ព័ត៌មានអន្តរជាតិ

Amazon នឹងជួល បុគ្គលិក ធ្វើការ នៅអង់គ្លេស ប្រមាណជា១០ ០០០នាក់ បន្ថែមទៀត

បរទេស៖ទូរទស្សន៍ BBC ចេញផ្សាយនៅថ្ងៃសុក្រនេះ បានឲ្យដឹងថា ក្រុមហ៊ុនបច្ចេកវិទ្យាយក្សអាមេរិក Amazon ត្រូវបានគេជឿជាក់ថា នឹងធ្វើការជួលយកបុគ្គលិកបន្ថែមទៀតប្រមាណជា១០ ០០០នាក់ទៀត នៅក្នុងប្រទេសអង់គ្លេស ដើម្បីបំពេញតាមតំរូវការដ៏ច្រើននៃទំនិញអនឡាញ ក្នុងពេលវិបត្តិកូវីដនេះ។

ប្រភពដដែលបានឲ្យដឹងដែរថាតួនាទីដែលភាគ ច្រើននឹងទទួលបានគឺនៅទីក្រុង Cambridge, Edinburgh, London និង Manchester ផងដែរហើយក៏បាន បញ្ជាក់អំពីជំនឿជាក់របស់ អ្នកវិនិយោគមកលើសេដ្ឋកិច្ច របស់អង់គ្លេស។

ទោះបីជាយ៉ាងណាក្តីមួយរយៈចុងក្រោយនេះ Amazon បានទទួលរងការរិះគន់ យ៉ាងខ្លាំងអំពីបញ្ហាលក្ខខណ្ឌការងាររបស់បុគ្គលិក របស់ខ្លួនព្រមទាំងបញ្ហាប្រាក់ពន្ធផងដែរ។

គួរឲ្យដឹងដែរថា Amazon ក្រោយចំនួនបុគ្គលិកថ្មីនេះ មានន័យថាចំនួនការងារសរុបនៅក្នុងអង់គ្លេសគឺមានរហូតទៅដល់៥៥ ០០០កន្លែង គិតត្រឹមចុងឆ្នាំហើយក្នុងនោះ ជាមធ្យមខ្លួនចំណាយប្រាក់ ប្រមាណជា ៩,៧ ផោនក្នុងមួយម៉ោងលើកលែងតែនៅទីក្រុង London ទទួលបាន១០,៨០ ផោនក្នុងមួយម៉ោង៕

ប្រែសម្រួល៖ស៊ុនលី

To Top