ព័ត៌មានអន្តរជាតិ

ប្រជាជាតិជិត៤០រិះគន់ គោលនយោបាយ សិទ្ធមនុស្ស របស់ប្រទេសចិន

បរទេស៖កាលពីថ្ងៃអង្គារដើមសប្តាហ៍កន្លងមក បណ្តាប្រទេសលោកខាងលិចប្រមាណជា ៤០ ប្រទេសបាននាំគ្នាធ្វើការរិះគន់ចិនចំពោះ បញ្ហាក្រុមជនជាតិភាគតិចជាពិសេសនៅខេត្តស៊ីនជាំងនិងទីបេព្រមទាំងបានបង្ហាញ ការព្រួយបារម្ភយ៉ាងខ្លាំងចំពោះផលប៉ះពាល់នៃច្បាប់សន្តិសុខជាតិថ្មីរបស់ចិនស្តីពី សិទ្ធិមនុស្សនៅក្រុងហុងកុងនោះផងដែរ។ 

សហរដ្ឋអាមេរិកនិងបណ្តាប្រទេសអ៊ឺរ៉ុបជាច្រើនទៀត បូករួមទាំងជប៉ុនផងបានអំពាវនាវឱ្យប្រទេសចិនអនុញ្ញាតឱ្យមានការធ្វើដំណើរដោយសេរីដោយមិនមានសិទ្ធិចូលទៅកាន់តំបន់ស៊ីនជាំងសម្រាប់អ្នកសង្កេតការណ៍ ឯករាជ្យរួមទាំងប្រធានសិទ្ធិមនុស្សរបស់អាមេរិកលោកស្រី Michelle Bachelet និងបញ្ឈប់ជាបន្ទាន់ពីការឃុំខ្លួនជនជាតិអ៊ូហ្គួរនិងសមាជិកជនជាតិភាគតិចដទៃទៀត។ 

ប្រទេសទាំងនោះ ក៏បានជំរុញប្រទេសចិន នៅក្នុងសេចក្តីថ្លែងការណ៍រួមមួយដែលត្រូវបានអាននៅក្នុងកិច្ចប្រជុំគណៈកម្មាធិការសិទ្ធិមនុស្សរបស់មហាសន្និបាតអង្គការសហប្រជាជាតិ ដើម្បីលើកកម្ពស់ ស្វ័យភាពសិទ្ធិនិងសេរីភាពនៅហុងកុងនិងគោរពឯករាជ្យភាពរបស់ប្រព័ន្ធតុលាការហុងកុង៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top