DAP News

លោកត្រាំ ប្រកាសនឹងសងសឹង អ៊ីរ៉ង់ ១០០០ដង បើប្រទេសមួយនេះ ហ៊ានប៉ះពាល់អាមេរិក ក្នុងរូបភាពណាមួយ

បរទេស៖ សារព័ត៌មានបរទេសនៅថ្ងៃអង្គារនេះ បានសរសេរថាប្រធានាធិបតីអាមេរិកលោកដូណាល់ត្រាំ បានធ្វើការប្រកាសប្តេជ្ញាថា រាល់ការវាយប្រហារណាមួយរបស់អ៊ីរ៉ង់នឹងត្រូវឆ្លើយតបវិញពីសំណាក់អាមេរិក ជាមួយនឹងទំហំធំជាង ១០០០ ដងជាមិនខាន។ ការប្រកាសធ្ងន់ៗ បែបនេះត្រូវបានគេមើលឃើញយ៉ាងច្បាស់ថា ធ្វើឡើងនៅ បន្ទាប់ពីមានការចេញផ្សាយជាច្រើនអំពីរបាយការណ៍ដែរថា អ៊ីរ៉ង់មានផែនការសងសឹកចំពោះការសម្លាប់ឧត្តមសេនីយ៍កំពូល Qasem Soleimani តាមរយៈផែនការធ្វើឃាតរដ្ឋទូតម្នាក់របស់អាមេរិក។ គួរឲ្យដឹងដែរថាប៉ុន្មានថ្ងៃចុងក្រោយនេះ មានលេចឬព័ត៌មានចចាមអារ៉ាមជាច្រើនដែលបានអះអាងថាអ៊ីរ៉ង់បានត្រៀមផែនការ ដ៏ធំមួយក្នុងការធ្វើឃាតទៅលើរដ្ឋទូតអាមេរិកប្រចាំនៅប្រទេសអាហ្វ្រិកខាងត្បូង ហើយនឹងធ្វើវាឲ្យបានជោគជ័យនៅមុនការបោះឆ្នោតនៅសហរដ្ឋអាមេរិកនា ខែវិច្ឆិកាខាងមុខនេះ៕ ប្រែសម្រួល៖ស៊ុនលី

លោក គីម ជុងអ៊ុន ប្ដេជ្ញាបន្ដកិច្ច សហប្រតិបត្ដិការជាមួយចិន ដើម្បីការពារសង្គមនិយម

សេអ៊ូល៖ ទីភ្នាក់ងារព័ត៌មានផ្លូវការកណ្តាលកូរ៉េ (KCNA) បានរាយការណ៍ថា  មេដឹកនាំកូរ៉េខាងជើងលោក គីម ជុងអ៊ុន បានសន្យាថានឹងអភិវឌ្ឍទំនាក់ទំនងប្រទេសរបស់លោកជាមួយចិននិងគាំទ្រកិច្ចខិតខំប្រឹងប្រែងរួមគ្នា ដើម្បីការពារសង្គមនិយម។ ការសន្យាចុងក្រោយរបស់លោកគីម ជុងអ៊ុន បានធ្វើឡើងនៅក្នុងលិខិតមួយផ្ញើជូនប្រធានាធិបតីចិនលោក ស៊ី ជិនពីង ដែលមុននេះបានផ្ញើសារអបអរសាទរក្នុងខួបលើកទី៧២ នៃការបង្កើតប្រទេសកូរ៉េខាងជើង។ លោក គីម ជុងអ៊ុន នៅក្នុងសាររបស់លោកបានសម្តែងការថ្លែងអំណរគុណយ៉ាងស្មោះក្នុងនាមគណបក្សពលករកូរ៉េ និងរដ្ឋាភិបាល និងប្រជាជនកូរ៉េខាងជើងទាំងអស់...

