ព័ត៌មានអន្តរជាតិ

ធ្លាយដំណឹងថា រដ្ឋមន្រ្តីការបរទេស អាមេរិក Mike Pompeo គ្រោងលាលែងពីតំណែង

បរទេស៖ រដ្ឋមន្ត្រីការបរទេស សហរដ្ឋអាមេរិកលោក Mike Pompeo តាមសេចក្តីរាយការណ៍ គឺលោកគ្រោងនឹងចាកចេញ ពីតួនាទីជាអ្នកការទូតកំពូលអាមេរិក ដើម្បីទៅឈរឈ្មោះ យកតំណែងព្រឹទ្ធសភា អាមេរិកដែលតំណាងឱ្យរដ្ឋ Kansas នៅឆ្នាំក្រោយ។

យោងតាមសារព័ត៌មាន Sputnik ចេញផ្សាយនៅថ្ងៃទី២០ ខែវិច្ឆិកា ឆ្នាំ២០១៩ បានឱ្យដឹងថា លោក Pompeo កំពុងពិចារណារក្សាតំណែង ជាប្រមុខក្រសួងការបរទេស អាមេរិក យ៉ាងហោចណាស់ រហូតដល់ដើមនិទាឃរដូវឆ្នាំ ២០២០ ។ នេះបើតាមពេលវេលា បានបែកធ្លាយព័ត៌មាននេះ កាលពីល្ងាចថ្ងៃអង្គារដោយដកស្រង់ប្រភពព័ត៌មានលេចធ្លោចំនួន ៣ នៅក្នុង GOP ដែលដឹងច្បាស់ពីផែនការផ្លូវការ ។

ក្នុងចំណោមមូលហេតុ ដែលនៅពីក្រោយការលាលែង របស់លោក Pompeo អាច ជាការស៊ើបអង្កេតចោទប្រកាន់ ដែលកំពុងបន្តប្រឆាំង នឹងប្រធានាធិបតីអាមេរិក ដូណាល់ត្រាំ ដែលត្រូវបានគេគិតថា ជាហានិភ័យសម្រាប់មុខមាត់ នយោបាយរបស់លោក ខណៈដែលមានភាពតានតឹង ក្នុងទំនាក់ទំនងផ្ទាល់ខ្លួន របស់លោកជាមួយប្រធានាធិបតីអាមេរិកផងដែរ។

យោងតាមប្រភពព័ត៌មានពីគណបក្ស សាធារណរដ្ឋ ដែលបានដកស្រង់សម្តីដោយប្រព័ន្ធផ្សព្វផ្សាយ បានឱ្យដឹងថា ការលាលែងពីតំណែង របស់លោក Pompeo នឹងត្រូវបានសំរេច ដោយសមត្ថភាពរបស់លោក ក្នុងការស្វែងរកច្រកចេញ ដែលអាចធ្វើទៅបានយ៉ាងរលូនបំផុតពីរដ្ឋបាល Trump ។

ទោះជាយ៉ាងណាក៏ដោយ ជំនួយការរបស់លោក Pompeo ត្រូវបានគេរាយការណ៍ថា បានបដិសេធផែនការ របស់លោកក្នុងការលាលែងពីតំណែងនេះ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top