សេអ៊ូល៖ កាសែតដ៏សំខាន់ របស់ប្រទេសនេះ បានចុះផ្សាយនៅថ្ងៃព្រហស្បតិ៍នេះថា ប្រទេសកូរ៉េខាងជើង បានរឹតបន្តឹងគោល ការណ៍ណែនាំ ស្តីពីទំនិញ ដែលបាននាំចូល ដែលជាផ្នែកមួយ នៃកិច្ចខិតខំប្រឹងប្រែង ដើម្បីការពារមេរោគឆ្លងកូរ៉ូណា ពីការឈានដល់ដីរបស់ខ្លួន។
កាសែត Rodong Sinmun បានចុះផ្សាយថា ប្រទេសនេះបានធ្វើបច្ចុប្បន្នភាព គោលការណ៍ណែនាំរបស់ខ្លួន ស្តីពីវិធានការផ្តាច់មុខ និងការរមាប់មគទំនិញ ដែលបាននាំចូល និងចែកចាយទៅស្ថាប័ន ដែលទាក់ទងនឹងការគ្រប់គ្រងសុខភាព និងព្រំដែន។
កាសែតខាងលើបានចុះផ្សាយបន្ដទៀតថា “វាមានសារៈសំខាន់ក្នុងការដាក់ការ ត្រួតពិនិត្យយ៉ាងតឹងរឹងលើទំនិញ ដែលបាននាំចូល ដើម្បីមានវិធានការវិទ្យាសាស្ត្រ និងការបង្ការទុកជាមុន” ៕
ដោយ ឈូក បូរ៉ា