វៀតណាម ត្រៀមជម្លៀសប្រជាជន កន្លះលាននាក់ មុនពេលព្យុះ ណុល មកដល់

បរទេស៖ ជាមួយនឹងព្យុះឈ្មោះ ណុល ដែលនឹងធ្វើឱ្យមានការបាក់ដីនៅតាមខេត្តភាគកណ្តាលនារសៀលថ្ងៃសុក្រខាងមុខ អាជ្ញាធរវៀតណាម កំពុងត្រៀមជម្លៀសប្រជាជនចំនួនកន្លះលាននាក់ទៅទីសុវត្ថិភាព។ យោងតាមសារព័ត៌មាន VN Express ចេញផ្សាយកាលពីថ្ងៃទី១៦ ខែកញ្ញា ឆ្នាំ២០២០ បានឱ្យដឹងថា គិតត្រឹមរសៀលថ្ងៃពុធ ភ្នែកព្យុះត្រូពិកលាតសន្ធឹងប្រហែល ៦៨០ គីឡូម៉ែត្រទៅភាគអាគ្នេយ៍នៃប្រជុំកោះ Hoang Sa (Paracel) របស់វៀតណាម នៅឯឆ្នេរសមុទ្រភាគកណ្តាល...

ផ្សារសំរោងយ៉ោង អគ្គីភ័យកំពុងឆាបឆេះ

ភ្នំពេញ : គិតត្រឹមម៉ោង 9:00 អគ្គីភ័យបាននិងកំពុងបន្តឆាបឆេះយ៉ាងសន្ធោសន្ធៅ ផ្សារសំរោងយ៉ោង ស្ថិតក្នុងស្រុកបាទីខេត្តតាកែវ ។ គួរបញ្ជាក់ថាអគ្គីភ័យនេះបានកើតឡើងតាំងពីវេលាម៉ោង៧៖៣០ នាទី យប់ថ្ងៃ​ទី១៧ ខែកញ្ញាឆ្នាំ២០២០ បច្ចុប្បន្នកម្លាំងជំនាញពន្លត់អគ្គីភ័យបាននឹងកំពុងអន្តរាគមន៍នៅទីតាំងកើតហេតុ ។ បើតាមប្រភពព័ត៌មានពីកន្លែងកើតហេតុបានឲ្យដឹងថា កម្លាំងជំនាញពន្លត់អគ្គីភ័យបានគ្រប់គ្រងស្ថានការណ៍បានខ្លះហើយប៉ុន្តែវាមិនទាន់បាន 100 ភាគរយនោះទេ ។ តែទោះជាយ៉ាងណាករណីអគ្គីភ័យនេះនៅមិនទាន់ដឹងថា ឆេះអស់ប៉ុន្មានតូប និងមានមនុស្សរងរបួសប៉ុន្មាននាក់នោះដែរ។

ឡាវ មានករណីនៃជំងឺគ្រុនឈាម កើនឡើងលើសពី៦.០០០ករណី

វៀងច័ន្ទ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៥ ខែកញ្ញា ឆ្នាំ២០២០ថា  ក្រសួងសុខាភិបាលរបស់ប្រទេសឡាវ បានចេញរបាយការណ៍មួយថា ករណីនៃជំងឺគ្រុនឈាម នៅក្នុងប្រទេសឡាវ បានកើនឡើងដល់៦.២០៣នាក់ ជាមួយគ្នានេះដែរ មានអ្នកស្លាប់ចំនួន១១នាក់ គិតចាប់ពីខែមករា ។ មជ្ឈមណ្ឌលព័ត៌មាន និងអប់រំសុខភាពចំណុះឲ្យក្រសួងសុខាភិបាលបានរាយការណ៍កាលពីថ្ងៃចន្ទថា ចំនួនអ្នកជំងឺគ្រុនឈាម បានកើនឡើងខ្ពស់ចំនួន១.៤៥៧នាក់ ដែលមានក្នុងកំណត់ត្រា នៅក្នុងរដ្ឋធានីវៀងច័ន្ទ របស់ប្រទេសឡាវ ។...

