ព័ត៌មានអន្តរជាតិ

ទីប្រឹក្សាលោក ត្រាំ៖ អាមេរិកនឹងបន្ថយកងទ័ព ក្នុងប្រទេសអាហ្វហ្គានីស្ថាន ឲ្យនៅជាង ២.០០០ នាដើមឆ្នាំ២០២១

បរទេស៖ ទីប្រឹក្សាសន្តិសុខជាតិអាមេរិក លោក Robert O’Brien បាននិយាយនៅថ្ងៃពុធថា សហរដ្ឋអាមេរិក នឹងកាត់បន្ថយកងទ័ព នៅអាហ្វហ្គានីស្ថានរបស់ខ្លួន ឲ្យនៅចំនួន២.៥០០នាក់ នៅដើមឆ្នាំក្រោយនេះ ផ្តល់សេចក្តីលម្អិតកាន់តែច្បាស់ ស្តីពីទំហំនៃការដកកងទ័ព ចេញពីសង្គ្រាមដ៏យូរបំផុត របស់អាមេរិក។

នៅក្នុងកម្មវិធីមួយ នៅសាកលវិទ្យាល័យ University of Nevada រដ្ឋ Las Vegas លោក Robert O’Brien បាននិយាយថា “នៅពេលលោកប្រធានាធិបតី ត្រាំ ឡើងកាន់តំណែង មានកងទ័ពអាមេរិកចំនួនជាង ១០.០០០នាក់ នៅក្នុងប្រទេសអាហ្វហ្គានីស្ថាន។ នៅក្នុងពេលបច្ចុប្បន្ននេះ មានចំនួនក្រោម៥.០០០នាក់ ហើយនោះ នឹងចុះនៅ២.៥០០នាក់ នៅដើមឆ្នាំក្រោយ”។

គួរបញ្ជាក់ថា កិច្ចព្រមព្រៀងដ៏សំខាន់មួយ រវាងសហរដ្ឋអាមេរិកនិងពួកតាលីបង់ ក្នុងខែកុម្ភៈនិយាយថា កងកម្លាំងបរទេស នឹងចាកចេញពីអាហ្វហ្គានីស្ថាន នៅត្រឹមខែឧសភា ឆ្នាំ២០២១ ដើម្បីជាថ្នូរសម្រាប់ការធានា ប្រឆាំងអំពើភេរវកម្មពីពួកតាលីបង់ ដែលបានយល់ព្រម ធ្វើការចរចា អំពីបទឈប់បាញ់គ្នាអចិន្ត្រៃយ៍ និងរូបមន្តចែករំលែកអំណាច ជាមួយរដ្ឋាភិបាលអាហ្វហ្គានីស្ថាន៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top