សភាថៃ ចាប់ផ្តើមប្រជុំពិសេសដោះស្រាយវិបត្តិ ក្នុងពេលក្រុមបាតុករប្រឆាំងរដ្ឋាភិបាល ដង្ហែរក្បូន ដាក់ញត្តិទៅស្ថានទូត អាល្លឺម៉ង់

បរទេស៖ មេដឹកនាំគណបក្សប្រឆាំងលោក Sompong Amornwiwat បានបើកសម័យប្រជុំពិសេសរបស់សភានៅថ្ងៃច័ន្ទ ជាមួយនឹងការអំពាវនាវឲ្យលោកនាយករដ្ឋមន្រ្តីប្រាយុទ្ធ ចាន់អូចា ចុះចេញពីតំណែង ខណៈក្រុមអ្នកតវ៉ាប្រឆាំងរដ្ឋាភិបាលគ្រោងនឹងដាក់ស្ថានទូតអាល្លឺម៉ង់ ដោយមានញត្តិដែលមិនធ្លាប់មាន។

យោងតាមសារព័ត៌មាន Bangkok Post ចេញផ្សាយនៅថ្ងៃទី២៦ ខែតុលា ឆ្នាំ២០២០ បានឱ្យដឹងថា មេដឹកនាំគណបក្សភឿថៃបាននិយាយថា ឧត្តមសេនីយ៍ប្រាយុទ្ធ គួរតែចុះចេញពីតំណែងដើម្បីបង្ហាញពីការទទួលខុសត្រូវចំពោះការប្រព្រឹត្តខុសទៅលើការតវ៉ាដោយប្រើកាណុងបាញ់ទឹក ប្រឆាំងនឹងក្រុមបាតុករ កាលពីថ្ងៃទី ១៦ ខែតុលា និងចេញក្រឹត្យដាក់រដ្ឋគ្រាមានអាសន្នពិសេសមួយដើម្បីបញ្ចប់ការជួបជុំរបស់បាតុករ នៅខាងក្រៅវិមានរដ្ឋាភិបាលនៅថ្ងៃទី ១៤ ខែតុលា។

លោក Sompong ក៏បានអំពាវនាវឱ្យមានការដោះលែងអ្នកតវ៉ាដែលត្រូវបានឃុំខ្លួនជាកាយវិការសុច្ឆន្ទៈ ដើម្បីព្យាយាមនិងបញ្ចប់ការប្រឈមមុខដាក់គ្នា។ លោកបន្ថែមថា នាយករដ្ឋមន្រ្តីគួរតែមានចិត្តបើកចំហចំពោះការទាមទាររបស់ក្រុមអ្នកតវ៉ាវ័យក្មេង ហើយបញ្ឈប់ការពន្យារពេលដំណើរការនៃការសរសេររដ្ឋធម្មនុញ្ញថ្មី។

មេដឹកនាំប្រឆាំងរូបនេះបានប្រាប់សភាថា « នាយករដ្ឋមន្រ្តីត្រូវតែលាលែងពីតំណែង» ៕ ប្រែសម្រួលៈ ណៃ តុលា