ប៉ាឡេស្ទីន បាញ់គ្រាប់រ៉ុកកែត ទៅលើប្រទេសអ៊ីស្រាអែល ក្នុងអំឡុងពិធីចុះហត្ថលេខា នៅសេតវិមាន

បរទេស៖ពួកសកម្មប្រយុទ្ធប៉ាឡេស្ទីន បានបាញ់គ្រាប់រ៉ុកកែតចេញពីតំបន់ហ្គាហ្សា ចូលទៅក្នុងប្រទេសអ៊ីស្រាអែល ធ្វើឲ្យមនុស្សពីរនាក់រងរបួស កាលពីថ្ងៃអង្គារសប្ដាហ៍នេះ ស្របពេលដែលអ៊ីស្រាអែលនិងប្រទេសអារ៉ាប់នៅឈូងសមុទ្រពីរទៀត បានចុះហត្ថលេខាកិច្ចព្រមព្រៀងធ្វើចំណងមិត្តភាពឲ្យមានភាពប្រក្រតី នៅឯសេតវិមានក្នុងទីក្រុងវ៉ាស៊ីនតោន។  យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន Yahoo News នៅថ្ងៃទី១៦ ខែកញ្ញា ឆ្នាំ២០២០ បានឲ្យដឹងថា នៅពេលភ្លាមៗនេះ នៅមិនទាន់មានការចេញមុខអះអាងទទួលខុសត្រូវ ចំពោះការវាយប្រហារចេញពីទឹកដីដែលពួកឥស្លាមហាម៉ាស់កាន់កាប់នោះទេ។  គួរបញ្ជាក់ថា ប្រជាជនប៉ាឡេស្ទីន ដែលស្វះស្វែងកសាងប្រទេសឯករាជ្យមួយ...

មកដល់ថ្ងៃ១៧ មិនមានអ្នកជាសះស្បើយ និងមិនមានអ្នកកើតជំងឺកូវីដ១៩ថ្មីទៀតទេ

ថ្ងៃភ្ជុំធំ សម្តេចតេជោ ឲ្យពលរដ្ឋការពារខ្លួនពីជំងឺកូវីដ១៩

ភ្នំពេញ ៖ នៅថ្ងៃទី១៧ ខែកញ្ញា ឆ្នាំ២០២០នេះ គឺជាថ្ងៃបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិ របស់ខ្មែរគឺជាពេលវេលាដែលប្រជាពលរដ្ឋទាំងអស់ កំពុងរីករាយជួបជុំជាមួយក្រុមគ្រួសារ មិត្តភក្កិ បងប្អូន ធ្វើបុណ្យ ធ្វើទាន ក្នុងនោះ សម្តេចតេជោ ហ៊ុន សែន នាយករដ្ឋមន្រ្តីកម្ពុជាបានស្នើឲ្យពលរដ្ឋទាំងអស់យកចិត្តទុកដាក់ថែរក្សាសុខភាពឲ្យបានគ្រប់គ្នាជាពិសេសការពារខ្លួនជាឆ្ងាយពីជំងឺកូវីដ១៩។ ក្នុងនោះ សម្តេចថា ត្រូវស្តាប់តាមការណែនាំរបស់ក្រសួងសុខាភិបាលឲ្យបានខ្ជាប់ខ្ជួនដោយបន្តពាក់ម៉ាសការពារ ហើយឧស្សាហ៍ដុសសម្អាតលាងដៃជាមួយ...

