រដ្ឋកាលីហ្វ័រញ៉ា គ្រោងបើកឡើងវិញ នៅសប្តាហ៍នេះ ទោះបីមានអ្នកស្លាប់ជាង ៥ពាន់នាក់ នៅទូទាំងរដ្ឋក៏ដោយ

LOS ANGELES៖ ទោះបីជាចំនួនអ្នកស្លាប់ នៅទូទាំងរដ្ឋជាង ៥.០០០ នាក់ ដោយសារ មេរោគកូវីដ១៩ គិតត្រឹមថ្ងៃសៅរ៍ក៏ដោយ ក៏រដ្ឋកាលីហ្វ័រញ៉ា បានចាប់ផ្តើម នៅចុងសប្តាហ៍នេះ ដើម្បីបើកអាជីវកម្មលក់ រាយភាគច្រើន ដែលអាចបង្ហាញថា ពួកគេមានឆន្ទៈ និងអាចទទួលយកពិធីសារ សុវត្ថិភាព ដែលមានកាតព្វកិច្ចរដ្ឋ។

យោងតាមទីភ្នាក់ងារ ព័ត៌មានចិន ស៊ិនហួ ចេញផ្សាយនៅថ្ងៃទី១៥ ខែមិថុនា ឆ្នាំ២០២០ បានឱ្យដឹងថា ជំហរនៃការត្រៀមបើកឡើងវិញនេះ មានអ្នកស្រុកខ្លះមាន ការព្រួយបារម្ភថា បញ្ហានេះអាចនាំឱ្យមាន ការកើនឡើងក្នុងករណី ខណៈខ្លះទៀតមានភាពច្របូកច្របល់ ចំពោះជំហានកំពុងត្រូវបានអនុវត្ត ដើម្បីត្រឡប់ទៅរកភាពប្រក្រតី និងជួយសន្សំសំចៃ សេដ្ឋកិច្ចក្នុងស្រុក។

លោក Michael Tiberi មកពី Sunland ដែលជាសហគមន៍ចម្ងាយ ១០ គីឡូម៉ែត្រខាងជើងទីក្រុង Los Angeles បានប្រាប់ស៊ិនហួ ថា“ វាអាចនាំឱ្យមានការឆ្លងរលកទី ២” ។ វាមិនដូចជាវីរុសបានផ្លាស់ប្តូរទៅជាទម្រង់ស្រាលឬថា យើងមានវ៉ាក់សាំង នៅនឹងកន្លែងនៅឡើយទេ។

រដ្ឋកាលីហ្វ័រនីញ៉ា មានករណីឆ្លងមេរោគកូវីដ១៩ ជាង ១៥០.០០០ ករណីហើយរហូតមកដល់ពេលនេះ មានអ្នកស្លាប់ចំនួន ៥.០៦១ នាក់នៅទូទាំងរដ្ឋ។ ទិន្នន័យចុងក្រោយ បង្អស់បានបង្ហាញថា ស្ទើរតែពាក់កណ្តាល នៃករណីទាំងនោះនិងការស្លាប់ជាង ២.៨០០ នាក់ត្រូវ បានរាយការណ៍នៅ Los Angeles ៕ប្រែសម្រួលៈ ណៃ តុលា