ព័ត៌មានអន្តរជាតិ

News Update៖ វីរុសកូរ៉ូណា សម្លាប់ពលរដ្ឋចិនលើសពី២.០០០នាក់

ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹង នៅថ្ងៃទី២១ ខែកុម្ភៈ ឆ្នាំ២០២០ថា ប្រទេសចិន មានករណីថ្មីចំនួន១.១០៩ ដែលបញ្ជាក់ថា ឆ្លងដោយវីរុសកូរ៉ូណា គិតត្រឹមថ្ងៃព្រហស្បតិ៍ ។ គណៈកម្មាធិការសុខាភិបាលជាតិ បានឲ្យដឹងនៅថ្ងៃសុក្រនេះ ហើយបានកើនឡើង គិតចាប់ពី៣៩៤ករណីកាលពីមួយថ្ងៃមុន ។

សរុបទៅអ្នកដែលរស់នៅចិនដីគោក គឺមានចំនួន៧៥.៦៨៥ករណី ។

តួលេខនៃអ្នកស្លាប់ ដោយផ្ទុះជំងឺនៅចិនដីគោក បានកើនឡើងដល់២.២៣៦នាក់ គិតត្រឹមថ្ងៃព្រហស្បតិ៍ ដែលបានកើនឡើង១១៨នាក់ធៀបនឹងថ្ងៃពុធ ។

ខេត្តភាគកណ្តាល ហឺប៉ី ជាកន្លែងដែលផ្ទុះជំងឺ ត្រូវបានគេរាយការណ៍មកថា មានអ្នកស្លាប់ថ្មីចំនួន១១៥នាក់ ទន្ទឹមនឹងនេះដែរ រដ្ឋធានី គឺក្រុងវ៉ូហាន មានអ្នកស្លាប់៩៩នាក់ ៕ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×