ក្នុងពិធីបុណ្យកាន់បិណ្ឌ ! ក្រសួងសុខាភិបាល សង្កេតឃើញថា ទីវត្តអារ៉ាមមួយចំនួន អនុវត្តវិធានការសុខាភិបាល តែវត្តមួយចំនួនទៀត មិនទាន់អនុវត្ត

ភ្នំពេញ ៖ ក្នុងពិធីបុណ្យកាន់បិណ្ឌ នាពេលនេះ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល បានសង្កេតឃើញថា ទីវត្តរ៉ាមមួយចំនួនអនុវត្តវិធានការសុខាភិបាលដោយត្រឹមត្រូវ ប៉ុន្ដែមានវត្តចំនួនទៀត មិនទាន់អនុវត្តវិធានការសុខាភិបាល ដូច្នេះ វត្តអារ៉ាមទាំងអស់ ត្រូវចូលរួមអនុវត្ត វិធានការសុខាភិបាល ដើម្បីទប់ស្កាត់ជំងឺកូវីដ-១៩។ សូមជម្រាបថា កាលពីថ្ងៃទី៣១ សីហា...

នៅចាំមេដឹកនាំហ្គាដាហ្វីអត់? តើប្រវត្តិខ្លះៗរបស់គាត់ យ៉ាងណាបានក្លាយទៅជា មេដឹកនាំប្រទេសលីប៊ី?

ប្រវត្តិសាស្ត្រ៖រំ លឹកឡើងវិញកាលពីថ្ងៃទី១ខែកញ្ញាឆ្នាំ១៩៦៩នៅពេលដែលមេទ័ពវ័យក្មេងអាយុទើបតែ២៧ឆ្នាំមាន ឈ្មោះមូអាម៉ាអាល់ហ្គាដាហ្វីបានដឹកនាំផែនការរដ្ឋប្រហារមួយនៅក្នុងប្រទេសលីប៊ី ដើម្បីទំលាក់ស្តេចព្រះអង្គKing Idris Iហើយផែនការនេះបានទទួលជោគជ័យជាស្ថាពរ ដោយហ្គាដាហ្វីក្រោយមកក៏បានឡើងធ្វើជាមេដឹកនាំរបស់ប្រទេសសំបូរប្រេងកាតមួយនេះ។ ហ្គាដាហ្វីគឺជាកូនកសិករម្នាក់ និងបានចាប់កំណើតនៅលើតំបន់វាលខ្សាច់នៃប្រទេសលីប៊ីកាលពីឆ្នាំ១៩៤២។ គាត់បានបញ្ចប់ថ្នាក់សកលវិទ្យាល័យនាឆ្នាំ១៩៦៣ជាមួយនឹងសកលវិទ្យាល័យជាតិនៃប្រទេសលីប៊ី និងបានបន្តថ្នាក់យោធានៅឯទីក្រុងBanghaziនាឆ្នាំ១៩៦៥។ ក្រោយមករយៈអស់ប្រមាណជា៤ឆ្នាំគាត់បានខិតខំបំពេញការងារនិងសន្សំក្រុមស្ម័គ្រស្មោះ របស់ខ្លួនដើម្បីត្រៀមរៀបចំធ្វើរដ្ឋប្រហារទំលាក់ស្តេចKing Idris។ រហូតមកដល់ឆ្នាំ១៩៦៩ក្រុមទាហានជាច្រើន របស់លោកហ្គាដាហ្វីបានរៀបចំខ្លួនបានយ៉ាងល្អហើយបានរងចាំរហូតដល់ពេល ដែលស្តេចលីប៊ីអង្គនេះធ្វើដំណើរចាកចេញពីប្រទេសដើម្បីព្យាបាលជំងឺ ប៉ុន្តែការធ្វើរដ្ឋប្រហាររបស់គាត់គឺធ្វើឡើងដោយពុំមានការបង្ហូរឈាមគ្នារវាងកងកម្លាំងប្រដាប់អាវុធ និងប៉ះពាល់ដល់អាយុជិវិតរបស់ពលរដ្ឋស៊ិវិលរបស់គាត់ឡើយ។ ស្តេចKing Idrisដែលក្រោយមកបានទទួលដំណឹង នៃការធ្វើរដ្ឋប្រហារនេះក៏បានធ្វើដំណើររត់គេចពីប្រទេសតួកគី...