសន្តិសុខថ្មីនៅមជ្ឈិមបូព៌ា។ ជុំវិញសន្តិសុខរួមក្នុងតំបន់ លោក Xi Jinping បានលើកឡើងនូវគំនិតផ្ដួចផ្ដើមថា៖ បណ្តុះបណ្តាលកម្លាំងចលករក្នុងតំបន់ ជំរុញការគ្រប់គ្រងជាចម្រុះ ពង្រឹងមូលដ្ឋនាគ្រឹះនៃការអភិវឌ្ឍ និងបង្កើនកិច្ចសហការអន្តរជាតិ។ ភាគីចិនមានឆន្ទៈធ្វើការជាមួយបណ្តាប្រទេសទាំងអស់ក្នុងតំបន់ ដើម្បីរួមគ្នាគាំពារសន្តិសុខនៃច្រកនាវាចរអន្តរជាតិ ជំរុញកិច្ចសហប្រតិបត្តិការខាងការអភិវឌ្ឍ ផ្សារភ្ជាប់អត្ថប្រយោជន៍នៃប្រទេសក្នុងតំបន់ ព្រមទាំងបង្កើនទំនុកចិត្តគ្នាទៅវិញទៅមក ដើម្បីលុបបំបាត់ប្រភពនៃនៃជម្លោះជាជំហានៗ។ លោក Sisi បានថ្លែងថា ភាគីអេហ្ស៊ីបសូមកោតសរសើរភាគីចិន ដែលបានប្រកាន់ខ្ជាប់គោលជំហយុត្តិធម៌ជានិច្ចក្នុងបញ្ហាមជ្ឈិមបូព៌ា។ អេហ្ស៊ីបមានឆន្ទៈបន្តពង្រឹងការសម្របសម្រួលជាមួយចិន ដើម្បីកាត់បន្ថយភាពតានតឹង រក្សាសិ្ថរភាពនៅមជ្ឈិមបូព៌ា ដើម្បីស្វែងរករចនាសម្ព័ន្ធសន្តិសុខក្នុងតំបន់។ ក្រោយពីកិច្ចជំនួប ប្រមុខរដ្ឋនៃប្រទេសទាំងពីរបានអញ្ជើញធ្វើជាសាក្សីរួមគ្នាក្នុងពិធីចុះហត្ថលេខាលើឯកសារកិច្ចសហប្រតិបត្តិការលើវិស័យជាច្រើន...
-
542ព័ត៌មានអន្តរជាតិលោកស្រី Peng Liyuan បានទទួលទានតែនិងទស្សនាការ តាំងពិព័រណ៍សិប្បកម្មខ្នាតតូច ជាមួយលោកស្រី Istizal ភរិយា លោកប្រធានាធិបតីអេហ្ស៊ីប
នាព្រឹកថ្ងៃទី ២ ខែកញ្ញា តាមម៉ោងក្នុងតំបន់ លោកស្រី Peng Liyuan ភរិយារបស់លោក Xi Jinping ប្រធានរដ្ឋចិន បានទទួលទានតែជាមួយលោកស្រី Istizal ភរិយារបស់លោក Abdel Fattah al-Sisi ប្រធានាធិបតីអេហ្ស៊ីប នៅទីក្រុងគែរ ព្រមទាំងបានទស្សនាការតាំងពិព័រណ៍ សិប្បកម្មខ្នាតតូចមួយផងដែរ ។ លោកស្រី Peng Liyuan...
-
559Featureអគ្គិសនីសៀមរាប នឹងដាក់ឲ្យពិគ្រោះថ្លៃ (លើកទី២) ការពិគ្រោះថ្លៃផ្គត់ផ្គង់សម្ភារ ចំនួន ១១មុខ ជូនអគ្គិសនីសៀមរាប
សៀមរាប ៖ អគ្គិសនីសៀមរាប សូមជូនដំណឹង ដល់បណ្តាក្រុមហ៊ុន/សហគ្រាស (គិតទាំងសហគ្រាសឯកត្តបុគ្គល) ទាំងអស់ ដែលបានចុះបញ្ជីត្រឹមត្រូវ ក្នុងព្រះរាជាណាចក្រកម្ពុជា ឲ្យបានជ្រាបថា ៖ អគ្គិសនីសៀមរាប នឹងដាក់ឲ្យពិគ្រោះថ្លៃ ជាសាធារណៈដើម្បីផ្គត់ផ្គង់សម្ភារ ចំនួន ១១មុខ ជូនអគ្គិសនីសៀមរាប ។ អគ្គិសនីសៀមរាប បានរៀបចំឯកសារ សម្រាប់ក្រុមហ៊ុន/សហគ្រាសបំពេញដើម្បីចូលរួមពិគ្រោះថ្លៃ និង...
