ព័ត៌មានអន្តរជាតិ

កូរ៉េខាងត្បូង នឹងដាក់ទណ្ឌកម្មលើអ្នកលក់ម៉ាស់ ដែលធ្វើឲ្យខូចទីផ្សារ ដោយសារឡើង ថ្លៃហួសហេតុ

សេអ៊ូល៖ ជាមួយ នឹងតម្រូវការរបាំងមុខ ឬម៉ាស់ដែលកំពុងកើនឡើង ចំពេលមានការភ័យខ្លាច ចំពោះមេរោគឆ្លងថ្មីនេះ រដ្ឋាភិបាលកូរ៉េខាងត្បូង កាលពីថ្ងៃអាទិត្យបានប្រកាសផែនការដាក់ទណ្ឌកម្មលើអ្នកលក់ ដែលរំខានដល់ទីផ្សារ។

នៅក្នុងសន្និសីទសារព័ត៌មានរួមគ្នាមួយ ដែលធ្វើឡើងដោយរដ្ឋមន្រ្តី ក្រសួងសុវត្ថិភាពចំណីអាហារ និងគ្រឿងញៀនលោក Lee Eui-kyung បានលើកឡើងថា រដ្ឋាភិបាលកំពុងត្រួតពិនិត្យ យ៉ាងយកចិត្តទុកដាក់ ចំពោះអ្នកលក់ដុំនិងអ្នកលក់រាយ តាមអ៊ីនធឺណិត ដែលសង្ស័យថាឡើងថ្លៃហួសហេតុ។

រដ្ឋាភិបាលគ្រោង នឹងកែសម្រួលបទប្បញ្ញត្តិពាក់ព័ន្ធជាបន្ទាន់ ដើម្បីផ្តន្ទាទោសអ្នកលក់បែបនេះ ដោយដាក់ពន្ធនាគាររហូតដល់ ២ ឆ្នាំឬពិន័យជាប្រាក់រហូតដល់ ៥០ លានវ៉ុន (៤១,៨៥៩ ដុល្លារអាមេរិក) ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×