-
888ព័ត៌មានអន្តរជាតិរុស្ស៊ី បេីកការវាយប្រហារកប៉ាល់ ដឹកទំនិញដែលដឹកអាវុធ សម្រាប់ទាហានអ៊ុយក្រែន នៅសមុទ្រខ្មៅ
មូស្គូ៖ រុស្ស៊ីបានឧ្យដឹងថា កងកម្លាំងរបស់ខ្លួន បានកំណត់គោលដៅកប៉ាល់ដឹកទំនិញស្ងួតដែលផ្ទុកអាវុធ និងគ្រាប់រំសេវ សម្រាប់កងកម្លាំងអ៊ុយក្រែន នៅសមុទ្រខ្មៅ។ ការវាយប្រហារជាក្រុមក៏ត្រូវបានអនុវត្តប្រឆាំង នឹងកន្លែងដឹកជញ្ជូនពីរកន្លែងនៅក្នុងរដ្ឋធានីគៀវ របស់អ៊ុយក្រែនផងដែរ។ ទីតាំងទាំងពីរត្រូវបានប្រើ ដើម្បីរក្សាទុក និងចែកចាយសម្ភារៈយោធា សម្រាប់កងទ័ពអ៊ុយក្រែន នេះបើយោងតាមក្រសួងការពារជាតិរុស្ស៊ី។ ការវាយប្រហារទាំងនេះ ត្រូវបានធ្វើឡើងដោយប្រើអាវុធ ដែលមានភាពជាក់លាក់ខ្ពស់ដែលបាញ់ចេញពីអាកាស និងយន្តហោះគ្មានមនុស្សបើកវាយប្រហារ។ ក្រសួងបានឧ្យដឹងថា កងកម្លាំងរុស្ស៊ី បន្តកំណត់គោលដៅ...
-
1.0KFeatureក្រសួងសាធារណការ ដាក់ឱ្យដំណើរការ ការស្នើសុំបន្តសុពលភាព ឆៀក តាមធនាគារដៃគូ
ភ្នំពេញ ៖ នៅថ្ងៃព្រហស្បតិ៍ ទី៣ ខែកញ្ញា ឆ្នាំ២០២៦ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតី ដាក់ឱ្យដំណើរការជាផ្លូវការ ការស្នើសុំបន្តសុពលភាពត្រួតពិនិត្យលក្ខណៈបច្ចេកទេសយានជំនិះ(ឆៀក) តាមធនាគារដៃគូ។ ការស្នើសុំវិក្កយបត្រឌីជីថល និងការស្នើសុំអាជ្ញាបណ្ណផ្លូវថ្នល់ តាមរយៈប្រព័ន្ធស្វ័យប្រវត្តិកម្ម ដោយមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង...
-
1.1Kព័ត៌មានអន្តរជាតិសង្គ្រាមប្រឆាំងនឹងអ៊ីរ៉ង់ កំពុងបង្កភាពតានតឹង ដល់នាវាផ្ទុកយន្តហោះអាមេរិក
វ៉ាស៊ីនតោន៖ ការវាយប្រហារ របស់អ៊ីរ៉ង់ បានធ្វើឱ្យខ្សែសង្វាក់ផ្គត់ផ្គង់របស់កងទ័ពជើងទឹកអាមេរិកនៅមជ្ឈិមបូព៌ារង្គោះរង្គើ ដែលបណ្តាលឱ្យមាន ភាពតានតឹង ដល់នាវាផ្ទុកយន្តហោះ នាវាពិឃាត និងនាវាមុជទឹក ដែលកំពុងត្រូវបានរក្សាទុកនៅក្នុងតំបន់ ដោយគ្មានដែនកំណត់ នេះបើយោងតាមរបាយការណ៍របស់ The New York Times។ របាយការណ៍នេះបានឧ្យដឹងថា កងទ័ពជើងទឹកអាមេរិក មាននាវាផ្ទុកយន្តហោះសរុបចំនួន ១១គ្រឿងប៉ុណ្ណោះ ហើយបានបញ្ជូននាវាចំនួន ៤គ្រឿងទៅកាន់មជ្ឈិមបូព៌ា...
-
850ព័ត៌មានអន្តរជាតិ មនុស្ស ១៨ នាក់ស្លាប់ និង ១០៨ នាក់រងរបួស ក្នុងការវាយប្រហារចុងក្រោយ របស់សហរដ្ឋអាមេរិក ប្រឆាំងនឹងអ៊ីរ៉ង់
តេអេរ៉ង់៖ រដ្ឋមន្ត្រីក្រសួងសុខាភិបាលអ៊ីរ៉ង់ លោក Mohammad-Reza Zafarghandi បានឧ្យដឹងថា មនុស្ស ១៨ នាក់បានស្លាប់ និង ១០៨ នាក់ផ្សេងទៀតរងរបួស ក្នុងការវាយប្រហារពេញមួយយប់ ដោយសហរដ្ឋអាមេរិក ប្រឆាំងនឹងប្រទេសនេះ នេះបើយោងតាមសេចក្តីថ្លែងការណ៍មួយ ដែលបានចេញផ្សាយនៅលើគេហទំព័រ របស់ការិយាល័យប្រធានាធិបតីអ៊ីរ៉ង់។ នៅក្នុងសេចក្តីថ្លែងការណ៍ដាច់ដោយឡែកមួយ ក្រសួងការបរទេសអ៊ីរ៉ង់ បានថ្កោលទោសយ៉ាងខ្លាំង ចំពោះទង្វើឈ្លានពាន...